ZOMI LAKPAN PH.D NGAH MASA PEN DR. LEO MANG CIN HAU TAWH HOLIMNA

Profile: 

Min                        : Dr. Leo Mang Cin Hau

Nu le Pa               : Pu Hau Cin pau & Pi Man Za Ciin

Degrees               : B.Ag, Ph.D (Agriculture) (Moscow)

Khua                      : Tonzang

Beh                        : Sukte

Suahni                  : 1942, October 10

Thubullet             : Thumaan zong ding (To seek the truth)

(You shall know the truth and the truth shall make you free)

Laisinna le nasepna

1947-1953            : Tonzang (Saint Joseph’s Vernicular School)

1953-1960            : Saint Peter’s High School, Mandalay

1960-1965            : Mandalay University (Faculty of Agriculture) B.Ag Degree

1965 Nov- 1970 Nov: Russia, Moscow (Agricultural Academy of Sciences) Ph.D

1965                       : Agricultural Research (Kyukone) ( In service tawh sangkah)

1970-1972            : Tutor at Institute of Agriculture, Mandalay

1972-1977            : Assistant lecturer at Institute of Veterinary Science, Insein

1977-1986            : Assistant lecturer, Head of Animal Science Department, Institute of Agriculture, Ye Zin.

1986-1993            : General Manager (Dairy Section) , Mandalay Dairy Development Project ( Australia)

1993-2001            : Self-employed

2002-2006            : Saint Thomas’ Seminary (English hilh)

2006-2008            : PIEC (English & Science hilh)

2008-2010            : MCTA (Assistant High School Head) (Science, Chemistry, English hilh)

2010-2011            : ACACIA (Principal)

2011-2012            : Myanmar Buddhist Orphan Association (MBOA) (English hilh)

2012-present     : ILBC, High School Dept.

Education (Pil sinna) tawh kisai

Zingsol: Ph.D ngah kum, tua huna nang’ kum  le  tuahun a ei mi sungpan angah a om nai hia?

Dr.Leo   : 1970 hi in kakum 28 hi ingh , Kei tawh kum khat sungin Dr.Vum Son in zong ngah.Amah pen East Germany pan Geology tawh hi.

Zingsol: Tua hun pilna zonna ah Zomi khat hihna tawh kizui in haksatna ahi zong nong gen thei dia?

Dr. Leo:  Tua hun a i kumpi te thumaan mahmah lai in amau i hongsawl na tawh akipai hi zaw, amau ong sapna tadensa pan thei in, akisiau toto in, akiteel teng akipai hizaw. Zomi khat kahihna manin haksatna ah om zongin thei kha keng.

Zingsol: Tua le kong dotnop uh khatin hih line pen  nang ut a  teel maw, ahih kei leh athu kituak in ahong piangtawm ahia?

Dawnna: Hih lokhawhna (Agriculture) pen ka-uk mah hi.

Zingsol: Tua hun a kawlgam sinna tawh tua phual a pilna sindan akikhai na?

Dr.Leo:  Aw kikhai lua, teh theih ding hikei e. Gentehna in Kawlgam ah kum 3 kum 4 laisim pen amau kiangah, kum 1 in zo uh hi.

Zingsol: Tua leh tua hun a gamdang tawh ci kei ni, tua hun a kawlgam sung a pilna sindan le tuhun aki khai dia?

Dr. Leo :Tu hun pilna sindan pen sangtawh ka kizop loh zawh sawt in ,atel in genthei ke’ng . Kamuh danin gen le’ng kohun lai a laisimna sang tuhun a laisimna niam zaw leh kilawm. Agricultural lam bel sangzaw leh kilawm sa ingh. Adang te bel laizong limsim khollo, agina a vuan khollo in,degree kingah theilel hihtuak.

Zingsol: Nong ciah kik ciang e kumpi in nasep ding ong vaihawm sak hia?

Dr.Leo: Bangmah ong vaihawm sakna omtuan kei. Kanasepna lui ah onglut kik sak uh.

Zingsol: Dena nasepna ah Veterinarian lamah bang sem cileng degree pen ganhing lam tawh kisai maw leh?

Dr.Leo: Keisin pen ‘Animal Production’ hi. (Ganhing pan a kingah neektheihte :bawngnawi, aktui, sa te tampi ngah nading ganhing khawina) Hih pilna pen Agriculture sangte bekah kihilh sak ahihman a, Vet. Inst. ah avasem kha hi’ng.

Zingsol: Tua leh teldot le’ng production le vet pen koici kikop kik ahia?

