ZCD WEEK IN BRIEF: Wednesday to Wednesday, June 12-19, 2013

Sunday, June 23, 2013 [Kap Khan Khual]

Political Development::

Wednesday, June 12, 2013, Heilei:

Yangon (ZCD.Info): June 6 ni-in Ngennung thugenna pen Pu Khual Suan Thang inn ah khuami 

30 kimbang nasep kin mah mah hang hongpai uhi.ZCD party honglut 50 valbang phapahin  vaipuak lading khat kiseh pah hi. Ngennung vaivan khitciang, June 12 ni-in Heilei ah ZCD  policy 4 (Ngimna) te thungai ding a hongpai khuami 200 valtungah annneek ma (Innteek te’n 

sial khat go) pulaakna kinei theih hi. A nitakciang zong khuami 40 valtawh thukupna kinei theih 

lai hi. 

Thursday, 13, 2013, Heilei:

Yangon (ZCD.Info): June 13 ni’zingsang in Pu Kap Khan Thang inn ah signboard suangin committee member 9 tawh ZCD ma’pangding kiseh theih hi. Zing annneek khitciang, Paakzang lam’zuan in GREAT a-ki-ci NGO khatin hunna bawl a, tua munah zong thugen ding ZCD hun hongpia hi. A kician mah mah khuami 60 tung ZCD policies kigentheih in thuvan ding khat kiseh theih pah hi.

Sunday, 16, 2013, Lamzang:

Yangon (ZCD.Info): Lamzang, Pu Neng Lam Za Thang inn (Lamzang Mualtung Innpi) ah thugenna kinei-in khangno sinsen 80 thungai hongpai hi. Pu Neng Lam Thang pen Pu Thual Zen te’ galkap khat hi-in Mongyua Thong ah kum 3 sung thongkia ngei hi.

Tuesday, 18, 2013, Yangon:

Yangon (ZCD.Info): UNA makaipite Daw Aung San Suu Kyi innah politics kikupna nei hi. 2008  constitution, legal system puahphat ding vai leh PR system deihloh vai kikum theih hi. UNA  tawh holimna neih zel zel ding thukimna nei hi. ZCD pan Pu Chin Sian Thang, President, Pu 

Zam Za Mung, Secretary leh Pu Eng Biak Thang te kihel theih hi.

Wednesday, 19, 2013, Yangon:

Yangon (ZCD.info): Park Royal Hotel ah International Republican Institute (IRI) i President leh Ambassador te’n Panel Discussion bawlin political parties 16, civil society organizations 24 pan makai 80 bang thun gai ding pai-in ZCD pan Pu Chin Sian Thang,  Pu Zam Za Mung, Pu Khup Mung,  Pu Ngul Khan Dal leh Pu Eng Biak Thang te zong kihel theih hi.

See More...

Zomi World Refugee Day - Maela Camp, Thailand

June 20, 2013

Dear : All Zomi

Zah tak Pi leh Pu Nu leh Pa Lia leh Tang te aw ZAT pan Thu thak a hi 20.6.2013 ni Zing Sang Nei 7:00 AM pan Sun Nei 11:00 Dong Thailand Maela Camp ah "World Refugee Day" na sia tak in Mi Pi 3000 val leh Bang kok "UNHCR" Zum Pi pan U lai te Thai Gam Refugee tawh a ki sai Zum Pi "MOI"  leh NGO a tuamtuam te tawh ki bawl hi Maela Camp ah Refugee Mi 43000 val ki om in Mual Tung Mi Nam (13) ki om hi. 

"Karen" "Zomi" "Kachin" " Kazan" "Naga" "PaOh" "Lahu" "Rakhei""Mon" "Shian""Chin" "Lisu" "Burman"  leh "Musalim" "Gualkha" cih teng ki om hi. tua lak ah ZAT ma kai na tawh  Ih Zomi Nam te bek in Ngei Na Lam Na leh Zo An lah na ki nei bek hi. 

A dang Mi Nam te in An bek Lah na nei uh Hi, tua thu te  Ih eah ciang  Ih Zomi Nam te cih tak na leh lung sim Pi Ciin na lei tung bup ah ki lang mahmah ci ding hi, tua ban ah "Karen Stubent Network Group [KSNG} Media News ( Radioprogram) te leh "Karen News [ KIC]" te in Ih Zomi te ZCFC Zomi Biak in ah hong nung zui pah uh a, Zomi Association in Thailand - ZAT Ma Kai Pi "Pu Zomi Paul Pau  tung Ih Zomi Thu leh Thu a dot nop bang bang uh dong uh in Pu Zomi Paul Pau in a gen ziahziah pah hi, Vedio tawh A Mel leh A Thu gen te khum uh in tua ban ah A top na ah Ih Zogam leh ih Zomi Nam ta ding in 1/ Gullu leh Ukeng Mual thu leh 2/ Ih Zogam ah INDIA Mi Nam a hi "Meitei" thau toi te leh CNF/CNA Thau toi te Thu 3/ Kawl Kum Pi te in Ih Zomi Nam te ID hong piak loh na lung kim loh na Thu te tawh ki sai zong na sia tak in pulak na nei hi,  A Vedio leh a Maan te hong khak kiia hi ung Na en sak un maw. lungdam

       

      Thu Puak

      Zomi Assocation in Thailand - ZAT

      Office

      Maela Camp Thailand

      Ph:+6687 204 3566

See More...

ZCD te International Republican Institute pawi ah kihel

International Republican Institute te sap na tawh 20 June 2013 in, Park Royal zingsang 10 in kawlgam sung a party tuam tuam te leh civil society te pan mipi 100 bang ong sam in a mau na sep dan ong gen khia thei uh a, ZCD party pan in Pu Chin Sian Thang (President), Pu Ngul Khan Dal, Pu Khup Mung leh Pu Zam Mung te ki hel thei uh hi.

Tu ciang ciang ah kua kua in ong sam leh ka hih theih bang bang un na pai den ung.IRI pan in President,Asia Regional Director leh Country Director te ong ki hel thei uh hi. President pan a gen na ah ko US gam ah zong a tam zaw deih na tawh US President ka tel uh hang in mi gi na lo zong ki tel kha thei ve ve hi. 

Democracy ki uk na kum240 bang ka zat khit uh hang hak na ,deih bang loh na te ki phul kha ve ve hi ci hi.Tua ciang a pai te lam pan bel PR ki tel dan deih loh na leh Ferderal deih na thu ki lim gen pih mah mah hi.

Zam Mung

ZCD

See More...

