Zomite in abeisa March 2,1962 kum a i khahsuah sa ahi Zogam le Zomi suahtakna leh i mun i gam teng i ngah kik theihna dingin, Pu Chin Sian Thang mahin nung October 24,2010 ni in Kawlpi Thupulakna ” Kalay Declaration” hong bawlkhia a, NLD akipan mualmi makai khempeuh in thukimpih bek tham loin, Second Pinlong Conference neih zawhna ding lampi kipatna ding vaihawmna lianpi hong suak hi. Hih thu leitungbup kipawlna tuamtuam in hong theihpih lai uh ahi hi.
Hih bang a Zomi le Zogam leitang ngah kik mateng lungkia loin alungsim, pumpi le pilna siamnate sit loin, hangsantak mapang ahi Pu Chin Sian Thang zahtakna tawh ” Zomi Independence Hero Award ” minphatna laipi World Zomi Congree pan kipiakhia hi. Tua pahtawina ZIHA laipi pen tutung 63 cinna Zomi National Day, NLD zumpi Yangon ah i geelna om sa bangin limtak kipia thei ahih manin, minam dangte' lakah Zomite hong kineumuh thei nawn lo ahi hi.Tua banah WZC zumpi ahi Portland, USA akibawl Zomi Nam Ni hun sungah WZC pan kipia Pu Chin Sian Thang pahtawina laipi (ZIHA) apna le zahtak piakna hunpi khat mah kinei cih kiza hi.
Zomi i hihna zumpih peuh mah loin tuni Zomi Nam ni ah ; Zomi in ka piang, Zomi in ka khangkhia, Zomi in kasi ding… lungtup khua mualsuah sawmin, Zomi hihna angtanpih ( Proud of being a Zomi) ciat ding kithanthawn nuam phapha hi hang. Zomi le Zogam ading sih ngamna sangin puahin zuun a nuntakpih ding hun ta hi.
+(1)(1).png)