Dr.Leo: Veterinary pen ganhingte acinat ciangah a bawldan, zatui pia, zatui sut dante asinna sanghi. Ganhing natna thu tuamtuam, zatui zaha zatding tuamte theih na’ng a hipen hi. Production pen, a cidam penpen ganhingte kiangpan bawngnawi, aktui, sa tuamtuam cihte tampi ngah nang’ bang ci ding cih sinna hi. Lokho, ganhing khawite tawh kisai zaw ahi man hi. Kawlgam ah pen, Vet. Inst. ah sin zaw uh hi.

LOKHAWHNA TAWH KISAI (AGRICULTURAL)

Zingsol: Tua leh lokhawh tawh kisai in ei gam i thanem na?

Dr.Leo: Lokhawh tawh kisai in bel ei lokho ten bangmah kithei lo, kuamah inlah ong hilh lo. Ih sang te mahmah in ahilh te pen a laibu bek ah thahat in ‘practical’ pen thanem. Tuateh agricultural sangte ah zong ei gam, Hilly country aa lokhwah dan ding kihilh hetlo hi.

Zingsol: Hih teng pen leizon le’ng bel haksa incin ahih hang ei khattek in i hihtek theih ding bang bang om thei ding a, hih pilna lampan en le’ng?

Dr. Leo: Amasa in ah eigam ah pen alei mahma kisia tahi. Singkung lopa te kivat mang ahih teh guahtui tawm pah hi. Guah azuktehzong  ahup ding om nawnlo,hawktui-in luangin lei neente taai manghi. Tua in Erosion piangsak hi.Singkung lopa kuaman lah suan kik lo. Singkung omlo ahihteh i lui te kang. Luitui, lopa om nawnlo a’ih cianga vasa le sa dang tuamtuamte zong tawm semsem .Tua hi in abul tak en le’ng, dah huai mahmah hi. Hih teng bawl kik na’ng ahih leh, pilna nei bel kisam veve ding aive.  Hih pilna nei te in sepdan bawldan (technic) te hilh dingin, tua the volunteer te tawh i khua tekah pai dingin singno suan ding. Tua pen first step ( kal masa). Singphuk khawng kham sak ding.Khangno te zong hong hanciam un la i vekpi in i sephuan ding, i sepkhop ding step tampi kisam inteh. Amasa pen i septheih ding pen, singkung phuuklo ding, singno suan ding.

Zingsol: Tua bang hileh eigam ah bangkung bang suan le’ng hoih pen ding a?

Dr.Leo: Amasa pen in bel bangkung bangkung hita leh suanding kisam hi. Leihoih kik na’ng guahzuk na’ng. Tua banah i suan veve i cih leh ei zat theih ding ansing, tehno sing ahi zong, ganhing vas ate neektheih ding ahih leh thei khawng, phihtuu khawng, mawngkung khawng. Vasa hong tam leh ankung hong neeksak lungno te hong tawm ding.

Zingsol: Ei lam a lo i vat,singtaang i vat te e bangci namuh a?

Dr.Leo: Khamtung ah lokhawh ciangin lothak kivatin kum 3 kum 4 khitteh nusia in athak kivat leuleu hi. Tua khitteh a lo masa kikho kik leuleu hi. Tua pen natural regeneration kici hi. I pu i pate hun a amau pen mitam nailo inah, amau hih pen amaan mahmah na hihi.Tua hun ading bel ahoih mahmah hi. Ahih hang tuhun teh mitam i hihciang a, i lokhul pen kumnih, kumthum kingak zolo in kizuan kik a, atua lei pen tatsatlo a kizang ahih cianga alei kisia zaw hi. Tua ahih ciangin mualtung lokhawhna pilna le siamna i sinkul ding hi. Sloping Agricultural Land Technology (SALT) kici-in, Philippines gamah kizang masa pen hi.

Zingsol: Tua leh minam vailam ah pai le’ng tulai tak a i buaina Zomi le Chin vai nang bangcih namuh a?

Dr.Leo: Kei’ muhna lianah pen hih ci. No’ muhna pan bang aci tam bel thei kei ingh. Ke’n tuate khawng pen thupi sakhol ke’ng. Shakespear in bang na ci hiam cih leh, “A rose by any other name smells as sweet.” Gtn in lingpak pen bawngek pak hi naci phial zongin amah hi veve hi. Tua hi in ei pen,i lungsim i ngaihsut athu pi ding kisam sazaw ing. Gtn in Saint Peter sang kakah lai a, kawlpau lah theilo, akawlte ngiat akimu ngeilo hi in ah kawlte’n pen hong nak etneu mahmah hi. Ahih hang,laivuanna khawngah asang pawl a i omteh mi in hong nopneh thei nawnlo hi. Siamna le pilna nei peuh le’ng, hih minte i minamte thupi masa lo hi, aci nuam hi’ng.

