ZOMI LAKPAN PH.D NGAH MASA PEN DR. LEO MANG CIN HAU TAWH HOLIMNA

Profile: 

Min                        : Dr. Leo Mang Cin Hau

Nu le Pa               : Pu Hau Cin pau & Pi Man Za Ciin

Degrees               : B.Ag, Ph.D (Agriculture) (Moscow)

Khua                      : Tonzang

Beh                        : Sukte

Suahni                  : 1942, October 10

Thubullet             : Thumaan zong ding (To seek the truth)

(You shall know the truth and the truth shall make you free)

Laisinna le nasepna

1947-1953            : Tonzang (Saint Joseph’s Vernicular School)

1953-1960            : Saint Peter’s High School, Mandalay

1960-1965            : Mandalay University (Faculty of Agriculture) B.Ag Degree

1965 Nov- 1970 Nov: Russia, Moscow (Agricultural Academy of Sciences) Ph.D

1965                       : Agricultural Research (Kyukone) ( In service tawh sangkah)

1970-1972            : Tutor at Institute of Agriculture, Mandalay

1972-1977            : Assistant lecturer at Institute of Veterinary Science, Insein

1977-1986            : Assistant lecturer, Head of Animal Science Department, Institute of Agriculture, Ye Zin.

1986-1993            : General Manager (Dairy Section) , Mandalay Dairy Development Project ( Australia)

1993-2001            : Self-employed

2002-2006            : Saint Thomas’ Seminary (English hilh)

2006-2008            : PIEC (English & Science hilh)

2008-2010            : MCTA (Assistant High School Head) (Science, Chemistry, English hilh)

2010-2011            : ACACIA (Principal)

2011-2012            : Myanmar Buddhist Orphan Association (MBOA) (English hilh)

2012-present     : ILBC, High School Dept.

Education (Pil sinna) tawh kisai

Zingsol: Ph.D ngah kum, tua huna nang’ kum  le  tuahun a ei mi sungpan angah a om nai hia?

Dr.Leo   : 1970 hi in kakum 28 hi ingh , Kei tawh kum khat sungin Dr.Vum Son in zong ngah.Amah pen East Germany pan Geology tawh hi.

Zingsol: Tua hun pilna zonna ah Zomi khat hihna tawh kizui in haksatna ahi zong nong gen thei dia?

Dr. Leo:  Tua hun a i kumpi te thumaan mahmah lai in amau i hongsawl na tawh akipai hi zaw, amau ong sapna tadensa pan thei in, akisiau toto in, akiteel teng akipai hizaw. Zomi khat kahihna manin haksatna ah om zongin thei kha keng.

Zingsol: Tua le kong dotnop uh khatin hih line pen  nang ut a  teel maw, ahih kei leh athu kituak in ahong piangtawm ahia?

Dawnna: Hih lokhawhna (Agriculture) pen ka-uk mah hi.

Zingsol: Tua hun a kawlgam sinna tawh tua phual a pilna sindan akikhai na?

Dr.Leo:  Aw kikhai lua, teh theih ding hikei e. Gentehna in Kawlgam ah kum 3 kum 4 laisim pen amau kiangah, kum 1 in zo uh hi.

Zingsol: Tua leh tua hun a gamdang tawh ci kei ni, tua hun a kawlgam sung a pilna sindan le tuhun aki khai dia?

Dr. Leo :Tu hun pilna sindan pen sangtawh ka kizop loh zawh sawt in ,atel in genthei ke’ng . Kamuh danin gen le’ng kohun lai a laisimna sang tuhun a laisimna niam zaw leh kilawm. Agricultural lam bel sangzaw leh kilawm sa ingh. Adang te bel laizong limsim khollo, agina a vuan khollo in,degree kingah theilel hihtuak.

Zingsol: Nong ciah kik ciang e kumpi in nasep ding ong vaihawm sak hia?