Malaysia ah Zomi numei conference

ZCD (Mlys) in Zomi Numei Conference abawl ni leh Pate' Ni kituak lian himah tase leh hong kihel dinga sapte leh thugen dinga sehte kim takin hong pai thei uh hi. Geelsa om bangin  Chairman Pa Thang Khen Lian in hun hong len pah hi. Hunpat thugnetna pen 10:30am hun in ZWO pan Nu Khual Ngaih Ning in hong nei a, tua khit ciangin mimal kipulakna in zomto pah hi. Pa Phillip Khaipu in vaimuakna thu a genna ah " Zomi numeite in Zomi vai atheih uh a hun hita a, minam ading nasepna ah pasalte tawh khut kilen a kalsuan khop theih kisam ta hi. Gamvai nasepna ah numeite in bang mun panin pan la thei ding hiam cih kikum dinga  a kikaikhawm hihang.." ciin tom kim takin pulaakna hong nei hi.

Azom ah ZAM President Sya Hau Khai in hibangin thugenna hong nei hi: Numei tawh kisai nasepna pen Zomi sungah muh ding om nai lo ahihman in dah huai ka sa hi. Numeite pen panpih theih bangin panpih ni , bang hang hiam cileh khutme nga lakah khat kim kei leh na asep theihdan kilamdang pah hi. Khutme tengin septheih tuam tek nei uh a, pang khawm a na hong sep uh ciangin thahat zo pan hi. Malaysia ah Zomi tul sawmthum val bang om napi tul sawmnih kiim khawng bek ZAM (Zomi  kipawlna) ah hong lut uh hi. Zomi teng khempeuh numei pasal in khauhual khat ih bat theih kisam penpen ta hi. Innkuan sungah numeite a thupit mah bangin kipawlnate ah zong numeite nong thahat ding uleh nakpi taka na nong sep ding uh lunggulhna lianpi kinei hi. Malaysia ah zong Zomi numei kipawlna a om lo hi lo hi. Vai tuamtuam hang tawh hong thanem kik uh hikei leh nidangin numei kipawlna pen thahat mahmah ngei hi. Tu in ZAM ah zong numei kinei ta ahihman in numei kipawlna nong thaksuah sak kik ding uleh hoih tak a na i sep khop theih ding pen nakpi takin kilunggulh hi. (Tomkaihna)

Tua khit ciangin  Philip Khaipu in thugenna hong nei leuleu hi:  Gam leh minam, ngeina lehbiakna, innkuansung dinmun a kilangsak leh a pholak pen numeite ahi uh hi. Migam milei ah khualzin lehang nadangte khempeuh sangin numeite gamtat luhekzia leh kizep kipuahdan in mit la masa in gen masak pen in kinei hi. Mi inn ah hawh lehang pasalte a nuam mahmah phial zongin numeite hong nuam kei mawk uleh ki tutkho thei lo hi.Hih munte ah numeite mawhpuakna lian mahmah hi.Numeite pilna lamah pattah huai uh hi, bang hang hiam cileh numeite in inn kuansung, usung nausung ah hamphatna (direct impact) pia hi, na lawmnu laitan nei khat hong himawk leh sum tampi beiin na tate midang kiangah Tution na kahsak kul lo cihna hipah hi. Numei pilten tate pattahdan zong siam in minam leh ngeina itna zong tate lungsim sungah khaici bangin tuh in picingto sak thei uh hi.Gam khangtote ah numei pasal liangko kikimna thupisak ta uh hi. Hih thu pen telkhialh loh ding thupi hi. Liangko kikim cihciangin na khempeuh a kibangin sem khawm ding cihna hikhin lo a, kihuh theihna munte ah kihuh ding cihna hizaw hi. Zomi sungah nidang a ih kalsuanzia pen ( Mawto engine bang hileh) 4x2 tawh kikalsuan ahihman in namdangte nungah ki om den hi. Hihpen bang hang hiding hiam cih ih kankan ciangin pasalte nungpan hong tawsawn ding numeite pen Zomite'n ih nuaisiah denna hang hi gige mawk hi.Tuni a kipan  numei pasal pang khawm in 4x4 tawh mailam nawt ta ni. ( Tomkaihna)

Phillip Khaipu' thugenna khit ciangin Evan. Suangdal in Article hong khak simna kinei a, tuasung panin "Pasalte haina, huaihamna le gongtat zuauphuahna thukim pih lo ding. Eve bangin pasal thu dong lopi in ne lo ding...Ananias le Sapphira zong nih gel kilungtuak kipumpaih uh hi.... Zomi nupite adingin a etteh huai lo numei  thum, Eve bangin pasalte thu dong lo pi-in gamta lo ding. Job zi bangin ih pasalte damloh zawnkhal tuah siatna ah mawhsak lo ding. Lot zi bangin ih nungsang heihei lo ding (Piancilna.  3: 1-7; 19: 26; Job.2: 9). Nupi hoih thum, Ruth bangin a teeknu it ding, Sarrah bangin a pasal lutangin nei a, “topa” a ci ngiat mi, Mary bangin ata a it mahmah mite ahi hi...naupangte pattahna ah na tate a pil ding na deih leh mawk gup ken la,a kihhuai mite leh a zahtakhuai zinte tawh anne khawm sak kenla, mehtui kuangkhat pan sawk khawmsak kei in... Guih theih kham theih a zang hiam encik inla, hi thei leh a gilvah nungah mohphu kisam sak se dah in.. Na ta na mo in nau a paai laitak an lim a nek ding le a thamaan ding iplah pih in. Tha nei lopi-in nau suak leh sum tam bei zaw dinga, nangma’ hamsat lunggimna ding mah hi veve hi. Kikin kei lua lehang “Ak ta duh gawl kilawh khuh” a cih kibang lian hi..." cih thute hoih kisa phadiak in tha kingah kimtek mahmah hi.

Thu kikupna aman khit ciangin Numei kipawlna lampan in Syamah Hau in Zomi numeite dinmun genna hong nei hi. " Khanglui hun lai pek akipan tuni ciang dong Zomi sungah numeite kinenniamna kikhawl bawl thei nai lo hi. Pilna laitan cihte zong unau sanggam lakah pasalte bek kiguan hi. Pasalte sep nop loh teng numeite'n sem in kigim mahmah hi. Nakpi takin gimna nam tuamtuam kithuak mah taleh atam zaw phun lo pau lo in om uh hi.Pasalte'n kingaih laiin hong it mahmah napi nupa suah khit ciang hong don nawn lo uh a, naupai nauhaih laitak a numeite duh theih singgah theipuam cihte hong ngaihsut sak lo uh hi. Pasalte pen kipasal sak lua liang uh ahihman in thuak haksa kisa mahmah hi. Nupa suahma in nau neihzah ding kikhup kholhna lawm kingaite kikal ah om thei leh hoih ding hi. Zatui zaha tawh nau neih ding kidal sangin condom zat hoih zaw hi. Innsung nasepna leh puahzia ah numeite bek mawhpua sak lo in, ahoih zaw athei pasalte'n huh thei uleh hoih a, nupa kihuh a nasem khom theite pen leitung nuntak khat sungah a hampha penpente a hi uh hi....." cih bangin thu hong sung hi.