Zingsol: Tua leh nam-it acih kammal tungah nang’ muhna?

Dr.Leo: Nam-it i cih pen, Kei “ Zomi kahihna” pen zumlo ding. Kei Zomi hi’ng. Hi mah ingh. Zumpih ke’ng. Kawlpau zong siam ke’ng. Zum tuan ke’ng . Ahih hang, “ Kei Zomi hi’ng. Ko hong ong thupibawl zaw un,” cih te pawl bel deihhuai sake’ng. Kawl ahi zong, Zo ahi zong, i manphatna akibangkimhihang. Pasian thu-um vive i hihteh, ei i hihna (identity) zumpih le’ng, ei a hong bawlpa amawhsak suak ding hihang.

Zingsol: Ko kongdot khakloh uh nong gennop bangbang?

Dr. Leo: Kei hong gennop ah bel, Chin Culture i cihbel i Pu i Pate ngeina ahoih teng i kepding hi. Ahi zongin, a omlo pi om, i cih pen kisam sake’ng. Gentehna in lailam ahi zong, limsuaihna lam (painting) ahi zong neilo hihang. “Let’s accept the facts”. Gentehna, en i khutgelh lai (written word) bang kinei in ui in hong neeksak cih te phuaktawm (fiction) vai mahmah sa ingh. Mipil khat i genna ah, eite koipan kipan cih thupi kei ci, koiciang tung i hiam cih thupi zaw, cihi. Tuapen hoihsa mahmah ingh.

Tua khit teh kong gennop lai khat pen, ko neulai khawngin ei Zomi te pen thumaan a hong kithei in tua zong ei i manphatna (value) in ikep ding.I “honesty” i kepzo ding thupi. Zuauphuak lo ding cihte pawl maw. Tuate thupi sa ingh.

Zingsol: Sang naupang te tungah e nong gennop a om dia?

Dr.Leo: Laisin te tungah kong vaikhak nop ah ei manphatna ( value)  pen skills & knowledge ( siamna & theihna)hi. Tua pen akhan theihna’ng bawl huai. Sang a, kihilh ciangbek tawh hilo ding kantawm ding. Tulai ah pen lai-on’ ding kithupi sak lua. 4 D, 5D ngah ding. Tua hilo ding in i theih ding i siam ding thupi zaw. Lai ong kahih manin, athei hilo ding in, thei kahih manin laivuan a ong hi zaw ding.Theih ding akilawm khempeuh, nong theih dinguh hong hanciam un.

See More...

Zomi te Biakna lampan kipumkhat ding a haksat dingdan

Hunkhat laiin Zomi te kipum khat kipawl khawm leng cih deih natawh biakna sungah Khrihtion vive ih hihman in bia khawm paii khawmin ki pumkhat liailiai ding cih ka lunggulh mahmah hi.Banghanghiam cih leh ZOMI cih minuai ah om loh na ding deih na hi a kipum khat leng gual zawh na a hih man ahihi.A hizong in hih ka lung gulh na te a khial ka hi lam kakithei hi.Bang hanghiamcih leh hih pen a piangtheilo ding a hitheilo dingthu khat na hi a tua bang in bia khawm in up na ki bang hi leng a hoih pen ding a hih hangin tua ki pawl khawmtheih na ding in up na akibat thei na ding in akipat na pan kipat  hong kul a tua ih kipat ding pen bang hiamcihleh Laisiangtho sung hoihtak a enpha a up na akibang aki  khat neih ma sak hong kul ta hi. A hih hangin hih pen thu baih pak ding hi het lo a hihmanin Zomi te kipawl khop theih nadingpen Biakna lam pan a hih loh na ka phawk kik hi.Bang hanghiamcih leh hih a nuai a up na te gencian a up na khat a ih om ding haksat tuak mahmah mawk hi .En sukpak leng

1---Thuzui khrihtion  te pen numei- pasal om lo mivom mikang omlo siampi nam tuamlo a kibangkim hici uhhi.

-Pawlkhat ten Phaul gen mahbangin Numeite Pasian thu gending in ka phalkei hi ci a hih manin Pasain thu lam ah Numei te thu ngen ciang leh zin do ding ciang bek hi thuhilh ding hi lo hi ci uh hi.

2--- Seh sawm suah seh khat piakding, ihthupha ngah na ding ,a pialo te Pasian sumgu te hi ci in Thuciamlui sung mal mat in nei uh hi.