Dr.Leo: Bangmah ong vaihawm sakna omtuan kei. Kanasepna lui ah onglut kik sak uh.

Zingsol: Dena nasepna ah Veterinarian lamah bang sem cileng degree pen ganhing lam tawh kisai maw leh?

Dr.Leo: Keisin pen ‘Animal Production’ hi. (Ganhing pan a kingah neektheihte :bawngnawi, aktui, sa te tampi ngah nading ganhing khawina) Hih pilna pen Agriculture sangte bekah kihilh sak ahihman a, Vet. Inst. ah avasem kha hi’ng.

Zingsol: Tua leh teldot le’ng production le vet pen koici kikop kik ahia?

Dr.Leo: Veterinary pen ganhingte acinat ciangah a bawldan, zatui pia, zatui sut dante asinna sanghi. Ganhing natna thu tuamtuam, zatui zaha zatding tuamte theih na’ng a hipen hi. Production pen, a cidam penpen ganhingte kiangpan bawngnawi, aktui, sa tuamtuam cihte tampi ngah nang’ bang ci ding cih sinna hi. Lokho, ganhing khawite tawh kisai zaw ahi man hi. Kawlgam ah pen, Vet. Inst. ah sin zaw uh hi.

LOKHAWHNA TAWH KISAI (AGRICULTURAL)

Zingsol: Tua leh lokhawh tawh kisai in ei gam i thanem na?

Dr.Leo: Lokhawh tawh kisai in bel ei lokho ten bangmah kithei lo, kuamah inlah ong hilh lo. Ih sang te mahmah in ahilh te pen a laibu bek ah thahat in ‘practical’ pen thanem. Tuateh agricultural sangte ah zong ei gam, Hilly country aa lokhwah dan ding kihilh hetlo hi.

Zingsol: Hih teng pen leizon le’ng bel haksa incin ahih hang ei khattek in i hihtek theih ding bang bang om thei ding a, hih pilna lampan en le’ng?

Dr. Leo: Amasa in ah eigam ah pen alei mahma kisia tahi. Singkung lopa te kivat mang ahih teh guahtui tawm pah hi. Guah azuktehzong  ahup ding om nawnlo,hawktui-in luangin lei neente taai manghi. Tua in Erosion piangsak hi.Singkung lopa kuaman lah suan kik lo. Singkung omlo ahihteh i lui te kang. Luitui, lopa om nawnlo a’ih cianga vasa le sa dang tuamtuamte zong tawm semsem .Tua hi in abul tak en le’ng, dah huai mahmah hi. Hih teng bawl kik na’ng ahih leh, pilna nei bel kisam veve ding aive.  Hih pilna nei te in sepdan bawldan (technic) te hilh dingin, tua the volunteer te tawh i khua tekah pai dingin singno suan ding. Tua pen first step ( kal masa). Singphuk khawng kham sak ding.Khangno te zong hong hanciam un la i vekpi in i sephuan ding, i sepkhop ding step tampi kisam inteh. Amasa pen i septheih ding pen, singkung phuuklo ding, singno suan ding.

Zingsol: Tua bang hileh eigam ah bangkung bang suan le’ng hoih pen ding a?

Dr.Leo: Amasa pen in bel bangkung bangkung hita leh suanding kisam hi. Leihoih kik na’ng guahzuk na’ng. Tua banah i suan veve i cih leh ei zat theih ding ansing, tehno sing ahi zong, ganhing vas ate neektheih ding ahih leh thei khawng, phihtuu khawng, mawngkung khawng. Vasa hong tam leh ankung hong neeksak lungno te hong tawm ding.

Zingsol: Ei lam a lo i vat,singtaang i vat te e bangci namuh a?