.....ZCD. InFo

See More...

ZCD /UNA te leh Daw Aung San Suu Kyi ki muh na

June 18,2013  zingsang 10:30 in Daw Aung San Suu Kyi i sap na tawh a ma inn ah UNA pan ZCD,SNLD,MDP leh ALD party te ki muh khop na ki nei thei hi.

Nupinu gen na ah bel Ferderal vai pen dam dam vai hawm ding leh Constitution amendment/reform ding lim gen mah mah hi. Tua khit ciang gullu vai tawh kisai 14/5/2013 a Tedim, Tonzang leh Cikha khua pan a mipi deihna,lung ngulh na lai (kawllai ) tawh pen nupinu khut tung ah na pia ngiat thei ung.

Hih pen kumpi leh Chin state kumpi lam te vai hawm gullu tawh ding pen mipi in ka deih loh na lai hi ci in ki pia hi.

Zam Mung

ZCD

See More...

Zomi Numei Conference, 2013

Zomi Numei tawh kisai  :Syamah Hau (ZWO President)

Zo Ngeina leh Numei      :Dr. Cin Sian Pau (ZOCUS)

Refreshment                    : Avot kiuhkeuh akhum leh etc..

Evaluation/ kikup khopkikna  :Tg. Francis Lamthang (Zomi Quavadis)

Hun Zawh Lungdamkoh Thungetna  :Dr. Cin Sian Pau (ZOCUS)

 16/06/2013 in ZAM Office nuaia Hall sungah Malaysia a om Zomi numei tengpan in saptuam numei gukte leh ZCD(Mlys)te'n kimuh khopna leh thu kikupna kinei hi. Git neih het lohin Pate' Ni tawh hong kituak kha sese ahihman in mi tampi zong kisam ngam lo hi. 

Veina picing tak nei a hong kihel thei Zomi numei gukte tungah  leh hunbawlna sunga thu limci leh thu manpha hong genkhia Dr. Cin Sian Pau (ZOCUS) leh Sya Hau Khai (ZAM President)te tungah gen zawh loh lungdamna lianpi kinei hi.

Zomi Numei Conference Hungeelna

Chairman                         : Pa Lianneu( ZCD)

Kipat Thungetna            :Nu  Ning (Khual Ngaih Ning)

Kipulakna                       :Hong kihel mimal kim tungpa'n

ZCD pa'n Vaimuakna  : Pa Phillip Khaipu (ZCD President, Mlys)

Thugenna                      : Sya Hau Khai (ZAM President)

A Citak leh a Thumaan Numei: Pa Pillip Khaipu (ZCD President, Mlys)

Inn Nupi Panmun        : Evan. Suang Dal' gelh Article simna leh kikup khopna

Lunchbreak                 :Taungzalat Vaimimciim Special leh bawngsa huan khop (a lim mahmah)

Thugenna mankhit ciangin anuai a thulu teng kikupna om leuleu a, Tg. Francis Lamthang (Zomi Quavadis) in hong makaih hi.

1. Puah phat huai Numeite dinmun   2. Teek leh Mo kikal

3. Numeite manphatna                         4. Numei manpha suah theihna ding lampi

5. Mi namdangte tawh kitenna           6. Zomi Parcel

A tunga thulute tawh kisai ngaihsut pulakna te atuam in mail sungah a sawt lo in hong kikhahkhia kik ding hi. ZCD(Mlys) in bang hangin numeite thupisak hiam? A thu damdam in na tel ding hi. Hun leh vai teng khempeuh nuam taka zawh khit ciangin khut kilen in Pasian tungah lungdam kohna kinei khawm hi. Ka kikhen un 4pm hong sat hi. Ih biak  Pasian in minthanna ngah tawntung ta hen. (Zomtoh lai ding..)

zcd.info (Malaysia)

See More...

ZCD nipi khat sung thu (31 May - 05 June 2013)

WEEK IN BRIEF: Saturday to Wednesday, May 31 - June 5, 2013

Monday, June 10, 2013 [ Kap Khan Khual ]

Political/Development Update:

Saturday, May 31, 2013; Cikha

Yangon (ZCD.info): Tuithang ZCD zum hon khit ciang May 31 in Cikha ah organizing committee 9 tawh Pu Pum Khaw Mang inn ah ZCD signboard kisuang zo hi. Tuimui, Haiciin, Tuimang, Suanghoih, Tuikhiang pan palaaite hong pai-in signboard leh ZCD laibu ( Ngimna ) te kipia hi. Zomi minsel ZCD pen ZBCM in nasia takin panpih ding cih zong thukim uhi.

Sunday, June 2 , 2013; Chatrium Hotel, Yangon

Yangon (ZCD.info): United Nationalities Alliance leh Madeleine K. Albright, former Secretary of State of The United State and Chairman of National Democratic Institute (NDI) Board te nai khat leh alang, 10:30 am - 12:00 pm, sung holimna thupi tak in om hi. "National Reconciliation ah bang dong kholh pen? Propositional Representative System (Electoral System) bang ci muh? Religion leh Ethnicity issues a ki bang hiam?" cih te Albright i theihnopna tung tawn in kikum in; Pu Chin Sian Thang, President, ZCD in, " Panglong Agreement galkap kumpin thusim loh hang tuciang dong kilemna om theih nailo hi. National Reconciliation pen tua Panlong Agreement donloh man hi. Kamciam piakte kemlo, thusimlo. Propositional Representative ( PR ) pen ZCD in tulian in sangzolo. Ethnic leh Religion pen a tuam tek hi," ci'n kuppih hi. UNA kipawlna party khat tek pan 2 ta kipai in, ZCD pan Pu Chin Sian Thang, President, ZCD leh Anthony Pu Kap Khan Khual, CEC- Information Section, ZCD te kah hi. Adang ethnic 2010 parties: CPP, CNP, RNDP pan 1 ta bek ki sam in, UNA: SNLD, ALD, KNCD, MDP pan 2 ta kah hi.

Sunday, June 2, 2013;
Royal Rose Restaurant, Yangon

Yangon (ZCD.info): Albright tawh holim khitphetin, Former Political Prisoners vaihawm a vei (6) na ( kum 2013 sung) 2008 constitution workshop ah federalism leh mualtungmite' muhdan thugen ding kipai phei pah hi. Mimal 70 val bang, kipawlna, media, mimal, party tuam tuam pan, pha hi. Thugenpi Pu Chin Sian Thang in constitution puahphatding a tam luat leh athak gelh phat ding hoih zaw a, kum 15 bang sautlo in kha 3 khong in man theih ding in gelh huai hi ci hi. Thugen khit ciang mi 20 val bang dotnate Pu Chin Sian Thang' dongkiknate kilungkim theih mah mah hi.