----Thuciamthak Sung ah sawlna om nawnlo hi .Tulai a pia ing a cite zong a zuaugen uh hi.Piatak pihileh a ta u pa pen uh zong piak kul hi.ci uh hi.Hih seh suah te pen hun lui lai a kizang te hi in tuhun in na it na leh na phal na zah ding in thuciamthak sung ah hong han thawnzaw hi ci ih hi.

3--Pawl khat te in pawlpi tawh vantung kitung lo ding hi ,Up na bek tawh ki tung ding hi ci na pin pawl kai pawl phuan in buai mahmah uh a thu um sa te sung khen kham in hat mahmah uh hi.

----Pawlpi in van gam tun theiding hi .Pawl pi lutang Pasain hi ci uh hi.

4---Pawl khat ten Thu kham sawm te a kipan thu kham te zui ding hi ci in Thuciamlui sung mal mat uh hi.

-----Zuih ding sep ding mahmah om lohi Zeisu in hongsep sak khin ta hi ci uh hi.

-----Zeisu in Thuciamthak hong pia a hih man in Zeisu hong sawl te zuih ding a hihi ci uh hi.

5...Sabbath tang ding ,siantho sak ding ci in Thuciam lui malmat uh hi.

.---- Thu ciam thak sung ah sawl na omlo hi. Paul in zong ni khempeuh a ki bang hi ci lel hi.

6---Topa thum om in tua teng gawm leng Pasain piang hi. Pa Pasain,Tapa Pasain,Khasiantho Pasain Hih Pasain thum teng gawm leng khat piang hi.

----Pasian Khatbek om in Tua Pasain in Min tampi nei a tua minte lakpan in Zeisu in mawhmai na hongpia thei hi ci hi. Up na khat bek, Topa khat bek, Tui phum na khat bek

7....Kamtuampau (aki theician lo a kitel lo) pen a zanglo te khasiangtho neilo hi ci uh hi.

-----Zeisu leh Sawltakte cik mahhun in kamtuam pau (a ki telcianlo malnei lo theih loh pau) het lo uh hi.Sawl tak te in khasiangtho a ngah a kamtuam pau a cih pen a kitel lo a kithei lo kamtuampau hi lo in a ki thei minam kam a hihi.tua ahih man in a ki thei lo kamtuam pau ih cih pen dawi tawh ki zom ci in sang uh hi.

8---Pa min ,Tapa min ,Khasiangtho Min tawh tui naphum un ciin Zeisu in hongsawl a hih man in Pa,tapa,khasiangtho mintawh tui kahong phum hi ci uh hi. Min taktak gencian na omlo

------Pa min, Tapa min,Khasiangtho min ZEISU hi ci in Zeisu mintawh tuiphum hi.

9----Up na bek hi a kisam .Sep na kisam lo hi ,letsong hi ,piak khong hi,sepna tawh kuaman Pasian maipha mulo hi.

-------Zeisu hong sawl te nasep na zahzah na up na hi. Sepna,Gamtat na omlo upna a sihi.Sepkul bawl kul hi.

10----Theih kul lo, ki nial zong kul kei ih up na bang a om ding hi. Ih upna bektawh vangam ki tung dingh

---------Agen omkei leh kuan za ding a , a zak na omkei leh kuan thei ding a, a theihloh thu bangci up dinghiam.Theih cian kul kan pian zek zong kul ding hi.

Hih bangteng a om upna ih koicigawm theih dinghiam ih koi cih gawmzawh dinghiam? Ih up na hih te sungah koi cibang hi a na up pih mite koi cibang hiam?Upna ki bang lo hak kol kipua khawm thei lo hi Laisiangtho in ci hi. Tua ahih man in Zomi te bang lampan ihki gawmtuah ih ki pumkhat thei ding hiam ngaih sut huai thu khat a hihi.

Hunngah zil in hih zah ci pak ni ei.

Suumzomi

Melbourne

See More...

Zosuan Tuailai Khawmpi (a ni masa)

Click: Maan dang te hiah ki en thei hi. 

Pasian in a beisa kha nga leh a lang sung gelkholhna, kiginkholna a hi, Zosuan Tuailai Khawmpi pen Geelsa om bangin tuni June 5, 2013 nitak nai 8:20 in Rev. Dr. Do Suan Mung leh Zosuan Tuailai Khawmpi Main Committee President Pa Suang Za Nang in Laikhau attanna tawh pawi hun ki hong hi.

Kipatna dingin Rev. Khup Khen Pau, Senior Pastor, CMBC in pawi hun khempeuh apna hong nei hi. Tedim Laipian Pawlpi panin Zola leh laamna tawh zinte hong muak uha, Tua khit ciangin Zosuan Tuailai Khawmpi hong pian theih nadinga phukhia Zomi Innkuan, Singapore khangnote' taangin Pa Hang Khan Lian in Thungenna hong nei hi. 