Dr.Leo: Khamtung ah lokhawh ciangin lothak kivatin kum 3 kum 4 khitteh nusia in athak kivat leuleu hi. Tua khitteh a lo masa kikho kik leuleu hi. Tua pen natural regeneration kici hi. I pu i pate hun a amau pen mitam nailo inah, amau hih pen amaan mahmah na hihi.Tua hun ading bel ahoih mahmah hi. Ahih hang tuhun teh mitam i hihciang a, i lokhul pen kumnih, kumthum kingak zolo in kizuan kik a, atua lei pen tatsatlo a kizang ahih cianga alei kisia zaw hi. Tua ahih ciangin mualtung lokhawhna pilna le siamna i sinkul ding hi. Sloping Agricultural Land Technology (SALT) kici-in, Philippines gamah kizang masa pen hi.

Zingsol: Tua leh minam vailam ah pai le’ng tulai tak a i buaina Zomi le Chin vai nang bangcih namuh a?

Dr.Leo: Kei’ muhna lianah pen hih ci. No’ muhna pan bang aci tam bel thei kei ingh. Ke’n tuate khawng pen thupi sakhol ke’ng. Shakespear in bang na ci hiam cih leh, “A rose by any other name smells as sweet.” Gtn in lingpak pen bawngek pak hi naci phial zongin amah hi veve hi. Tua hi in ei pen,i lungsim i ngaihsut athu pi ding kisam sazaw ing. Gtn in Saint Peter sang kakah lai a, kawlpau lah theilo, akawlte ngiat akimu ngeilo hi in ah kawlte’n pen hong nak etneu mahmah hi. Ahih hang,laivuanna khawngah asang pawl a i omteh mi in hong nopneh thei nawnlo hi. Siamna le pilna nei peuh le’ng, hih minte i minamte thupi masa lo hi, aci nuam hi’ng.

Zingsol: Tua leh nam-it acih kammal tungah nang’ muhna?

Dr.Leo: Nam-it i cih pen, Kei “ Zomi kahihna” pen zumlo ding. Kei Zomi hi’ng. Hi mah ingh. Zumpih ke’ng. Kawlpau zong siam ke’ng. Zum tuan ke’ng . Ahih hang, “ Kei Zomi hi’ng. Ko hong ong thupibawl zaw un,” cih te pawl bel deihhuai sake’ng. Kawl ahi zong, Zo ahi zong, i manphatna akibangkimhihang. Pasian thu-um vive i hihteh, ei i hihna (identity) zumpih le’ng, ei a hong bawlpa amawhsak suak ding hihang.

Zingsol: Ko kongdot khakloh uh nong gennop bangbang?

Dr. Leo: Kei hong gennop ah bel, Chin Culture i cihbel i Pu i Pate ngeina ahoih teng i kepding hi. Ahi zongin, a omlo pi om, i cih pen kisam sake’ng. Gentehna in lailam ahi zong, limsuaihna lam (painting) ahi zong neilo hihang. “Let’s accept the facts”. Gentehna, en i khutgelh lai (written word) bang kinei in ui in hong neeksak cih te phuaktawm (fiction) vai mahmah sa ingh. Mipil khat i genna ah, eite koipan kipan cih thupi kei ci, koiciang tung i hiam cih thupi zaw, cihi. Tuapen hoihsa mahmah ingh.

Tua khit teh kong gennop lai khat pen, ko neulai khawngin ei Zomi te pen thumaan a hong kithei in tua zong ei i manphatna (value) in ikep ding.I “honesty” i kepzo ding thupi. Zuauphuak lo ding cihte pawl maw. Tuate thupi sa ingh.

Zingsol: Sang naupang te tungah e nong gennop a om dia?

Dr.Leo: Laisin te tungah kong vaikhak nop ah ei manphatna ( value)  pen skills & knowledge ( siamna & theihna)hi. Tua pen akhan theihna’ng bawl huai. Sang a, kihilh ciangbek tawh hilo ding kantawm ding. Tulai ah pen lai-on’ ding kithupi sak lua. 4 D, 5D ngah ding. Tua hilo ding in i theih ding i siam ding thupi zaw. Lai ong kahih manin, athei hilo ding in, thei kahih manin laivuan a ong hi zaw ding.Theih ding akilawm khempeuh, nong theih dinguh hong hanciam un.