Wednesday, June 5, 2013; Ngennung

Yangon (ZCD.info): Cikha ZCD zum hong khit ciang, June 5 Wednesday in Ngennung khua Pu Chin inn ah ZCD ngimnate khuamite tungah pulaakna ki nei hi. " Ki lawp theih mah mah in, ZCD laibu zong deih zah in kipiazolo hi," ci'n Pu Pau Lun, Secretary, ZCD in gen hi.

See More...

ZCD in Suangzaang khua ah zum honbeh sawm

10/06/2013 kumin ZCD in Suangzang khua-ah zum hongkik dingin pai

a hi manin buaina om lo a i biak Pasian in hong gual zawh pih na dingin thu nget na-ah hong phawksak un ci kong zotha cial hi...

    ZCD masuan khempeuhah i biak Pasian in hong om pih den ta hen. Amen..

       

thupuak

Tg. Mangpu

Suangzang khua

See More...

Cikha khawk sung aa khuaneu teng

Kansau    > Kansau (A) (1995 kumpan khua omnawnlo)
    Kansau (B)  
    Mauvom  
    Khuadam  
Haipi    > Haipi  
    Bizang  
    Sialmei  
    Phaisat  
Suangzang > Suangzang  
    Vanlai  
    Suanghoih  
    Aisih  
    Khinman   (2002 kumin khuathak)
Khuabem    > Khuabem  
    Singgial  
    Seitual  
    Tuikhiang    (1950 kumin khuathak)
Tuimui    > Tuimui  
    Selbung  
    Lingthuk  
Tuimang    > Tuimang  
    Vaivet  
Haiciin    > Haiciin  
    Tualkhiang  
    Khuaivum  
    Setpi  
    Tuivialzang    (1987 kumin khuathak)
Pangmual    > Pangmual  
    Bualtak  
Tungciin    > Tungciin  
    Suangbem

Khuaneu 31 pha hi.

See More...

Yangon ah Gamvai kamkupna nasia tak in ki nei

2008 pingpei thukhun leh Federal Democracy pen, kizopna kisai na omlo hi

Federal democracy kiukna deih taktak leh mipi aa ding nasem taktak makai ahih leh, 2008 pingpei thukhun laih ding pen ut pelmawh ding hi.
Taw-Win-Hnin-Si (Royal Rose) hallpi ah, tuni 02nd June 2013 in,
Kamkupna nasia tak in ki nei in, Zomi Corngress for Democracy makai Pu Cin Sian Thang in, a tung aa bang in a gen ahihi.

Tua bek thamlo in, mualtung mi te ii muhna ah, Federal pai zia thukhun pi sung ah a om mahsiah pen, Kawlgam ah kilem na om ngei ngei lo ding hi ci in gen lai hi.

Tu laitak aa a kip 2008 thukhun pen, hoihtak in en pha kik le hang, mipi aa ding ngaihsutna om lo in, Kawlgam ki phelkhap lo ding cih bek gen in, koi ci bang in ki phelkhap lo aa kip kho ding cih gen lo hi.

Ki pumkhatna kisia saklo ding cih bek gen in, koi ci bang in ki pumkhat thei ding cih thukhun om saklo hi.

Liangko kikimna, thumaan thutak tak tawh kalsuan na, thukhun hoih taktak khat om ding cih te leh Federal ii paizia taktak koi dan cih te, hoih tak in kikupna leh pholaak phat kikna om hi.

Hih bang in a kibawl pen a 5 veina hita in, U Sai Nyunt Lwin, U Khin Muang Sheang cih te leh (mipi/ party) kipawlna taumtuam tampi, gamvai nasem tampi te bek thamlo in, laigelh siam minthang tampi te, thukhen mang sitni te leh, gamvai aa thongkia ngei lui te aa ki pan, a lunglut mi tampi kimuh khopna ahihi.

See More...

Chin state ah Vompi sahawm

See More...

Pa Hau Do Suan (Ambassador of Canada) pahtawina leh lungdam pihna

TBCY ii makaihna tawh Canada ah Kawlgam taangmi ding in panmun a ngah Pu (Ambassador) Hau Do Suan tawh hun zatkhopna TBCY biakinnpi, Yangon ah ki nei in, bawnggawh ding kivai hawm aa, Pu Hau Do Suan lampan, hun ngah thei lo ahih man in, ki cancel hi. Hih hun sung in, pahtawina (lungdam pihna) Tedim Association leh adang kipawlna te in pia in, mipi tampi tawh kihel in, thungetna tawh hun te nuamtak in kizangh thei hi.

Click: Athugenna pawlkhat, Click: Atangthu tomno 

Hunbawl na aw (audio) in ki ngai thei hi. 

May 26/13
src: TBCY

See More...

Zomi Congress for Democracy in zum hong beh

                                                                  Tungzang, Tuithang, Chin State

                                                                  Tuesday, Wednesday, May 28-29 2013

Thursday, May 30 2013 [ Kap Khan Khual ]

Yangon ( ZCD.info ): Lamzang ZCD zum May 25 in hong khit ciang Tungzang, Tuithang, Cikha ZCD Zum hong ding in ZCD zumpi pan Pu Gin Kam Lian, G.S., ZCD, Pu Pau Lun Min Thang, Secretary, ZCD tegel tawh Tedim zumpi pan Pu Lang Ngaih Khup, G.S., ZCD, Pu Pau Do Lian, EC, ZCD te May 27 in Tedim pan zin khia uh a, Tuithang khua mual ah Zomi-it Tuithang nungak, makai ten dawn theih COLA tawh vaidawn uhi. Tawldam kap pian ciang Tungzang manawh suak in a ni mah in tung uhi.

A nitaak, Monday May 27, mah in thu gen kipan pah hi. Tungzang khuami 300 thungai hong pai hi. Ki lawp theih mah mah hi. Zingsang, Tuesday May 28, ciang Zomi-it teng tawh committee phuan pah in Pu Ngul Za Khup inn ah ZCD signboard ki suang pah hi. Mimal 200 val lutkhat in hong lut pah hi. Member hong lut sung ah NLD tam zaw hi. Inn teek in gamsa lim mah mah tawh zin hong do hi. Zing ann neek khit ciang Tuithang zuan kik uhi.

Nitaak, Wednesday May 29, thugenna pen Tuithang khua laizang lamzikpi ah nai 2 val bang ki nei hi. Khua hun hoih phatloh hang Tuithang khuami hong pai 200 val in thu lim ngaih mah mah uhi. Committee ki phuan zo in, Pu Za Sawm inn ah ZCD signboard ki suang hi. Member hong lut USDP pan tam zaw hi. Inn teek in sa hong gawh hi.

Pu Gin Kam Lian, G.S., ZCD in " Cikha lam zuan ding mortor tung tuang ta ung. Tonzang pan zong hong ki beh lap lai ding. Ki lawp theih mah mah in Cikha zum hong khit ciang zong hong van van suak lai nung e." tu zingsang, Thursday May 30, ZCD.info hong ho hi.

sr.ZCDinfo

Tuithang

Tungzaang

See More...

