ZCD ( Zomi Congress for Democracy)မှ ပူဂင့်ခန့်လျန်း သမ္မတနှင့် တွေ့ဆုံ

ZCD( Zomi Congress for Democracy )မှ ပူဂင့်ကမ်လျန်း( Pu Gin Kam Lian) နှင့် တိုင်းရင်းသားပါတီခေါင်းဆောင်များ သမ္မတဦးသိန်းစိန်နှင့် တွေ့ဆုံရန်အတွက် ရန်ကုန်မှ နေပြည်တော် သို့ ၄/၈/၂၀၁၂ နံနက် ၇း၃၀ တွင်ရောက်ရှိကြပါသည်။ အရေးကြီး ပုဂ္ဂိုလ်များနားနေခန်း္ပတွင် ခေတ္တအနားယူကြပြီနောက် သမ္မ္မတကြီးနှင့် အတူ Farm Resident သို့သွားရောက်ခဲ့ကြပါသည်။ ၁၉၉၀ ရွေးကောက်ပွဲတွင် တိုင်းရင်းသားပါညွန့်ပေါင်းပါတီ UNA မှ SNlD, ALD, MDP , ZCDနှင့် NUP ပါတီမှ ခေါင်းဆောင်းတစ်ဦးစီနှင့် ၂၀၁၀ ရွေးကောက်ပွဲမှ CPP, KPP နှင့် အခြားပါတီများမှခေါင်းဆောင်များ စုစုပေါင်း ၁၆ဦးဖြစ်ပါသည်။

ပါတီတိုင်းသည် အဆိုတင်တွင်းမှုများပြုလုပ်ခဲ့ကြပြီး သမ္မတနှင့် တွေ့ဆုံချိန်မှာ ၉း၀၀-၁၃း၃၀ ဖြစ်ပါသည်။ တိုင်းရင်းသားပါတီများသည် ဖွဲ့စည်းပုံအခြေခံဥပဒေ၏ အားနည်းမှုကြောင့် ပြည်တွင်းစစ်များတွေ့ကြုံနေရကြောင်း၊ ထို့အပြင် လက်ရှိထက်ပိုမိုပြည့်စုံကောင်းမွန်သော ဖွဲ့စည်းပုံနှင့် ပင်လုံစာချုပ်ကို လက်စွဲပြု၍ ပြည်တွင်းအုပ်ချုပ်မှုများပြုလုပ်နိုင်ရန်နှင့်ပတ်သက်၍ အလေးထားပြောဆို တင်သွင်းကြပါသည်။ အခြားပါတီခေါင်းဆောင်များသည် လယ်သမားများအရေး၊ လယ်ယာမြေများကို အဓမ္မသိမ်းယူခြင်းများပပျောက်ရန်နှင့် ပုဂ္ဂလိက အသင်းများပိုမိုလွတ်လပ်ခွင့် ရနိုင်ရန် အလေးထားပြောကြားသွားကြပါသည်။