See More...

[Laisiangtho] Pilna (OT)

Piancilna

Alian 41

16

Josef in Faro dawngin, "Kei' pilna tawh mang a khiathei ka hi kei hi. Pasian in Faro' tungah a hoihlamin dawn'na hong pia ding hi," a ci hi.

Paikhiatna

Alian 31

3

Lim hoihte a geel ding; kham, ngun, sumngo tawh na a bawl ding; siamna nam khempeuhah nasepna ding; bulh ding suangte seekna leh singzep nasep a sem dingin vangliatna, siamna, pilna, theihna, leh khutsiam nasep khempeuh tawh amah ka kidimsak hi.

Alian 35

31

Lim hoihte a geel ding; kham, ngun, sumngo tawh na a bawl ding; siamna nam khempeuh nasepna ding, bulh ding suang seekna, leh singzep nasep a sem dingin amah in vangliatna, siamna, pilna, theihna, leh khutsiam nasep khempeuh tawh amah kidimsak hi.

Alian 36

1

"Bezalel leh Oholiab leh biakbuk lamna-ah nasep khat peuhpeuh sepna ding zia a thei dingin Topa in siamna lehpilna a guat mi peuhmah in Topa' thupiaksa khempeuh tawh kituakin sem ding uh hi," a ci hi.

Gamlak Vakna

Alian 25

18

Bang hang hiam cih leh amaute in a khelpilna uh tawh note hong gimsakgawp uh a, Peor tawh kisai thu leh Peor' hangin gimna ni-in a kithat, amau' sanggamnu, Midian uliante' tanu Kozbi thu-ah note hong khem uh hi," a ci hi.

Thu Hilhkikna

Alian 4

6

Tuate zui un la, sem un; bang hang hiam cih leh hih thukhamte khempeuh a zak uh ciangin, 'Hih minam liante pen a pil thuthei taktak hi,' a ci ding uh mite' muhna-ah hih thu pen nomau' pilna leh nomau' theihna hi ding hi.

Alian 34

9

Tua ciangin Moses in, ama tungah a khut nga khin ahih manin Nun tapa Joshua lungsim pilna tawh a kidim hi. Tua ahih ciangin Israel mite in ama thu mangin, Topa in Moses a thupiaksa bangin a gamta uh hi.

Samuel Nihna

Alian 14

20

Na thu paizia khekna dingin na nasempa Joab in hih thu hih hi. Ahih hangin ka topa in leitunga om na khempeuh theihna dingin Pasian' vantung mi pilna tawh a kibang pilna na nei hi," a ci hi.

Alian 20

22

Tua ciangin ama pilna zangin mi khempeuh kiangah tua numei a pai hi. Tua ciangin amaute in Bikhri' tapa Sheba' lu tankhia-in Joab kiangah lawnkhia uh hi. Tua ahih ciangin amah in peengkul tum a, khuapi panin amaute kikhenin a milipin a inn ciat uhah a ciah uh hi. Tua ciangin kumpipa kiang Jerusalem-ah Joab a ciah hi.

Kumpi Masate

Alian 2

6

Tua ahih ciangin nangma pilna bangin gamta in la, lungnuam takin sih ngeina tawh amah na sihsak loh ding thei in.

Alian 3

12

En in, nangma hong ngetna bangin kong pia ding hi. En in, nangma hun ma-in nang tawh a kibang a omlohna ding leh nangma khitah zong nang tawh a kibang hong khan'lohna dingin pilna leh theihna lungsim kong pia ding hi.

28

Tua ciangin Israel mi khempeuh in kumpipa' piak thukhenna za uh hi. Thutang a sem dingin ama tungah Pasian inpilna pia hi, ci-in phawk uh ahih manin amaute in kumpipa lamdangsa-in a om uh hi.