Gullu mual statement 88 makai te' tung kipia

Pu Zo Khup phalna tawh Gullu Statement kipia hi.

Neihsa gam le lei tawh kisai pen :
Inn mai aa kikoih leibel neu (paak bel) khat nangawn onglaksak loh nadinguh aki kemcing hi ci uhi. Gullu mual bel kepcing tak mahmah cina hi ei!

Mei na ngawn ataang ngeilo Rakhaing gam pan natural source te gamdang ah zuak khia ding cihpen apiangtheilo thu hi. Neek tui nagawn akikham lohna ongnektum sakna Zogam pan suangmanpha gamdang ah zuak khia ding cih pen Mipi te kisum mahmah, life in prison thongah ongkhum uhtawh kilamdang lo hi.

Dotna leh dawnna ngilhloh pawlkhat
(88 Generation Student Leaders) Min Ko Naing/ Ko Ko Gyi

May 26, 2013 ( 6-10 pm)

American Region, 2101 Lee Road, Orlando, Florida

1. Biakna : Biakna lam suahtakna bangciang hi a, Biakinn thak (building) lamtheihnading tawh kisai bangciang? Ko Ko Gyi: (Phaja Chaung)Biakinn ci aiteh, hih bel Chritzan baata hincin, Biakna suahtakna tawh kisai in gam ki ukna thugui ah om hi. Ahih hangin (Security) humbit dungzui in en uha, phalloh na leh phalna kipia hi. Biakna tawhkisai sanggam Kachin te tawh zongh kikupna nei ung, Christian hihna tawh panmun (position) ngahloh cihzongh thei ung, ahi mah hi. Kawlbiakna phungzi te mahmah bawlsia, thatlum uhhi.

2. U Theinsein ii thu na um zo uhhiam, bangci muh? Min Ko Naing, Ko Ko Gyi: Nui hiehiau uh hi. Asep khiat nate tungtawn tawh kisai dingaa, asepna agah tungtawn in muanna le muanloh ki thei ding hi. Tuni ciang pen ( Naingnganzi Oo ti chet li yet)gam kiukna thugui 4 alui mah zanghzangh lai uh. Kikhelna om nailo hi. TV, Video khui kipat masakna ah koih hamtangsak lai uh. Mipi bek hilo, amau mahmah in Video a et uhteh remove control tawh skip (kheng) hial uhhi.

3. Kawlgam sung aa om minamke (ethnic group) tawh kisai bang cih muh? Ko ko Gyi: Taizenta sungah Bama zongh minam ke khat mahhi. Bama zongh Taizenta (ethnic group) khat aa ngaihsut ding ahihi. Minam sungah ninam tawm taleh equal right tawh , thuman tawh sepding ahi. Athuak tengmah Bama teng mah hi.

4. 2015 election ciang Party campaign nadin sawm uhhiam? Min Ko Niang: 2015 tawh kisai asiangin genvet ni (hihtawh kisai dotna tampian sa hinteh) Kitelna Election pen thumantak in akibawl leh kibawlloh encik ding hi ung, 1990 kitelna aa ihtheihsa hi, Aana tein cihkhong aomloh nading mipi tawh dingkhawm ding hi ungh. Din ding akisap leh zongh dingkhiat ding mi kaikhawm ung (Lusuh ni baa dee).

5. Thongsung leh Thongpua akilamdang nasak dan uh? Min Ko Naing: Kulh tawh aki umcip gam pen thongkia mah tawh akibang gam hi. Thongpua ah om in suahtakna ih neih kei leh Thongsung aa omtawh kilamdang lo hi. Thongsung bel pumpi ci le sa bek hilo, ngaihsutna khuak (brain jail) kituak hi. Kum 20 sungbang thong sung kiom in, ann nek tuidawn pen lamgei aa vok ann teh ayaing te sawploh aa huan, Sa ongpiak tang uh, Ganhing Tangtel khongmehlak ah kikhah cihdan ki ne kha hi. Laisim ding khutme cia zongh ngahding kingahlo in, ongtheihkhak vua leh satdan tawh kithuah pah lian hi.

6. Kawlgam in Democracy ngah taktak mah hiam? Min Ko Naing: Ei le ei suai Myanmar ih kici tawm hi, hi cigen leng; Suai (Gold) ihteh ciang, cikal khat acin nading suai lak ah adangdang nickel akihel tawh kibang hi. Democracy ih cipen gammi citizen khat in ama ngah ding right suahtakna aneih masiah Democracy taktak kici thei lo hi. Tu’n Pagu gamke sungah Campaign bawl ding ongphal lo uhhi. Loud speaker zatding kiphallohna om hi, Suahtakna kingah nailo cih na hi. Democracy cih pen opposition party te nuntaksuahtakna pia cih hia, tun tua kingah lo ahih man-in a umzo nailo hi ung.

7. Kawlkumpi’ ukna sungah bangci panmun laksawm nahi uhhiam? 2010 aa thuguipi te akikhel masiah, paizia manlo lampi kitawn lai ahih man-in nasepkhop dan hamsa hi.

8. Khasum sanglo nisim nek le dawn bang ci nuntak nahi uhhiam? Ko Min Naing: Nui hiuhiau hi. Kipatcil limlim in bem (0) tawh kipan hi ungh! Tuni ciang pitu (mipi) ten ongvaak lah lo uhhi. Pitu mipi in ongvakzo uhhi, ihgil aa tumsuk ihnek pen gu ahih loh ding thupi zaw hi.

9. Kawlgam (Road map) tawh kisai bangciang tung? Ko Ko Gyi: A om sa ahi Road map abawl tawm pen uh omlai, mipi tawh lo buang gam kiukna limci kingah ngeilo ding hi. Luthuh pa mah jah me!

10. Kawlgam kiukzia thumungpi leh thuguipi te athak khel ding kigingsa in om hiam? Tulian in aom sa omlian lo hi, ahih hangin ki kup ding aa bawl ding ahihi.

11. Tulaitak kawlkumpi tawh kizopna nanei uhhiam? Kumpi tawh kizom kipawlna pawlkhat tawh nasem khawm ung. Tuni ciang ong kipawlpih ngam lianlo in, onglau uhhi. Khualzin na hangtawh langnih kimuh khop ding kipelhpelh hi. Ongsap uh ciangin taangmi kapaisak uhhi.

Khaipu

See More...

MKK Foundation Kiphutkhia Ta

Pu Khen Za Moong (Rtd Col, ZKH Naingat Gongyi 1st Class) makaihna tawh Tedim khuasat cil hun lai a Upa masa mi 3 te ahi;  Mang Gin, Khoi Lam le Kam Hau te min pua in MKK Huhna (MKK Foundation) ci-in May 10,2013 ni-in Tedim khuapi ah kiphutkhia hi. Tua ni mahin MKK Foundation i ngiimna Tupna le sepdingte mipi tungah pulaakna zong kinei-in, nasep kipatna ding sumbul dingin Donor pa Pu Khen Za Moong in Ks. 234000000 -(Thein 234) Foundation startup Fund ding piakhia pah hi.