Pa Hang Khan Lian in a genna ah Zosuan Tuailai Khawmpi pen a omsa kipawlna demna a hih lohna, Zogam leitang manphatna, Zogam pana piang thawhbat, meiteimul a sungsante pumkhat pen Singapore ah a lei teh Kawlgama Siikkang dal khat man zah a hihna, leitunga coffee hoihpen nam Zogam ah a pianna, Kumpi lamah pang dena a huh banah a langpang ngei lo Zomi leh Zogam ah thau tawi galgim hong namna, mihingte leivui pana piang i hih manin leitang mahmah pen zahtaak huai a hihna, i pianna "Nu" khat a hihna, Tua leitang pen gamdangmite kiangah zuaka puaksak ding a hih lohna, i kiim i paama minam tuamtuamte, pau nam tuamtuamte tawh i kihotheih kei leh a kinuntak zawh lohna, namdang khat peuh simmawh elbawl gawp ding a hih lohna cihte leh thu tuamtuam te genkhia hi. 

Tua khit ciangin ZTKhawmpi President Pa Suang Za Nang in pilna siamna tawh hi lo-in i neih ngei nai loh khat i sepkhiat theih nadinga mapan Zomi Innkuan, Singapore leh lungsim, thatang, hun leh sum leh pai tawh hong panpih te tungah lungdamna, Khawmpi hih ciang i lawhcin theihna pen Zomite kipumkhat tatak i hihna, khual leh tual pan Khawmpi hong siim Sanggam Zomi khempeuh tung a lungdamna, pawlpi tuamtuam khut kilena ma i pankhopna te hang a hi hi. Ka kicin lohnate uh nomau tawh Zomi i hih khawmna hangin nong telsiam ding uh ka  lamen hi cihte hong pulak khia hi .

Main Committee panin Cinpu in mipi hong pai te mel kilah sakna hong nei-a, guahzu daikai nuai tatak pan mipi hizah i kikaihkhop theih pen Minam i it man tatak a hihna, hih khawmpi a piankhiat theihna dinga ma hong bang te tungah a lungdam mah bangin Khawmpi a picingna dinga hong pai mipi, MP te, la leh tumging lam te hong uk kumpi te tung ah lungdamna thute gen khia hi. 

tua khit ciangin  Tedim Laipian Pawlpi in Zomite' lungtup tui bang a tun nading Zo lapi hong paih hi. 

Tua khit ciangin Rev. Dr. Do Suan Mung in Zomite cihtakna, kuhkalna, sepkhiat ngamna, geelkhiat ngamna, dinmun kip deih ding a hihna, lam nuam bek tawh khantoh sawm ding a hih lohna, i sup lawh i sih lawh leh zong thutang ah ding ding a thupina cihte a kipan Khangnote in i nuntakpih ding a kisam thumanphate hong genkhia hi.

Tua khit ciangin Zomi Lasiam Lawhcing Thawn Kham in a lungtang pana hong phulkhia la manpha te hong awih hi. zan 11;00 hong sawt kheng val ta a hih manin mipi cidamna akhualna un Lasian Lawhcing Esther Cingsan leh San Nuam te in hong pai lai ding nite ah a sak dingin la hoih tampi kigingsa-in zintek kizuan hi.

Min list aapna ah mipi hong tun behbeh lai hi. June kha sang kihong khin, Zogam khuate lo khawhna gam vive a hih manin lo kin lua a hong paikim man lo zong om hi. NGO nasepna khua pawlkhat ah panmun letna hang tawh hong pai man nai lo mipi tampi om hi. 

Leitung piancil pan a khatveina Tedim a i bawl , June 5-9, 2013 ni-a i neih  Zosuan Tuailai Khawmpi, ah zintun ni in khual pan mi 520 val hong tung man khin hi. Hong tungsa khua pen khua 80 val phata hi. Khua kim panin hong kipaikim mahmah hi cih kimukhia hi. 

Moreh pan leh Mizoram khua 7 panin mi 30 val hong pha thei uha suan leh muan migil honkhat hong kihel thei uh hi.

CCJ hall kidim phitphet mawk ahih manin Tedim khua leh a kiim a paan khuate khempeuh zong Zosuan Tuailai Khawmpi tungtaang ah kithutuak kilungtuak mahmah hi cih kimu thei hi. 