Alian 4

29

Pasian in Solomon' tungah tehzawh lohin a thuk mahmah pilna leh theihna, leh genzawhloh lungsim zaina pia a,

30

Solomon' pilna in nisuahna lam mi khempeuh leh Egypt pilna khempeuh khumlet hi.

34

Mi khempeuh leh leitung kumpi khempeuh sung panin Solomon' pilna thu a ngai dingin ama pilna thu a zasate hong pai uh hi.

Alian 5

12

Ama tungah a ciam bangin Topa in Solomon tungah pilna pia hi. Solomon leh Hiram kilem uh a, amaute gel in thuciamna khat a bawl uh hi.

Alian 7

14

Amah pen Naftali minam meigongnu' tapa hi a, ama pa pen Taia khuami sumngo seek na a sempa ahi hi. Amah in sumngo tawh na khat peuhpeuh hihna dingin pilna, theihna, siamna a nei ahi hi. Kumpi Solomon kiangah amah hong pai-in ama na khempeuh a sem hi.

Alian 10

4

Sheba kumpinu in Solomon' pilna, ama lamsa a inn,

6

Tua ciangin amah in kumpipa kiangah, "Ka gamsung panin nangma thu leh na pilna ka zak a kigen thute man mahmah hi.

7

Kei hong pai-in keima mit in a muh mateng a kigente ka um kei hi. Ahi zongin alang zong kei tungah hong kigenlo na hi a, na pilna leh na daupaina in ka zak thute vuknelh hi.

8

Na zite a hampha mahmah hi a, na mai-ah ding tawntungin na pilna a za hih na nasemte zong hampha mahmah uh hi.

23

Tua bangin Kumpi Solomon in hauhna leh pilna tawh leitung kumpi khempeuh khumkhelh hi.

24

Tua ciangin Pasian in ama lungsim sunga a koih ama pilna a ngai dingin leitung mi buppi in Solomon' omna zong uh hi.

Alian 11

41

Tu-in Solomon' sep a omlaite, leh a hih khempeuh, leh a pilna, Solomon' Nasepna Laibu sungah kigelh hi.

Khang Tangthu Masa

Alian 22

12

Amah in Israel tungah nang hong uksak ciangin Topa na Pasian' thukham na zuih theihna dingin Topa in ngaihsutpilna leh thutelna nang tungah hong pia ta hen.

Khang Tangthu Nihna

Alian 1

10

Hih mite ka uk theihna dingin tu-in pilna leh theihna hong pia in; bang hang hiam cih leh hih zahin a tam hih na mite kua in ukzo ding ahi hiam?" a ci hi.

11

Pasian in Solomon dawngin, "Hih thu na lungsim sungah om a, nangmah in neihsate, hauhna, pahtawina, ahih kei leh nang hong mudahte' nuntakna hong ngenloin, a tungah kumpi-in nang kong koihna ka mite na uk theihna dingin nang-a' ding pilna leh theihna hong ngen na hih manin,

12

pilna leh theihna nangma tungah hong kipia hi. Nang' ma-a kumpite kuamah in a neih ngeiloh, nang' khit-ate kuamah in zong tua bang a neihloh ding hauhnate, neihnate, leh pahtawina zong, nangma tungah kong pia thuah ding hi," a ci hi.

Alian 9

3

Sheba kumpinu in Solomon' pilna, a lamsa inn,

5

Tua ciangin amah in kumpipa kiangah, "Ka gamsung panin nangma thute leh na pilna ka zak a kigen thute a man hi.

6

Ahih hangin kei hong pai-in ka mit in a muh matengin a kigen thute ka um kei hi. A taktakin, na pilna alang zong kei kiangah hong kigenlo ahi hi. Ka zaksa thute sangin na thupi zaw hi.

7

Na zite hampha mahmah hi. Na mai-ah ding tawntungin na pilna a za hih na nasemte hampha mahmah hi.