MKK i cih bang a cihnopna (Atom in)

Tedim khua a kisaat cil lai-in sakgal khanggal in sim zeel in khuakip thei mahmah loin Tap sagih vei bang kiluak kici hi.  A hih hangin Pu Mang Gin(Hatlangh), Pu Kam Hau (Sukte), Pu Khoi Lam (Hatzaw) te ong khan ciangin upa muanhuai adang makai 6 tawh kopin thu ong vaihawm khop uh akipan tuni ciangdong Tedim khuapi kip hi. Tua manin MKK cihnopna pen Mang Gin leh Khoi Lam in Kam Hau te' min masa laimal teng MKK kici ahihi.

Vaiphei pa khat la phuah:

Sinthu Soi ing Tual On pa ...........................Khoi Lam
Docin tulut Am Thang pa  ...........................Mang Gin
Vannuai lutsiat a tunna Za Tual pa aw ..........Kam Hau

Implementation:

MKK Foundation in Health Cidamna lam leh Education lam huhna ding le lapsangna ding akisam bangin huh dingin geelna nei hi. Tua geelnate a sem dingin Board Of Trustees anuai a bangin Committee kisehna nei uh hi. 

Dr. Sian Za Kham ................Chairman  (Health Program Manager)
Siapi Gin Khen Thang...........Secretary (Education Program Manager)
Pa Thang Za Siing ...............Treasurer (Financial Manager)
Rev. Dam Khua Nang ..........Coordinator
Pas Nung Za Moong ........... Member.
Pa Mang Khan Piang .......... Member(Mang Gin decendant)
Pa Mang Lian ......................Member(Khoi Lam decendant)
Pa Kai Za Tuang ..................Member(Foundation Center House keeper)
Pa Dal Khen Mung ...............Member(Foundation Office Staff)

May 15,2013 ni-in Board Of Trustee meeting kinei pah in, mailam sepding geelna Education + Health lam huhna banah khua sung puahna in, khantoh na ding septheih bangbang sepding geelnate kibehlap hi. Donor pa in BOT teng muanna tawh vaipuak apna (delegation of power) nei pah hi. MKK Foundation Mualsuang phuh ding kigeel a, first step in tua nitaak mahin Khuukpi sak zaang tengah Mawngkung (Zamziing) kung thum; Pu Mang Gin i suan Pu Khen Za Moong in kung khat; Pu Kam Hau suan Pa Mang Lian Sum in kung khat leh Pu Khoi Lam suan Pa Khup Khan Lian (Pu Khai Khup tupa) in kung khat suan uhi.

Hih MKK Foundation tawh kisai in ei Tedim mite kilapsangna ding ngiimna tawh a kiphuan ahih manin, a kuama peuh in athu ala leh ngaihsut piakna (positive suggestion) tawh nong panpih ciatna dingun kong taangko hi. Athu a cing a, a theinuamte in anuai a Email tawh ong contact le uh cin kilungdam mahmah ding hi.

MKK Board of Trustee taangin,

Revd. Dam Khua Nang. DMin
Coordinator, Yangon
dknangno@gmail.com
Hp. 09-731-649-74

See More...

Zomi Youth Network kiphut khiatna statement

Zomi Youth Network - Statement by Zomi Pedia

See More...

Pu Thual Zen Leh A Lawmte Pahtawina

                                                  Pu Thual Zen Leh A Lawmte Pahtawina

                                                      Saturday, May 25, 2013, Lamzang, Tedim

Monday, May 27, 2013[Kap Khan Khual]

Yangon(ZCD.info): "Pu Lo Khen in minsial. Pu Thual Zen pahtawina thau lawng 6 ki lawn. Pu Thual Zen phuak late su't, ki lam.  Innteek Lamzang khua pan ZCD leh Pu Chin Sian Thang a phuah la hong sa. Ka laih...khuasikmul bang tho  zia," Zomi Hero Award pawhtawina, Lamzang ah ZCD tang in thugen Pu Gin Kam Lian, G.S., ZCD in," Kalaymyo ZCD, EC 12 te motor 3, ZCD, EC 15, Tedim te motor 1 leh Tongzang ZCD, EC te motor bike 3 tawh kuan suk; Pu Thual Zen inn kong biang pan a tapa in hong dawn.  Zomi Hero Award hong ap kik. ZCD in Zomi Hero Award Pu Thual Zen tapa nihna tung pia kik... tua khit ciang minsial..thau lawn..  la sa..lam, " hong pulaak ciang "Sentimental Value" cih kammal khat hong phawk sak vat hi.

Sociologist, mi zia leh tong kan tel siam, ten leitung ah value 3: used value, exchange value leh sentimental value, bek om hi ci uhi. Used value, zat theih thupi'tna, pen i zat khit ciang man nei nawnlo hi. Gtn., tuihai, tui dawn khit ciang dangtaak kam in tuihai vaipuak man hi. Lungsim hong la val val lo hi. Tua mah bang in, exchange value, kikawm, kikhek theih thupi'tna, zong i zat khit ciang man lel hi. Gnt., sum, dangka, tawh i deih deih ki lei theih hi. I deih sum tawh i khek khit ciang Sum i vai puak man lel hi. Sentimental value, sinlung thuk thupi'tna, a hih leh ki phawk den in, ki gen gen in, ki angtang in, sinlung kai den hi. Gnt., Topa Jesu, Pasian tapa a hih hang leitung mite hon khia ding in mihing suahna hong la hi. Nuntakna ding na hong sem hi. Mipi phattuamna ding a hih leh, tuisik pan lenggahzu hong suak sak hi, mohluum 2 tawh mipi tul 5 bang hong vak hi. A hih hang, a inn ah tua vang  liat bawl theihna te zang lo hi. Mihing ta ding a nuntakna pia khia hi. Gandhi zong India suahtakna ding nuntaakna pia khia hi. A lim, a maan ten athupitna uh hong gen gen hi. A lim, a maan te laidal hi lel hi. Sentimental value in leitung ki khel sak bek hi. Gam leh minam a hoih lam ah ki khel nang sentimental value kisam in ciing ding zong ki sam hi. ZCD in Pu Thual Zen "Zomi Hero Award" pawhtawina a piak laidal khat bek hi. Exchange value in, tam man hello hi. Ki ne theihlo hi. Niangtui haikhat zong leizo lo ding hi. A hih hang, a "Thu" in tangthu hi a, thu gen hi. Ciak ciak lo hi.

