ZIA (Zomi Independence Army)

Thuthang kizakna ah Karen galkap tawh semkhawm, ZIA galkapte Karen
Galkap Klo Htoo Baw Tactical Command tawh, camp bawlin,  om ta uh ci
in January 15. 2012 ni'n kiza hi.

Thuthang kizak behna ah ZIA in Zomi galkap vive tawh, Zomi camp tuam
vilvel  bawl ding zong, hi thei  ta ci hi.

Tulaitak ZIA lak ah unit  khat  leh Karen galkap  te Karen gam
Myawaddy township sungah kithuah uh a, ZIA lutnuam te'n va zuan thei
ci hi.

A mi a kibehlap zui in asawtlo in ZIA campi khat zong hong theih hi ta
ding ci hi.

Karen gam losiah State dang te a ZIA te dinmun zong, ahunhun in mipi
kizasak zel ding hi, ci in ZIA lam pan thu kiza hi.

Tu laitak ZIA in galkap nakpi in adong san laitak hi in, Zomi khangno
thahat lai te'n, gam leh nam khualna tawh, i lutciat ding thupi ahihi.

Aung San Suu Kyi, mualgam te leh Kawl USDP kumpite "ZAWL KIHEELNA" pen
kum 3 sung sawt ding hi, ci in USDP palai Aung Min in pulak khin hi. A
cihnopna ah Political Dialoque taktak pen kum 3 khit lam ciangin,  om
thei pan ding cihna ahihi.

Tua hun ciangin Federal leh Democracy thu taktak eilam pan kiluikhia
dinga, thukimna a omzawh kei leh, Soccer pau zang leng "Final Match"
hong om ding ahihi.

Tua ahihmanin abeisa hun a,  mipih sapihte aktui dawm a dawm , ahun
tawh kituak a, hong vaihawm siam ZIA mapite,  Zomi khawmu  te'n pakta
mahmah  uh cih kiza hi.

Zomi mipil khat in ZIA te'n pen, Sun Tzu i "The Art of War" khong
telcian mahmah  hi ding hi, ci uh hi. Sun Tzu i galbu sungah asi alaim
tawm thei penpen tawh, lawhcingna tungsak thei gal makai pen,
galkapmang siam mahmah ahihi. Tuasangin Galkaplo a Galzo thei
Galkapmang pen galkap mang siam penpen hi ci hi.

Sun Tzu siamna tawh a kizawh kei leh, Clausewizt leh  Blitzkrieg a
kipan Zotual siamna tan, zat ding strategy leh tactic, adil aha a om
hi lel lo hia, ki ci ciat hi.

by. Zokhup