ZCDသည် ရှေးဦးစွာ ၁၉၄၈ ခုနှစ် လွတ်လပ်ရေးရပြီးချိန်မှစ၍ ခေတ်အဆက်ဆက် အစိုးရတိုင်းသည် ပင်လုံစာချုပ်ကို အလေးမပြု ပစ်ပယ်ကြပြီး၊ ဖွဲ့စည်းပုံ(Constitution) တွင်လည်း ပင်လုံစာချုပ်၏ အနှစ်သာရကို ထည့်သွင်းထားခြင်းမရှိသောကြောင့် ယနေ့အထိ ပြည်တွင်းစစ်သည် အနှစ် ၆၀ ကျော် ငြိမ်းအေးနိုင်ခြင်းမရှိခဲ့ပေ။ သမ္မတကြီးဦးသိန်းစိန်၏ ဦးဆောင်မှုဖြင့် ပင်လုံညီလာခံကဲ့သို့သော တိုင်းရင်းသားပေါင်းစုံညီလာခံ တစ်ရပ် ပြုလုပ်နိုင်ရေးသည် မိမိတို့အနေဖြင့် အားရကျေနပ်မိသော အချက်တစ်ခုဖြစ်ပါသည်။ လူမျိုးပေါင်း ၁၃၅ မျိုးမှ ခေါင်းဆောင်များနှင့်တွေ့ဆုံမှုထက် တိုင်းရင်းသားပါတီများ၊ လက်နက်ကိုင်အဖွဲ့အစည်းများ၊ ဒီမိုကရက်တစ်ပါတီများ၊အစိုးရ လူကြီးများနှင့် တပ်မတော်မှ ခေါင်းဆောင်းများ စသည်ဖြင့် အဖွဲ့အစည်းအသီးသီးမှ ခေါင်းဆောင်များပါဝင် တွေ့ဆုံနိုင်းခြင်းသည် ပို၍ လက်တွေ့ကျသောတွေ့ဆုံမှု ဖြစ်ပေလိမ့်မည်။ ယင်းညီလာခံတွင် အနှစ် (၆၀) ကျော် ပြဿနာများ၊ နာကြည်းမှု၊ မကြေနပ်မှု၊ အာဃာတများ စသည်ဖြင့် မိမိတို့ရင်ထဲကတိုင်း ပွင့်ပွင့်လင်းလင်း ပြောဆိုဆွေးနွေးကြပြီးသကာလ ပင်လုံစိတ်ဓာတ်ကို အခြေပြုသော ပေါလစီ တစ်ရပ်ရေးဆွဲကြမှသာ ပြည်သူတစ်ရပ်လုံး လိုလားတောင့်တသော ထာဝရ ငြိမ်းချမ်းရေးနှင့် တရားမျှတမှုကို အကောင်အထည်ဖော်နိုင်မည်ဖြစ်ပါသည်။  ယခုလက်ရှိ သမ္မတဦးဆောင်သော တစ်ပြည်လုံးအေးချမ်းငြိမ်သက်မှု နှင့် ငြိမ်းချမ်းရေးလုပ်ငန်းစဉ်များတွင် လည်း မိမိတို့ ZDCမှ တတ်အားသမျှ ပါဝင်ကူညီ ကြပါမည်ဟူ၍၄င်း ပမာဏစကားဦးခြွေပါသည်။

ZDCသည် ချင်းပြည်နယ်(Zogam)နှင့် ဇိုမီး(Zomi) အတွက် အဆိုတင်သွင်းရာတွင် အချက် (၈)ချက် တင်သွင်းခဲ့ပါသည်။ ယင်း(၈) ချက်တို့အထဲမှ (၂)ချက်ကို ချက်ချင်းဆောင်ရွက်ပေးနိုင်မည်ဟု သမ္မတကြီးက လက်ခံပြောဆိုခဲ့ပြီး အခြားသောအချက်များကို ဆက်လက်သုံးသပ်သွားမည်ဟုဆိုပါသည်။