May 25, 2013 Pu Thual Zen leh A Lawmte pawhtawina, Lamzang ah, Rev. Nang Lian Kap in minam it a thupitna lim gen in ZCD mah pan pih ding hanthawn hi. Pu Zam Khat Suan, President, ZCD- Chin State in Pu Chin Sian Thang, President, ZCD laikhak sim khia hi. U Myo Zaw Aung, Board of Director, Innovative Academy in " Minam itna thupi. Kum 10 val bang thong kia..a sung ah nuntaakna paikhia.. thupi hi," ci-in hon tomno sung ah genna nei hi. Nitaak ann kuang um khopna thupi tak in neih khit ciang ZCD zum zong thungetna tawh ki hong hi.

See More...

ZCD pan, gamvai kizopzia kamkupna

Joint Workshop: Political Communication

May 23-25, 2013, Tedim

Zomi Congress for Democracy and Innovative Academy

Saturday, 25 May 2013[ Kap Khan Khual ]

Yangon ( ZCD.info ): Party in a policy te mipi tel theih ding in a pulaak ciang akisam ngeina, theihna te tel theih na ding ZCD in Innovative tawh kipawl in “ Political Communication” thulu tawh Tedim ah ni-thum-kupkhopna May 23-25 sung nei hi. Thu kum ding mi 30 gel kholh hang, ki lawp tek in mi 40 bang pha hi. Party mandate tawh Chin Progressive Party, Chin National Party leh National Unity Party te hong kah hi.

ZCD Tedim Political Communication

National League for Democracy leh United Solidarity Development Party pan party mandate ngah loh hang hong ki hel zong om in, khual lam pan mi 17 pha hi. Pu Gin Kam Lian, G.S., ZCD in hun hong thu gen hi. “Ki lawp theih mah mah ei,” Pu Kam Lian in workshop man ciang, “Ni dang hi dan om ngei lo hi ta ven, a om sun te lah khat bek I thu gen hi-in kup kik theih ding lam hong lo.” cih pulaak hi.

ZCD in party deidan cih neilo in, Zogam a mipi’ politics theihna ki behlap na ding nek ngaih hi. Hong pai ding hun manpha te zong I zat siam theih ding ZCD’lunggultna khat hi. Neihsa, lamsa, pilna te suang zawlo in gam leh minam vei na bek bek tawh suahtak na ding leh khantoh na ding kum gilo 24 sung bang Topa leh hong pan pih Zomi-it te vang bek bek mah tawh a ki kal suan hi. Topa thupha leh Zomi-it te vang bek mah tawh ZCD thubulphuh 4 te ma ki pang to to lai ding hi.

ZCD iNFO

See More...

A 9 veina, UZO-USA khawmpi

akua (9) veina UZO-USA khawmpi pen pawi simte inn ki tungkim diam in deihlopi hima leh mi si khat Pa Thawngno ihnei zie vun khawmpi vai teng mipi te hing kizasah hla hingsuah hi.Amasa in cin lah nate ki maisah ciat vai cin kangthum hi.

Tu tung UZO-USA khawmpi pen Atlanta,Georgia ah nuomtah in ki bawl in Innteh te zin do siam mamah vuh aa pawisim mi kim in lungdam ki koh ciat hi.Khawmpi hingsim State tuomtuom ciat pan in mi 600 bang ki pha in,Innteh te tawh gawm tul leh zakhat val 1100 val in nuomtah in pawi ki bawl hi. Zin tun ni apan in Inn teh te kimut khamlo vuh aa zin tun hun ki bang kim lo hinan leh zin te tuntun na mun leh zintun hun ah Zin hawm dingin panmun nei ten delh zo den vuh aa zankim zanmau in zinte tun ngah mawh vuhi.

Pawi kipat ni sani ni zingmawng nai 8:00 Am in bawlung kuan ah ki tungkim in bawlung ki mawl ding te tungah hun hon thugen na Former UZO-USA President Dr.Pau Cin En in nei a,Bawlung suih kipan hi.Tu kum Champion Cup pi pen Inn teh Atlanta,Georgia ten ngah vuh aa,anih(2)na Innteh Matu ten ngah vuh hi.Tukum UZO-USA Champion Cup angah Inn teh ten mai kum UZO-USA khawmpi Bossier City,Louisiana khuapi ah Champion Cup pi hing pia kia ding vuh hi.

Bawlung ki sui te aman ciangin Delegates meeting leh Election zan tawn tungin ki nei hi.

UZO-USA 2013 ANNUAL MINUTES OF MEETING:

A MUN: ATLANTA, GA

A NI LEH A HUN: MAY 25, 2013 (7:30Pm-3:00 Am)

Thu ki kup teng leh thukhen sat teng,

(1) UZO 2012 Delegate meeting thu khen sat na te kikip sah hi.

(2) 2013 UZO Financial audit tuni May 25, 213 ni in mipi tung ah pan mun len ten pulah thei pah nai lo a hi hang in, zing cieng May 26, 2013 (Sunday) ni cieng in in mipi mukim thei ding in, lai tawh hing pulah ding vun pha ki sa hi.

(3) 2011 kum UZO-USA Delegate meeting (Fort Wayne) thu khen sat na khat a hi, USA gam pulam aa om pil nasin te pan pi na ding mi kum 18 tung sie khat cieng in lha (1) $1 ta kidong ding ci thu, deligate meeting ang pei teng thukim na tawh ki kip sah hi.

(4) UZO-USA Kum sum don dan leh nop leh da vai ki et dan tawh ki sai in, et phat kia ding in, ki kup, lung ngai ton na ki neih aa, Fort Wayne te hing tuan agenda thawh ki sai in hoih ki sa in ki kip sah hi.

(5) Bossier City,Louisiana te hing tuan, nop na da na vai tawh ki sai ki et dan ding ngaih sut na ki neih aa consultation ten ang vai hawm ding in ki khen sat hi.

(6) Bossier City, LA te hing tuan Consultation kum sim aa neih ding in ki thu kim aa, tuami consaltation ding in UZO-USA ECs teng leh State tuamtuam pan aa veng makai pi mi (2) ta hi ding in ki khen sat hi.

(7) USA Kumpi te tung ah grant net ding vai tawh ki sai ki kup na ki neih aa, Consaltation te in ang ngaih sut ding in ki khen sat hi.

(8) UZO Zumpi op na ding tawh ki sai in, ngaih sut na ki neih aa Consultation ten ang ngaih sut ding in pha ki sa hi.

(9) UZO pen Social cieng maw, Political dan ding in kal suan ding ci thu ki neih aa, Consultation te tung a puoh ding in hoih ki sa hi.

(10) UZO-USA, Zo literature vai tawh kisai in, ngai sut naki neih aa UZO-USA Zo literature Department khat, phuai ding in ki khen sat hi.

(11) UZO-USA Kum 10 cin na annual magazine bawl ding vai kikup na ki neih aa UZO-USA Zo literature committee ten maw pouh na ang neih ding in ki khen sat hi.