Kipawlna leh NGO cihte bangin hong paite sum leh pai, nitha, anneek tuidawn a kipia zo cih bang hi lo a hih manin Zomite in Zomite' nuntak khuasak nadingin sum leh pai sangin thu hoih thu manpha a lunggulhzawkna uh kimukhia thei hi.

Khual pana hong pai i laizomte  Tedim khuazang in zong sep theih tawpin muakte uh hi.
A ni 2 ni, zingsang daak 8:00 lap dingin an hong pia ding uha zing teh thulupi nih sun thapai kikupna om ding hi. 

Zosuan Tuailai Khawmpi a tangtunna pen thanemna hong hilhzel itna lungsim a nei lawm leh gual, thapiakna hong nei zel upa simvom sanggamte, hangsanna tawh ma hong panpih Pasian hang leh Zomite' kipawlna khempeuh, mimal kim in a thukimpihna hang za hi hi.

Tua in Zosuan Tuailai Khawmpi  thubulphuh "A Bucing Khantohna Ah" cih ii lampi kiphatna a hi hi.

Cinpu
Information
Zosuan Tuailai Khawmpi
June 5-9,2013
Tedim

See More...

Zogam ah Toll Gate masa pen

Zogam a Toll Gate masa pen Tonzaang khawk (township) sung a om, New Dalkhai leh Old Dalkhai khua te kikal ah Zogam a ding, a masa pen Toll gate( Lampi zat man sum don na ) om cih thu Khua makai te tungpan kiza hi.

New Dalkhai Mawtaw

Hih khua te gel pen Indai gamgi a om khua te hi in, Kawlgam lam pan mawtaw a lut thei loh hang India lam pan mawtaw lim lut mah mah hi. Indai lam pan Kawl gam a lut suk ciang in, Old Dalkhai tawn masa a hi man in, New Dalkhai a pai sak suak nop uh leh Toll gate ah sum Rs 500-1000 ta Old Dalkhai te piak kul ham tang hi.

Hih thu apiang khiat na pen New Dalkhai gam sung a Taak Singkung te Old Dalkhai ten India lam ah zuak ding in phuk sak uh a New Dalkhai ten phal lo uh hi. Tua thu hang in Old Dalkhai ten New Dalkhai mawtaw te tung Toll gate sum dong uh hi.

New Dalkhai Mawtaw

Kawl kumpi te mawtaw lam projcet zong Project lai ah Tonzang-Naakzaang -Zampi leh New Dalkhai tawn ding in Project Fund sum a kia sa pen Old Dalkhai ten kumpi thu nei te mai-et zo zaw uh ahih man in, Tedim-Tui Thang- Phil Nak -Old Dalkhai-New Dalkhai- Zampi lam ah to ding in na gel uh hi.

Ambrose Kap

See More...

Cope Topa phawkna, Laisiangtho amawkna in kihawm

Zomite' sungah Khrist lungdamna thupha hong puak American Baptist Missionary, Rev.Dr. Joseph Herbert Cope te nupa in Tedim khuapi ah phualsat in hong tun zawh (November 1,1910- November 2010) Kumza cin phawkna tawh Rev. Khoi Lam Thang (General Secretary of Bible Society of Myanmar) vaihawmp siamna tawh US Asia Mission (Changmai, Hqrts) te huhna in Tedim Lai siangtho kibawl khia hi. Hih Tedim Lai siangtho bu pen abeisa 1977 kum akikhen laimal / kammal zatte bulphuh in kipuahpha kik ci hi.

USA Asia Mission te in Zomite' ading deihsakna takpi tawh hong bawlsak uh ahih manin, Emmanuel Baptist Church le Emmanuel Theological Seminary, Lai siangtho sanginn pan May 26,2013 ni-in a mawkna (Free)tawh kihawmkhia ziahziah hi. Hih Tedim Lai siangtho pen Japan gamah kibawl hi-in a vekpi bu 40000 kibawl hi-in, tutung bu 10000 kihawmkhia masa in, mai asawt loin bu 30000 kihawm kik ding cih kiza hi. Tutung LST hawmna tungtang ah Pastor Mark (USA Asia Mission, Changmai), Sia Pa Uk (Falam gam Parte khuami), Rev.Go Mun Thang (President- Emmanuel Theologocal Seminary) Kawlpi, le Siapi pawlkhat vaihawmna tawh kihawmkhia cih kiza hi. 

Hih Tedim Laisiangtho pen sanggam Falamte' ading kibawl ding kimlai ei Zomi (Tedim kampau)te' ading hong kibawlsak ahih manin, Zomite' ading Pasian thupha taktak hi" ci-in Pastor Mark (USA Asia Mission) in genkhia ci hi. Tua banah hih Laisiang thote amawkna akihawm ahih mah bangin, kua mahin zuak hetlo ding le mai hawm kik ciangin zong thangah huai zaw lai ding ci-in genbeh uh ci hi. 