ZDCမှ အဆိုပြုချက် နံပါတ်(၁) နှင့် (၈)ကို ချက်ချင်းဆောင်ရွက်ရန် လက်ခံခဲ့ပြီး အခြားသော အချက်များထဲမှ မေတေ(  Meitei or ကသည်း)အရေးနှင့်ပတ်သက်၍ အသေးစိတ် လေ့လာပါဦးမည်ဟုဆိုပါသည်။ CNF ကိစ္စနှင့် ပတ်သက်၍ ဆက်လက်သည်းခံပေးရန်လည်းကောင်း တီးတိန် ခရိုင်အတွက်မူ ချင်းပြည်နယ်လွှတ်တော်မှ ချမှတ်ပြီးသာ ဆုံးဖြတ်ချက်ကို အမျိူးမျိုးပြောင်းလဲရန်ခက်ခဲကြောင်း ပြောဆိုပါသည်။( အလာကောင်းပေမယ့် အခါနှောင်းသည့်ပုံ)။[ ပါတီ (၁၄)ခုမှ ခေါင်းဆောင်များ သမ္မတနှင့် အစီအစဉ်အတိုင်း တွေ့ဆုံမှုအပြီး ခေါင်းဆောင်များ  အလ္လာပသလ္လာပ စမြည်ပြောဆိုချိန်တွင် ပူဂင့်ခန့်လျန်း(Pu Gin Khan Lian) သည် သမ္မတဦးသိန်းစိန်အား "ကလေးမြို့မှာ ဓကစမှူး အနေဖြင့် တာဝန်ထန်းဆောင်စဉ်အခါက ဇိုမီးများအတွက် အရေးကြီးတဲ့လူကြီးတစ်ဦး အနေနှင့် ရှုမြင်ခဲ့မိသည်' ဟုပြောဆိုရာ သမ္မတကြီးက ပြုံးတုံ့တုံ့နှင့် ကြည့်သည်ဟုဆိုပါသည်။]  နေပြသည်တော်မှ ပူဂင့်ခန့်လျန်းနှင့်အဖွဲ့သည် ရန်ကုန်မြို့သို့ မွန်းလွဲ ၄း၀၀ နာရီတွင် ချောချောမောမေဖြင့် ပြန်လည်ရောက်ရှိခဲ့ကြသည်ဟု သတင်းရရှိပါသည်။

မှတ်ချက်။    ။ ဥက္ကဌ ပူကျင့်ရှင်းထန် သည် USA သို့ ခေတ္တ အလည်သွားရောက်ခိုက် နေပြည်တော်သို့တွင် သမ္မတနှင့် တွေ့ဆုံ ရင် ကိစ္စပေါ်ပေါက်လာသဖြင့်လည်းကောင်း၊ တစ်ပါတီမှ တစ်ဦးတည်းသာ သွားရောက်ရမည်ဆိုသဖြင့်လည်းကောင်း ပူဂင့်ခန့်လျန်း သွားရောက်တွေ့ဆုံခဲ့ခြင်းဖြစ်ပါသည်။

Info Team

ZCD

၎ သြဂုတ် ၂၀၁၂

      ZCD ( Zomi Congress for Democracy)မှ ပူဂင့်ခန့်လျန်း သမ္မတနှင့် တွေ့ဆုံရာတွင် အဆိုတင်သွင်းသည့်အချက်(၈)ချက် အကျဉ်း
(1) Zogam(ချင်းပြည်နယ်) တွင် နိုင်ငံခြားသား ခရီးသည်များ သွားရောက်လည်ပတ်ခွင့်ရှိသည်ဆိုေ

သ်ာလည်း ဟားခါး၊ ဖလမ်း၊ တီးတိန်နှင့်                                ထန်တလန်စသောမြို့များတွင် နိုင်ငံခြားသားများ လွတ်လပ်စွာ ခရိးသွားခွင့်မရရှိသေးပါ။ Zogam ဖွံ့ဖြိုးတိုးတက်နိုင်ရန် Tourist၊ NGo၊ INGO စသည်တို့၏ ပံ့ပိုးကူညီမှုများလိုအပ်ပါသည်။

(၂)အစိုးရသည် နယ်စပ်ဒေသ ခက်ခဲမှုကြောင့် တက္ကသိုလ်ဝင်တန်းအောင် ကျောင်းသားများကို ဆေးတက္ကသိုလ် သို့တက်ရောက်နိုင်ရန် အထူးစီစဉ်ပေးမှုကို ကျေးဇူးတင်ကြောင်းနှင့် ယင်းနည်းတူ ရေကြောင်း၊ သစ်တောနှင့် ကာကွယ်ရေး စသော တက္ကသိုလ်များ အသီးသီးတွင်လည်း အထူးကူညီစီစဉ်ပေးနိုင်ရန်။