22

Tua bangin kumpi Solomon in hauhna leh pilna tawh leitung kumpi khempeuh khumkhelh hi.

23

Tua ciangin Pasian in ama lungsim sungah a koihsak pilna a za dingin leitung kumpi khempeuh in Solomon' omna hong zong uh hi.

Ezra

Alian 7

25

"Tua hi a, nang Ezra in nang tungah hong kipia na Pasian' pilna tawh kizui-in Eufratis Gungal gamsunga mite thu a khen dingin na Pasian' thukham a thei mite seh in. Nang leh amaute in na Pasian' thukham a theilote na hilh ding uh hi.

Job

Alian 4

21

amau' liatna in taisan pak ding a, pilna ngah ngeiloin si pakzaw ding hilo ahi hiam?' hong ci hi.

Alian 11

6

pilna nam tampi a omna thu, mihing' theih zawhloh thuthuk, a omna thu hong gen ding hi. Na mawhna zahin Pasian in gim hong piaklohna thei in.

Alian 12

2

"Note pen theihna kicing na kisa mah uh a, pilna a nei na kisa mah uh hi.

12

"Khanghamte in pilna nei a, nuntak saute in thu theitel uh hi.

13

Pasian in pilna leh vang nei a, amah thukipin thu a theitel hi.

17

Amah in mipilte' pilna susia-in, makaite pen mihai bangin gamtasak hi.

20

Amah in mi' muan'te a pau theiloin bawl a, khanghamte' pilna a paihkhiatsak hi.

24

Amah in minam makaite a pilna uh paihkhiatsak a, lampi omlohna gamlakah vakvaisak hi.

Alian 15

8

Pasian' vaihawmnate a za simin kingaihsun na hiam? Nang bek in pilna khempeuh a nei-in kingaihsun na hi hiam?

10

Na pa' pian'ma-a a piang puteek samkangte' tung panin kote in ka pilnate uh a ngah ka hi uh hi.

Alian 26

3

Kei bang mihai tungah thu manpha nong gen a, pilna thu tampi nong pulak hi.

Alian 28

12

Ahi zongin koi lai-ah pilna kimu ding ahi hiam? Koi lai-ah thutheihna nak om ahi hiam?

15

pilna pen kham tawh a kileizo hilo a, a man ding zah zong ngun tawh sehtheih hilo hi.

16

Ofir kham tawh pilna a kileizo hilo a, suangmanpha pen tawh zong a kileizo hi tuanlo hi.

17

pilna a manphatna kham leh limlang tawh tehtheih hilo a, kham hoihpen a kibawl nate tawh zong leizawh hilo hi.

18

pilna a manphatna suangkhi leh limlang tawh genteh theih hilo a, pilna themkhat bek nangawn kep sangin manphazawlai hi.

20

"Tua ahih leh koi lai panin pilna hong piang ahi hiam? Thutheihna koi lai-ah om ahi hiam?

23

"Pasian bek in pilna lampi thei a, amah bek in a omna mun a thei hi.

27

amah in pilna mu-in a manphate entel a, amah in hoihsa ahih manin a kipsak hi.

28

"Tua ciangin amah in mihingte tungah thu genin, 'Topa zahtakna, pilna hi a, siatna pelhna pen thutheihna hi,' ci hi,"

Alian 32

8

Ahi zongin mihingte tungah a hong tung pilna pen Vanglian Pasian' kha in a hong piak ahi hi.

13

Bang hangin pilna a nei-in kigen thei ding na hi uh hiam? Note in lel na hih manun Pasian in Job dawng ding hi.

Alian 38

2

"Kei' pilna a nial dingin nang kua na hi hiam? Thu na theihlohlam a kilangsak na hi bek hi.

37

Leivuite khalcipin, leitang a sak ciangin, meiite thu pia-in vana tuibemte a hong dingin kua in pilna nei ahi hiam?

Alian 39

17

Amah a hai-in a bawlpa ama tungah pilna a guan'lopa keimah ka hi hi.