Ref: Sian Pau vis Tongsan

See More...

Kansau khua ah, Christian pawlpi kiphut zawh kum za cin

Kansau Kum 100 pwi ading in I thunget na te le I hanciamnate Topa in thupha hong pia in nuamtak ki zo hi. Anuai abang in kum 100 pawi report hong pia ingh.

(I). Kum 100 pawi muakna Crusade ki lawhcing mahmah hi.

Hih Crusade ading in 2011 lai a, Malaysia a om te hong hanciam na tawh Ks. 500000 hong khak uh a tua tawh Rev. Nang Khan Mung (Sakhangyi Church Pastor) ki cial in April 16-19 sun 3 le zan 3 crusade ki bawl in nitak sim a ki ap mi 60 - 70 phaden hi. Gupngah ki tel cianthak mi 50 Tui kiphumuh hi.Topa minthan na ding hi ta hen.

(II). Kum 100 pawi thupha " A khong a Cina te etna (Free Medical Checkup or Treatment) ki lawhcing mahmah hi.

Hih dam lo te etna ding in USA a om te hanciam na tawh Ks. 1000000 man Zatui Zaha Kawlpi pan ki lei in Sia Kapno in gim ingh tawlingh ci het lo in khuapih tuipih damlote hong etsak in Cina mi 470 te tungah "Damna thupha" ki bawl thei hi.

(III). April 19, 2013 Jubilee Zintun ni.

Jubilee zintun ni in a naui abang in Pawisim ki pai thei hi.

(1). USA pan Tg. Siam Lian

(2). India lamka pan Rev. Dr. HS Hatzaw, Dr. Piangpu, Dr. DiDim, Pa

Thang Khen Leh Pa Do Mang te innkuan tua lo adang tawh gawm in mi 50 kim hong pai thei uhhi.

(3). Yangon pan Pa Do Thang te inkuan

(4). Mogoke pan Rev. Tual Lun Pau te innkuan

(5). Tamu pan Pa Neng Za Suan te inkuan

(6). Kawlpi pan Rev. Neng Suan Thang, Rev. Go Mun Thang te innkuan,Evan. Lang Do Khup, Pu Am Khan Thang, Pa Vungh Khan Mang, Sia Nang

Khen Kham, Pa Cin Suan Lian, Pa Pau Khaw Thang.Sia Tual Do Thang, Sia Pauno

(7). Singgialzang pan Nu Gawh Niang te nuta.

(8). Thantlang pan Sia Gin Do Khup te innkuan

(9). Laitui pan Siapi Thang Sian Mung te innkuan.

(10). Tedim pan Dr. Suan Khan Mang, Pu Khampi te innkuan

(11).Tonzang pan Pa Neng Za Go te innkuan, Pa Pum Lam Thang.

(12). Tuitum pan Pa Kham Mung te pata.

(13). Mualkawi pan mi 4

(14). Singgial pan Sia Pau kap, Pa Ginno te nupa, Nu En Ciin, Pa En Langh.

(15). Mauvom pan Nu. Nem Khua Niangte innkuan.

Note: Zintun nitak Chairperson - Rev. Tual Lun Pau

Speaker -Evan. Lang Do Khup

Thutom genna -Dr. Piangpu

IV. April 20, 2013 (Saturday).

Hih ni in anuai abang in khua siansuah na ki nei hi.

(A). Kansauzang Tedim Baptist Church Biak inn ah.

(1). Beh Khat leh Beh khat mawh ki maisak na ki nei.

(2). Kansau ta te in Pasian nasem te tung mawhmaisak na ngen.

B). Kansauzang Baptist church Biak inn ah.

(1). ZBCM le TBC ki kal mawh sutna le ki maisakna.

(2). Khua kim khua pam te tung mawhthum na.

(3). Khut khialh ban khialh na thumna.

Hih mawhsutna lai te meitawh KBC ah ki hal hi.

Hih a tunga teng a ki sep khitteh Nisuah na lam thupha nget na ki nei

in, tua man teh Konglui ah thupha ngetna, tua khitteh Sanginn ah nidang

a Dawithoihna mun ah siangsuah na leh thupha nget na ki nei in tua man

teh Tualpi taw ah thupha nget na ki nei in tua teng man ciang

"Singlamteh " phuhna ah mawhna pulak khiat teng ki hal in a vu teng

singlamteh phungah ki phum khawm hi.

Tua teng khitteh Jubilee Mualsuang hon na Rev. Neng Suan Thang in hong nei hi.

