Zomi Numei Conference, 2013

Zomi Numei tawh kisai  :Syamah Hau (ZWO President)

Zo Ngeina leh Numei      :Dr. Cin Sian Pau (ZOCUS)

Refreshment                    : Avot kiuhkeuh akhum leh etc..

Evaluation/ kikup khopkikna  :Tg. Francis Lamthang (Zomi Quavadis)

Hun Zawh Lungdamkoh Thungetna  :Dr. Cin Sian Pau (ZOCUS)

 16/06/2013 in ZAM Office nuaia Hall sungah Malaysia a om Zomi numei tengpan in saptuam numei gukte leh ZCD(Mlys)te'n kimuh khopna leh thu kikupna kinei hi. Git neih het lohin Pate' Ni tawh hong kituak kha sese ahihman in mi tampi zong kisam ngam lo hi. 

Veina picing tak nei a hong kihel thei Zomi numei gukte tungah  leh hunbawlna sunga thu limci leh thu manpha hong genkhia Dr. Cin Sian Pau (ZOCUS) leh Sya Hau Khai (ZAM President)te tungah gen zawh loh lungdamna lianpi kinei hi.

Zomi Numei Conference Hungeelna

Chairman                         : Pa Lianneu( ZCD)

Kipat Thungetna            :Nu  Ning (Khual Ngaih Ning)

Kipulakna                       :Hong kihel mimal kim tungpa'n

ZCD pa'n Vaimuakna  : Pa Phillip Khaipu (ZCD President, Mlys)

Thugenna                      : Sya Hau Khai (ZAM President)

A Citak leh a Thumaan Numei: Pa Pillip Khaipu (ZCD President, Mlys)

Inn Nupi Panmun        : Evan. Suang Dal' gelh Article simna leh kikup khopna

Lunchbreak                 :Taungzalat Vaimimciim Special leh bawngsa huan khop (a lim mahmah)

Thugenna mankhit ciangin anuai a thulu teng kikupna om leuleu a, Tg. Francis Lamthang (Zomi Quavadis) in hong makaih hi.

1. Puah phat huai Numeite dinmun   2. Teek leh Mo kikal

3. Numeite manphatna                         4. Numei manpha suah theihna ding lampi

5. Mi namdangte tawh kitenna           6. Zomi Parcel

A tunga thulute tawh kisai ngaihsut pulakna te atuam in mail sungah a sawt lo in hong kikhahkhia kik ding hi. ZCD(Mlys) in bang hangin numeite thupisak hiam? A thu damdam in na tel ding hi. Hun leh vai teng khempeuh nuam taka zawh khit ciangin khut kilen in Pasian tungah lungdam kohna kinei khawm hi. Ka kikhen un 4pm hong sat hi. Ih biak  Pasian in minthanna ngah tawntung ta hen. (Zomtoh lai ding..)

zcd.info (Malaysia)

See More...

ZOCUS (Zomi Culture Uplift Society)

ZOMI NGEINA ZUUN KIPAWLNA ZOMI CULTURAL UPLIFT SOCIETY (ZOCUS)

Kiphuh nii (Established): 01-01-2012 (Nipi nii) 

1. Minam Min: Taang tawng a ki pan, ih pu ih pate ZOMI ci-iin ki lo uh ahih man, ih minam min pen, ZOMI mah kici den ding hi.

2. Kipawlna Min: Hih ki pawlna min in, ZOMI NGEINA ZUUN KIPAWLNA *ZOMI CULTURAL UPLIFT SOCIETY (ZOCUS)* kici ding hi.

3. Kipawlna Huam: Hih kipawlna in, leitungbup aa om, ZOMI khem peuh huam hi.

4. Ngimna: Hih kipawlna in, Pasian bulphuh iin, leitungbup ZOMITE kipumkhat aa, namdangte in, hong muh uh teh, minam lian khat ih hih lam, hong theih tel nadingiin, ih Zongeina hoihte leh ih lai ih pau ih hamte hoihtak kem cingiin, puahto ding hi.

5. Panmun Lakna: Hih kipawlna ii ngiimna ahi, Zongeina hoihte kem cingiin, puah toh ding leh leitung khempeuh ah kitheih sak zawh nading, kipawlna makaite in, Pasian mah bulphuhiin, aki sam bangiin mipite makaih ding hi.

6. Sepkhiatzia Ding: Committeete in, mun khempeuh ah pai-iin kihilh zo lo ding ahih maniin, amunmun ah palai tawh na sem ding aa, sum leh paai akisap leh zong eimau ip sung tek mah sawkiin, kipumpiakna tawh na sem ding uh hi. Committee zong ahun zui-iin akisam bangiin puah to zel ding hi.

7. Sep Masak Ding: Ih ZOngeina lapite a aw kimiin, laibu tawh ahi zongiin, aw khumna tawh ahi zongiin kemcingiin, zuun to puah to ding hi. Ih Zongeina kimawlna tuamtuamte leh ciamnuih siangtho tuamtuamte zong kemcingiin puahto ding hi. Ih Zo paunaak leh lakamte zong puahpha aa, kepcing ding leh mikim theih dingiin, hawmsawn ding ahi hi. Tua banah Zongeina Tualpuan, Puanten, Nik, Puanlaisan, Puandum, Tanghcingg, Khephiau/Puangial a kipan Zongeina puansilh niktente zong kemcingiin puahtoh ding ahi hi.

Zomite ngeina pawi khat pepeuh ah, a kisapna tungtawniin, ngeina la, laam leh ngeinahoih tuamtuamte lah theih dingiin, kigingkhol ding hi.

ZOMI NGEINA ZUUN KIPAWLNA THUDOTPITE
ZOMI CULTURAL UPLIFT SOCIETY (ZOCUS) ADVISERS

1. Rev.Dr. Cin Sian Pau.
2. Sia Suan Sian Pau.
3. Pa Dai Kam.
4. Zomi Innkuan Rawang, Committee Member 12 te.

ZOMI NGEINA ZUUN KIPAWLNA PANMUN LENTE
ZOMI CULTURAL UPLIFT SOCIETY (ZOCUS) COMMITTEETE

1. President............................ Pa Thual Lian Thang (Thangkhek).
2. Vice President..................... Pa Thang Pi Lian.
3. Secretary (1)....................... Pa Ngo Khan Tun.
4. Secretary (2)....................... Pa Nang Za Dal.
5. Treasurer (1)....................... Pa Khai.
6. Treasure (2)...................... Tg. Sumpi.
7. Auditor .............................. Sia Hau Khan Thang.


*THEIHSAKNA LEH NGETNA*
1. Hih(ZOCUS) kipawlna in, leitungbup aa om, ZOMI khempeuh huam hi, ih cihna tawh kizui-iin, kua atuam hi lo aa ZOMI nahih naak leh ei' a, ei' kipawlna hi, cih hong theisak nuam hi ung.

2. Ih gam ih lei, ih minam akhantoh theih nading, ih ngimna bulpi ahih maniin ih ngimna bang, Topa in, hong thukimpih aa, gualzawhna ih ngah theih nadingiin mun khempeuh aa om ZOMIte in, thungetna tawh maa ih pankhop ciat nadingiin, JESU' min tawh kong thum kong ngen uh hi.

*ZOCUS COMMITTEE, MALAYSIA.*

Agelh. Dr. Cin Sian Pau

See More...