(၃)မကြာသေးခင်ကာလက ရခိုင်ပြည်နယ်တွင် လူမျိုးရေးအထိကရုန်းများဖြစ်ပွားခဲ့ပါသည်။ ယင်းကဲ့သို့ Zogam တွင်လည်း Meitei(ကသည်း) များဝင်ရောက်မှုကြောင် လူမျိုးရေးပြဿနာဖြစ်ပေါ်လာမည်ကို စိုးရ်ိမ်မိပါသည်။ တွန်းဇံမြို့နယ်တွင် အယောက် ၁၅၀၀ ခန့်နေထိုင်ကြပြီး တားမြစ်ဆေးပင်များစိုက်ပျိုးကာ အိမ်ရှင်ပြည်သူများကို အမျိုးမျိုး ညှင်းဆဲမှုများ မကြာခဏပြုလုပ်ပါသည်။ ထို့ပြင် ကျီခါး၊တွန်းဇံ၊ တီးတိန်၊တမူးနှင့် ကလေးမြို့များတွင် ရုံများဖွင့်လှစ်ပြီးလွတ်လပ်စွာနေထိုင်ကြပါသည်၊။ ၄င်းတို့၏ အပြုအမူသည် အနာဂတ်အတွက် ရင်လေးဖွယ်ဖြစ်ပြီး ပြဿနာများ ဖန်တီးကြီးထွားလာနိုင်ပါသည်။

(၄) အစိုးရနှင့် CNFကြားငြိမ်းချမ်းရေး ရယူမှုနှင့်ပတ်သက်၍ အပြည့်အ၀ မဟုတ်သော်လည်းကြိုဆိုပါသည်။ ငြိမ်းချမ်းရေးရယူ ပြီးသည့်အလျောက်
တီးတိန်မြို့နယ်နှင့် တွန်းဇံမြို့နယ်အတွင်းရှိ စစ်တပ်များကို ပြန်လည်ရုတ်သိမ်းပေးရန် အဘယ့်ကြောင့်ဆိုသော် အစိုးရစစ်သားများသည် ယင်းမြို့နယ်အတွင်းရှိ ပြည်သူများအား လုပ်အားပေးခိုင်းစေခြင်းများ၊ ခြံမွေးတိရိစ္ဆာန်များကို မတန်တဆဈေးဖြင့် အဓမ္မ၀ယ်ယူခြင်းသည် ပြည်သူများကို ဒုက္ခရောက်စေပါသည်။ ထို့အပြင် တီးတ်ိန်၊တွန်းဇံနှင့် ကျီခါးမြို့နယ်များတွင် CNFမှ ရုံးမဖွင့်ရန် ပြည်သူပေါင်း (၇) သောင်းကျော်၏ သဘောမတူညီိမှု စာတမ်းလွှာကိုလည်း တင်သွင်းပြီးဖြစ်ပါသည်။ သို့ပါသော်လည်း CNF သည် ရုံးဖွင့်ရန် ကြိုးပမ်းမှုများ ပြုလုပ်နေပါသဖြင့် မြို့ခံ ပြည်သူများနှင့် ပြသနာများ မဖြစ်ထွန်းရန် အလျှင်အမြန် တားမြစ်ပေးပါရန်။