(12) UZO-USA kumcin khawm pi kum sim in bawl ding maw/ bawl lo ding ci vai tawh ki sai ki kup ton na kineih aa, kum siel ma aa bawl den ding in ki khen sa hi.

(13) Kum sim UZO-USA khawm pi tun na mun te pan pi na ding in, lucky draw bawl aa fund sum sui na neih ding in ki khen sat hi.

(14) UZO-USA 2014 Kum cin khawm pi bawl na ding mun vai kikup khop na ki neih aa, mai kum cieng in Bossier City, LA ten inn teh ang sep ding in hoih ki sa aa inn teh sem ding te ii local President Pa Pau Lian Khup in san na leh thu kim na hing neih thei a hi man in, mipi ki lung dam mama hi.

(15) UZO-USA Khawmpi sim in gam pulang pan in, special guest lhat ding vai ki kup na ki neih aa thu khen sat na om zo nai lo in, mai lam hun ah a ki sam bang aa vai hawm to ding in pha ki sa hi.

(16) Kawlgam aa om Zo Pasien nasem te ki pawlna "ZOMU" te leh UZO-USA te ki zom ding ki zom loh ding ci ki kupna ki nei aa tua tawh kisai khensat na om thei nai loh hi.

(17) Mai lam hun a pan pi na/hu na ngen ang op leh kipawl na litterhead zang in EC te tung ah nget na hing neih ding vuh aa, EC ten ki kup tah a sah leh agenda khat in ki san pih ding hi.

(19) UZO-USA Zo Directory bawl ding vai tawh ki sai in, 2013 kum aa ki bawl bang in kum (2) sim aa bawl den ding in ki khen sat hi

(20) UZO-USA Journal bawl ding vai tawh kisai in kikup na ki neih aa,literature committee te tungah ki ap hi.

(21) UZO-USA Web site vai tawh ki sai in literature committee te maw puoh na kipie hi.

(22) By-law et phat ding vai tawh ki sai in,

(23) Zo lai sim bu tawh ki sai in Yangon pan aa Pa Thang Bawi tung ah lung dam na ki ciem te aa, ei pouh pih man a tawp zaza pieh kia ding in ki khen sat hi.

(24) Zo la VCD bawl ding vai ki kup na ki neih aa, UZO_USA Zo leterature ten maw pouh na ang neih ding in ki khen sat hi.

(25) Jacksonville te hing sung tuan EC candidate list ki puoh sa te lahpan ang pei zo lo te tang in midang khat guang thei ding maw ci thu tawh ki si in, guan thei ding in ki kip sah hi.

Delegate meeting man ta hi,

Election Result,

Kum 2013-2014 UZO-USA E.C Teng:

1.President Pa.Kham Thawn Thang

2.Vice President Dr.Pau Cin En

3.General Secretary Pa.Pau Lian Khup

4.Joint Secretary Pa.Mark Hau Lian Khup

5.Treasurer (1) Pa.Lian Thawn Thang

6.Treasurer (2) Pa.Lang Suan Pau

7.Auditors (1) Pa.Pau Za Lian

8.Auditors (2) Tg.Thang Lian Kap

9.Auditors (3) Pa.Kam Cin Pau (Jonny Paupi)

10.Members Pa.Lang Cin Kap

11.Members Pa.Max Min Lian

May 26,2013 Sunday ni Program:

Biehpiah na Nipi ni 11:00 Am-2:00 Pm)

Hun uh Pa.Thang Do Mang

Sermon Rev.Thawng Lian Khup

Hun masa aman zo in mipi mai ah Rev.MT Kham Za Nang in UZO-USA makai tha te mipi theisah na leh thunget piah na hing nei hi.

Hun nih(2)na 2:00 Pm-6:00 Pm)

Hun uh Pa Pau Lian Khup,Vai dawt thungen na Former President Dr.Pau Cin En in hingnei in tua zo in mi si sateng zatat piahna hun 1 minutes kinei in a si sateng min genna zong kinei hi.Tuazo in Lasah na Tg.Kai Khan Lal in hingnei a,Thu genna hun zin thupi ahi Rev.Dr Stephen Hrekio in eihaw kamham leh tenna mun ih kibat sih vang vun minam khat Zo leh Zo ihhi vuh hi cin thungen na hingnei hi.Tuazo in Pa.Pau Khan En lasah na hia,tuazo in Fr Mark Thang Khan Aih in Zo lai tawh kisai thungen na hingnei hi.Tuazo in Zo khangthu sutna Pa Mark Hau Lian Khup in hingnei hi.Tua zo in UZO Former Secretary Tg.Thang Boi in Pahtawi na ngahte piahna hun hing nei in Sum kem pu Pa Lian Thawn Thang report piah zo in Zo laukha pallun dinghi la kisah in hun nihna ki man hi.

Hun thum(3)na,Nigh Program:

Hun uh Tg.Kham Vai Mang & Lia Bawi Niang,Short Speech Rev.Hen Kho Thang,Pa Khai Samte,UZO President tha Pa Kham Thawn Thang,Pa.Kham Kho Cin Thang(Thang Boi),Tua zo in Zo Fashion Show te leh UZO Zo Lia Miss Contest ki pan in Nu.Pum En Niang,Pa.Thang Kho Pau,Pa.Kam Cin Pau,Pa Pau Suan Lian,Nu.Cel NeiSing@Niang Khan Cing te in hing makai vuh hi.

UZO-USA Zolie 2013 Miss Contest Teng:

1.Cing Khan Huai (Seattle,Washington)

2.Emily Cing Sian Lian (Miami,FL)

3.Nian Lam Lun (Bossier City,LA)

4.Khup Ngaih Niang (Fort Wayne,IN)

5.Niang Deih Lian (Atlanta,GA)

6.No Ngaih Man (Chicago,IL)

7.Nel Ngaih Nuom Cing (Atlanta,GA)

8.Cing Deih Huai (Atlanta,GA)

9.Niang Ngaih Cing (Atlanta,GA)

10.Bawi Suan Nuom (California) te ahi vuhi.

Zolie akhat(1)na ngah:

1.Lie.Niang Ngaih Cing (Atlanta,Georgia)

Zolie anih(2)na ngah:

2.Lie Cing Khan Huai (Seattle,Washington)

Zolie athum(3)na ngah:

3.Lie No Ngaih Man (Chicago,IL) te ahi vuhi.

Mai kum UZO-USA Khawmpi asawm(10)veina Bossier City,Louisiana State ah Topa'n cidam in ei ki musah kim ciat taheh,Zo lei tangbang dam kim ciat in Sien in ei siam ciat taheh.

Mangngil,gen khial aom leh mawmaih neipiah ciat ding vuh in hing thum ing,Ka lungdam.

Pa Pau Lian Khup
Secretary
UZO-USA

See More...