Zomi sungah a kuamaciat,
Zomite Zolai tangthu ah amasa pen akici thei ding tangthu thak khat ahi 2012 January 30 ni-in Journal size tawh laimai 20 apha Zingsol Journal Ks 500 tawh kihawm khia ta hi. Hih pen Mandalay pan a offset tawh aki bawl hi a, Kawlgam sung om Zomi te ading journal size tawh Journal a kihawm masa hi ding hi.
Tutung issue ah GZA khawmpi mipi man cover in kizang a, 2012 Calendar khat zong a lai ah kiguang hi. Hih journal pen tukha pan kipan in kha khat khat vei kihawm khia ta ding hi.
Tukum sung adingin hawm 12 vei kihawm ding a, nih vei magazine in kihawm in, 10 vei journal size in kihawm khia ding hi. Magazine pen khat ciang Ks 1000 tawh kihawm ding hi. Kum khat sung na lei leh Ks 7000 tung ding hi.
Ahih hang a zenzen in kum khat ai ding Zingsol tatman thakhatthu in hong piak a leh kum khat ai a kihawm khempeuh Ks 6000 tawh ngah khin pah dinga, Ks 1000 kikhiam ding hi. Kum khat ai tatman thakhatthu a a pialo te ahih leh a man zah mah tawh tan kha ding hi.
A zenzen in na khua na tui le na pawlpi biakinn te ah hih journal atung ding na deih leh kumkhat ai kivaikhak thei a, na vaikhak nak leh khuapi (Kawlpi, Tedim, Tonzang) sung pan koihna ding ( nang tunsak nopna mun hong puaksak thei dingte inn )mun dong hong kitutpih hamtang ding hi. Vaikhak nading mun pen Zingsol page nihna editor board ah ki-mu thei ding hi.
Zomi sung ah lai nasepna hong kuitunna dingin Zingsol ah panpih theih bangbang in nong panpih nading un zahtakna lianpi tawh kong zawn uhi.
Laigelh: Zam Thuam
+(1)(1).png)