(၅) ချင်းပြည်နယ်မြောက်ပိုင်းတွင် ခရိုင်တစ်ခု ထပ်မံတိုးမြှင့်ရန် ချင်းအစိုးရဌာနမှ ၁၃/၃/၂၀၁၂ ရက်နေ့ အစည်းအဝေးတွင်  တီးတိန်၊တွန်းဇံနှင့် ကျီခါး သုံးမြို့နယ် အတွက် တီးတိန်မြို့ကို ခရိုင်အဖြစ်သတ်မှတ်ရန် ဆုံးဖြတ်ချက်အရ နေပြည်တော် မြန်မာအစိုးရ ထံသို့ သတင်းပို့ထားပြီးဖြစ်သော်လည်း ၁.၆.၂၀၁၂ တွင် ချင်းပြည်နယ်လွှတ်တော်မှ ဟားခါးနှင့် ထန်တလန် အတွက် ဟားခါးမြို့ကို ခရိုင်အဖြစ်သတ်မှတ်ခဲ့ကြပါသည်။ ထို့ကြောင့် ချင်းပြည်အစိုးရဌာန နှင့် ချင်းပြည်နယ်လွှတ်တော် တွင် အဘယ်က မဏ္ဏိုင်ဖြစ်ကြောင်းဝေခွဲမရ ဖြစ်စေပါသည်။ ချင်းပြည်အစိုးရသည် ၁၃.၃.၂၀၁၂ အစည်းအဝေး ၁၇/၂၀၁၂ နှင့် အညီ မှန်ကန်စွာ ဆောင်ရွက်ပေးပါရန်။

(၆) သမ္မတကြီးသည် မေတ္တာဂရုဏာ ရှေးရှူပြီး လွတ်ငြိမ်းချမ်းသာခွင့် ပေးသဖြင့် ကျေးဇူးတင်ရှိကြောင်း၊ ဇိုမီး လူငယ် Go Pian Sing ပုဒ်မ ၃၃/ခ အီလက်ထရောနစ်အမှုဖြင့် တောင်ငူ အကျဉ်းထောင်တွင် ၁၅နှစ် အကျဉ်းကျနေမှု အပေါ် သမ္မတကြီးအနေဖြင့် ကူညီစေသနာထားပေးရန်။

(၇) ၂၀၀၈ ခုနှစ် အခြေခံဥပဒေနှင့် အညီ Union Territory ကို အချို့သော လူမျိုးစုများသည် ခံစားခွင့် ရရှိသည့်နည်းတူ မိမိတို့သည်လည်း ချင်းပြည်နယ်အတွင် နေထိုင်ကြသည့် လူဦးရေ(၁၆၀၀၀၀)ကျော် ရိုးရာ ထုံးတမ်းအစဉ်အလာတူညီကြတူများဖြစ်ကြသဖြင့် တီးတိန်၊ တွန်းဇံနှင့် ကျီခါးမြို့နယ် ပေါင်းသုံးမြို့နယ်ကိုလည်း Union Territory ခံစားခွင့် ရရှိနိုင်ရန် သမ္မကြီးအနေဖြင့် ကူညီစဉ်းစားပေးရန်။

(၈) နယ်စပ်ဒေသ တိုင်းရင်းသားလူမျိုးများဖွံ့ဖြိုးရေး အတတ်သင်တန်းကျောင်းသည် ဗုဒ္ဓဘာသာ သာသနာ၏ ဖွင့်လှစ်ခြင်းမဟုတ်သော်ငြားလည်း အစိုးရ၏ပြည်သူများအတွက် ချမှတ်ပေးသည့် ၄င်းကျောင်းတွင် ခရစ်ယာန်ဘာသာဝင်များအမျုားစု ဖြစ်သော ချင်းပြည်နယ်ရှိကျောင်းသားများကို သင်္ကန်းစီးစေခြင်း နှင့် (၃၈)ဖြာ မင်္ဂလာ တရားများကို နေ့တိုင်းရွတ်ဆိုစေခြင်းများသည် ချင်းပြည်နယ်တွင် ဖြစ်ပျက်နေသဖြင့် မိဘပြည်သူများအနေဖြင့် ရင်လေးအသည့်အဖြစ်၊ ဘာသာရေးကျောင်းမဟုတ်သဖြင့် လောကီပညာ အစစ်အမှန် သင်ကြားပေးသောကျောင်းများဖြစ်လာစေရန် သမ္မတကြီးအနေဖြင့် ကြည့်ကြပ်လေ့လာ ဖြေရှင်းပေးပါ။

Sr: ZCD info