ZBC pen CBC ah laih ding cih thu ging

A beisa nung sung teng a thuthang mahmah khat ahi Zomi Baptist Convention (ZBC) min pen Chin Baptist Convention (CBC) tawh kilaih sawmna tawh kisai-in abeisa March 23-24,2012 ni Zokhua akinei ZBC Board of Management Meeting pan khensatna kinei khin hi a, ZBC kum 3 kikhoppih (Annuel Conference) 2013 ciangin gambup ah pulakna kinei ta ding ci in, ZBC zumpi ah nasem Zomi Siapa khat tungtawn in   thukiza sawn hi.

Tua Siapa genna ah, "Ei Zomi kici zawdeuh ahi Tedim Township le Tonzaang Township sung a omte in ZBC nusia/ kitaisan in Zomi Baptist Convention of Myanmar-(ZBCM) le Tedim Baptist Convention- (TBC) min kiphuan khia a, ZBC sungah Sizaang, Thado le Zou te bek om lai uh a, a dangte pen sanggam thangsang lam mite bek cian lai uh hi " ci-in gen hi. ZBC ah tulaitak Rev. Dennis Ngun Thawng Mang ( General Secretary), Rev. Thawng Kam ( President), Rev. Suang Cin Pau ( Vice President) te in makai sem uh hi.