28 Nov 2011:: India gam aa, singnuai thautawi Ka-tee singnuai mi te Zogam, Cikha lam, Haicin khua ah om theih nang in kawl kumpi kiang pan phal na ngah uh hi. Tua ahih man in, a mun, a phual aa gammi te pawlkhat lung himawh leh lungmuan omloh man in a ki tuah zong om hi.
India galkap te ii hepkhiat na thuak in Kawlgam lam ong zuan uh ahihi. India kumpi in galvan gol tawh do na thuak ding leh ciangtan omlo do na nei lel ding cih na tungtawn pan in a ki khin uh hih tuak pen hi.ZRO/ZRA te ciang pen India kumpi in gamsung om ding phal na pia se uh hi. 2008 lai in hih ka-tee thautawi te leh ZRA te zong kido ngei uh hi. Tua ahih man in, a ka-tee te in sum ong dong ding cih bek tham lo in, ZRA te tawh ong ki do ding zong lau na hang in khua lal pawl khat ki om khin hi.
Ka-tee hiamtawi te pen 40 ding khawng om in, kawl galkap bu-muu Aung Shi Thu ii let galkap no.89 te in huh na pia ci in zong ki za hi.
Kawl kumpi in hih thu te hilo hi ci in India tawh gamvai ki ho na ah gen lai hi. Ahi zong in, India kumpi in ka theih sitset uh hi ci in siangtak in gen ngam hi ung ci hi.
Nung kha sawn sung in zong Tamu lam gamgi ah sum dong in om aa, sumpiak sang' in sai khak leng ki met zaw ci in kalkhat sung bg sai ki khak ngei hi.
Tua ahih man in, Cikha lam tawn in India tawh ki zop, khualzin gamvak na pawlkhat ah a nawng kai om in, India lam palik te in zong van lim sit tektek uh ci hi. India lam ah Ka-tee te a zuak kik ding uh deih loh na zong hi lel hi. Tua ahih man in Kawlgam lam aa Zomi India sung a om lai tak tawh a ki tuak kha te bg inn lam ciah ding haksat na tuak kha zong ki om hi.
BBC, VOA myanmar news
+(1)(1).png)