Alian 42

3

Kei bangmah a theilo kimlai, 'Bang hangin ka pilna hong dem ngam na hi hiam?' na hong ci hi. Keimah in ka tel zawhloh thute, kei-a' dingin a lamdanglua thu a gengen ka hi hi.

Late

Alian 37

30

Thuman mi' kam in pilna gen a, a leii in thutang gen hi.

Alian 49

3

Ka kam in pilna thu gen ding a, ka lungsim ngaihsutna kitelsiang ding hi.

Alian 90

12

Tua ahih ciangin pilna lungsim ka ngah theihna dingun ka nuntak hun uh a tomlam ka theihna dingun hong hilh in.

Alian 105

21

Josef in kumpipa' uliante ama ut bangin lamlakin, a upate pen pilna hilhsak a, ama innsung topa ama neihsa khempeuh a ukpa-in a koih hi.

Alian 111

10

Topa zahtakna pen pilna kipatna ahi hi. Ama thupiak a zuite khempeuh tungah thukhen siamna a pia hi. Amah phat tawntung ding ahi hi.

Paunak

Alian 1

2

Mite in pilna leh thuhoihte a phawk theihna ding, khiatna thuk a nei kammalte a theih theihna ding.

4

Thuthei nailote in a theihna ding, khangnote in pilna leh thu ngaihsut theihna a ngahna ding.

7

Topa zahtakna in pilna kipatna hi a, mihaite in pilna leh thuhilhna donlo uh hi.

20

Ngai in! Kongzing lampi leh van kizuakna phualpi-ah pilna hong kiko hi.

22

"Mihaite aw, bang tanvei hai omom nuam na hi uh hiam? Bang tanvei pilna thudon loin om ding na hi uh hiam?pilna ngaihsutin nei ngeilo ding na hi uh hiam?

29

Note in pilna na deih kei uh a, Topa na zahtak nuam kei uh hi.

32

Bang hang hiam cih leh thu theilote in pilna a donloh manun sihlawh uh a, mihaite in lunghihmawhna a neihloh manun siatlawh uh hi.

Alian 2

2

pilna thute limtakin ngai in la, na theihtel zawhna dingin hanciam in.

4

Ngun, ahih kei leh a kiseel sum manpha zon' bangin, hahkatin pilna zong in.

6

Bang hang hiam cih leh pilna a piapa pen Topa hi a, amah pen pilna leh siamna a hilhpa ahi hi.

7

Pasian in thuman mite pilna guan' a, midikte a hu hi.

10

Tua ciangin mipil na suak ding a, na pilna hangin nuam na sa ding hi.

Alian 3

13

pilna nei-in thu a thei mipa, a lungdam mi ahi hi.

14

pilna nei leeng ngun sangin hoihzaw a, kham sangin zong manpha zaw hi.

15

A manpha pen suangmanpha nangawn sangin pilna manpha zaw lai a, mihingte' deihtheih na lakah tehpih theih ding omlo hi.

16

pilna in khan' hong sausak a, hauhna leh pahtawina zong hong piathuah lai hi.

17

pilna in nuntakna hong nuamsak a, lungmuang takin hong omsak den hi.

18

pilna a nei mite a lungdam mi hi a, pilna a nei mite nuntakna singkung tawh kibang uh hi.

19

Topa in pilna tawh leitung bawl a, a theihtelna tawh vantung a bawl hi.

20

Ama pilna in guntuite luangsak a, meiite in leitungah guah zusak hi.

21

Ka ta aw, pilna leh thu ngaihsut theihna len tawntung in la, cikmah ciangin khahsuah ngei kei in.

Alian 4

5

pilna leh thu ngaihsut theihna na neihna ding hahkat in. Kong gen thute mangngilh kei in la, hoihtakin ngaihsun in.