Note: Sani nitak biak piakna na ah: Chairperson - Pastor Thang Kim

Speaker -Rev. Go Mun Thang

Thutom genna-Dr. Suan Khan Mang

Saturday nitak biakpiak khitteh khangno te in singsong service hong makaih in zan 12:00 teh ki mansiang hi.

V. April 21, 2013 (Sunday).

Hih ni in Zingsang nai 10:00 in Rev. Tual Lun Pau in Jubilee pawipi

le Gate Hon na hong nei in tua mankhitteh a nuai a teng khuapih te in pahtawina in "Taltawh biakinn tualah hong lam" uh hi.

(1). Rev. Dr. Hau suan Hatzaw le Rev. Neng Suan Thang

(2). Rev. Go Mun Thang le Evan. Lang Do Khup

(3). Rev. Tual Lun Pau le Rev. Cin Khan Suan

(4). Dr. Piangpu le Dr. DiDim

(5). Dr. Suan Khan Mang le Siapi Thang Sian Mung

(6). Pu Am Khan Thang le Pu Lam Za Cin

(7). Rev. Thawng Khan Mung le Rev. Nang Khan Mung

(8). Sia Pau Suan Kap le Sia Nang Khen Kham

(9). Sia Pau Khan Thang le Sm Vung (Lamka) Ka mangngilh a om leh hongnung suahsak ning ee.

Jubilee Service sungah Chairperson Rev. Go Mun Thang

Speaker Rev. Dr. Hau Suan Hatzaw

Hih Jubilee hunpi sungah a thupi zaw deuh teng hong pulak ingh.

(1). Pawlpi phut masa mi 13 te tung lungdam kohna "Puanlaisan lePuandum ki pia hi.

(2). Pu Am khan Thang le Sia Pauno te in Khua tangthu sutna hong nei hi.

(3). Khuasungah khangham kum 70 a phakhin te tung thupha dawhna ki nei

in puanten leh nik ki pia hi.

(4). Siampi te tung thupha dawhna ki nei hi. Siampi 22 te tung LST

Tulsawm leh tulnga man te piading..

(5). Nekkhawm piakna ki nei in Rev. Neng Suan Thang in hong makaih hi.

Nitak biakpiak na ah Chiarperson - Pastor Thawng Za Thang

Speaker -Evan. Lang Do Khup

Thutom genna -Sia Tual Do Thang

Kansau tate in kum 100 pawi i kham khitteh i maban ding geelna ki nei

in "Leitung mun tuamtuam a om Kansau tate ki pawlna phuan ni ci in ki

thukim a ki pawlna minding in "KANSAU ASSOCIATION" cihding in hoih ki

sa in a nuai abang in panmun ki gual hi.

President =Evan. Lang Do Khup

Vice Pre. I =Pa Khampu (Lamka)

Vice Pre.II =Kansau Hausa (by post).

Vice Pre.III =Kawlpi Kansau ki pawlna President (by post).

General Secretary =Rev. Lian Za Huam

Associate GS I =Siapi Thang Sian Mung

Associate GS II =Sia Pau Suan Kap

Treasurer = Rev. Go Mun Thang

Countant =Sia Gin Go Thang

Members leh amunmun a thu kizakna ding te:

Gampua lam teng:

(1). Tg. Siam Lian (USA)

(2). Pa Thang Do Lian (USA)

(3). Pa Gin Mang (USA)

(4). Nu Lawh Cing (UK)

(5). Pa Suan Cin Khup (Austrilia)

(6). Dr. Piangpu (Lamka)

(7). Sia Pau Kim Thang (Bangalore)

(8). Sia Khai bawi (Delhi)

(9). U Niangpi (Malaysia)

Gamsung teng:

(1). Ps. Thang Kim Yangon

(2). Rev. Tual Lun Pau Mogoke te zanggam teng

(3). Sia Kapno Tamu

(4). Sia Kham Do Dal le Pa Vungh Khan Mang Kawlpi

(5). Sia Tuan Khen Kham Tedim

(6). Sia Kham Cin Thang Tonzang

(7). Pa Kham Mung Tuitum

ADVISOR TE:

(1) Dr. Suan Khan Mang

(2). Rev. Dr. Hau Suan Hatzaw

(3). Rev. Neng Suan Thang

(4). Rev. Cin Khan Suan

(5). Pu On Kap

(6). Pu Lam Za Cin

(7). Pu Am Khan Thang

(8). Pu Neng Za Suan

(9). Pa Gin En Thang

(10). Pu Neng Za Go

Thu khahsawn.

Rev. Lian Za Huam

See More...