6

pilna nusia kei in; tua hi leh siatna panin nang hong hu ding hi. pilna deih in; tua hi leh lungmuang takin na omna dingin hong kem ding hi.

7

pilna na ngahna ding a thupi masa pen hi a, na neih khempeuh na beilawh zongin na zon' ding ahi hi.

8

pilna deih in; mi lianin hong bawl ding hi. Limtakin pom in; pahtawina hong ngahsak ding hi.

9

pilna in pahtawina leh minthan'na nangma tungah hong tungsak ding hi,"hong ci hi.

11

Na pilna ding lampi kong hilhzo a, na gamtatna ding zia kong genzo hi.

Alian 5

1

Ka ta aw, ka pilna leh ka thumuhnate, limtakin ngai-in hong za in.

Alian 7

4

pilna na sanggamnu dingin nei in la, thumuhna na lawm it pen dingin nei in.

Alian 8

1

Ngai un! pilna in hong sam a, thungaihsut theihna hong kiko hilo ahi hiam?

11

"Suangmanpha sangin pilna ahi keimah ka hoihzaw a, kei tawh na hong tehpih theih ding uh a manpha dang omlo hi.

12

pilna ahi keimah in thuthuk muhtheihna ka nei a, thu a telin theihna leh a kilawm ngaihsut theihna ka nei hi.

33

Hong kihilhnate zui-in pilna ngah un la, thudon loin ommawk kei un.

Alian 9

1

pilna in a inn lam a, a innkhuampi sagih a phut hi.

6

Thu theilote taisanin khan'sau un la, pilna lampi zui un," cisak hi.

10

Topa zahtakna pen pilna kipatna hi a, Siangtho Pa theihna pen thumuhna ahi hi.

11

pilna in na khang hong khan ding a, na nuntakna hong sausak ding hi.

12

Pil lecin nangma phattuamna ding hi a, pilna don kei lecin nangma supna ding ahi hi.

Alian 10

13

Thungaihsun theite' kamsungah pilna om a, mihaite' nungzangah ciangduai kinga hi.

14

Mipilte in a pilna uh behlapin, mihaite a pau ciangin thusia tawh kizom pahpah hi.

31

Midikte in pilna thu gen uh a, thu hoihlo a gente' leii ki-attan ding hi.

Alian 11

9

Pasian a ngaihsunlo mite' thugenna hangin mite in siatna thuak a, midikte' pilna hangin mite in hotkhiatna ngah uh hi.

Alian 12

1

pilna a deihte, kithuhilh ding ut uh a, kitai ding utlohna pen haina ahi hi.

Alian 13

16

Thungaihsun theite pilna tawh gamta a, mihaite in a haina taangko hi.

Alian 14

6

Mi a simmawh theite in pilna a zon' uh hangin ngah zolo uh a, thungaihsun theite in olno takin ngah thei uh hi.

7

Mihaite tawh kikhawl kei in; amau' kiang pan pilna na ngah kei ding hi.

8

Thungaihsun theite a pilna in lampi man musak a, mihaite a haina in lam khialsak hi.

18

Mihaite in haina bek mah ngah a, mipilte in pilna mah ngah thuah hi.

24

pilna pen mipilte' minthan'na lukhu hi a, haina pen mihaite' kizepna bulpi ahi hi.

33

Thungaihsun theite' sungah pilna teng a, mihaite in pilna thei khalo uh hi.

Alian 15

2

Mipilte in pilna thu gen a, mihaite in haina thu gen hi.

7

Mipilte' kampauna in pilna khangsak a, mihaite' lungsimah thumanlohna bek om hi.

14

Thungaihsun theite in pilna zong uh a, mihaite ahih leh a theihlohna uh tawh lungkim uh hi.

33

Topa zahtakna pen pilna mah hi pah a, kiniamkhiatna in pahtawina hong ngahsak hi.

Alian 16

16

Kham sangin pilna hoihzaw a, ngun sangin thutheihna deihhuai zaw hi.

22

pilna

See More...