Pu Cin Sian Thang' laphuak leh a mah aki phuah

                        Pu Chin Sian Thang La Phuahte

   1. *Lel dih aw Kap lel dih lai zang aw, pian gam lei leh ka Zo damtui aw,
   keizong, keizong lel nuam lai veng ee;*
   2. *Keizong, keizong leel nuam lai ing, Panlong apat Taungyi ah, UNO dong
   leel to laivang ee.*

   1. *Tang kahenkol thangta zawm aw, Zolun Alsi thang zawm aw;*
   2. *Zolun Alsi tu bang asuan thangvan phesak kei hing ee.*


   1. *Sin thu a pha ngai ing aw e, tong dam a nem a ngai ing ee;*
   2. *Sin thupha leh I Zogam kuam ka ngaih man a tul hi’ing ee.*

      Mipi in Pu Cin Sian Thang Aki phuah Zola Awkaih.

( a ) Guallel cinthu,thangtam lai ah  Zogam zuapa sitni Cin Sian, Thang mah thang zaw e..

( b ) Sitni Cin Sian,Thang mah thangzaw  zang kamkei sa'ng  hang zaw e hang,  zaw e gial zaw e..

(a) Z N C leh, N L D lung  lai nahual na,pian gamlei ziin bangling e,gual in gen lua e..

( b ) Ziin bangling e,gual in genlua  gam ading inzong  zatam ten muang,zawng e muang zawng e...

( a ) Sesumthang leh,langlamlibang cingdinglai ah  cinthupha tem,bang deih na lian e.

( b ) Kawlciang tawilo,dolaima ciang na suan suan a gam a ding in ban zal henkol,khai tam zua aw e...

( a ) A kum a sim,sawmnih cing ta zuatawh ma lo  bang pang khawm leng tungsianmang in,awi ding muang veng e..

( b ) Tungsianmangin,awi ding muang veng lai zom tung mu van lai te tawh lung lai khau bang,hual khawm lai leng e..

( a ) Ka gam lung tup,tui bang tung aw U.N.O aw Daw Suh Kyi leh Sitni Cin Sian,Thang aw tuang ve aw.

( b ) Sian aw bat lei,bangphul nuam veng dota ngal khuai hang te bang a,mi lai sum lu pal a lak na hen luang za tam a tham na hi e.

( a ) Mar gam kuam a,ciin thang ki lel zua tawi Thang Lian Pau aw dam ve aw.

( b ) Zogam lei a,dota sangbang nang na not a tu in tui liim,nga bang siang pan e.

( a ) Zotavontawi,lungmuan na ding tungmu van lai ka phungpi lun Sian aw dai phui,gua bang hong hah aw.

( b ) Sian in gua bang,hong hah hen la zua thang leh tun,min lun tawh lung lai khuam bang,nang hong gel gel aw.

( a ) Gual in va bang,ka pil ci a pil ka hih leh nang bang pil,nang bang ciim lengh e.

( b ) Nang bang pil,nang bang ciim lengh a hang ka hih leh zong nang mah bang,kei zong hang lengh  e..

See More...

Gii bang khenna sunni

                                           Tung Sunni apal hong lun
                                           Dai in adam phalbi hunte
                                           Koi kuam hei hiam ...

                                           Thangvan lai ah diango theu e
                                            Meilum ten kei zuan nemding
                                            Zu bang nial ...
                                            Tun, ... khat tang ka hei

                                            Kua ta, lungdeih hiam
                                            Pal in a lun lia nang tongdam in
                                            Ka sunni khimkhua zingsak

                                            Gualte nih ngel alen ciang
                                            Khat tang naubang ka kah se sang
                                            Hem sinthu tawm hong luan ve
                                            Gual zalai ah lambang pak nang ...

                                            Mite nunnuam in leng khawm veh
                                            Lia ... nang kua ta sawl in
                                            Mel hong ma na hiam
                                            Tong i lel ding
                                            Mualkuam zatam in hal ...

                                                                                    Tg. Munei Thangdal

See More...

Tuunnu' Zogam gia bang zuun ni

Tunnu Zogam lobang na tulta maw
Na vonte in kilbang khannang lambang zongin mabang panta ung e
Maciang Siantawh zing vaihawm leng
Kilbang khannang maciang suan hi hang e

Vaimang Siamsin lawm le gual teng aw

Giabang zun ding Tunnu Zogam in haithei bang hong ngak
Holung kumkhawm in selung hual leng
Diamdiam in zing vaihawm khawm leng e

Zota laiah Zogam nunnuam kilbang khang dia
Zolei nun nuam ci in zatam lam bang pak ding aw e

Mabang pangkhawm leng e.... Zovontawi te aw
Singdang omlo Zovontawite hi hang e

Taikhua vak dia, Tunnu Zogam lambang pi ding te
Zovontawi vaimang siam zilte mah hi hang e
Ciin le tuai, lawm le gual teng aw
Hanlung ciamin gia bang zun siam ve ni e...

By ~ Muankhup

See More...

Hong lel lo aw

 Hemlam sinthu ahih leh

Hong ngai ing ci’n hong lel lo aw...

Tg sinlai sunim ding leh

Pheiphung suan banzaal hong len lo aw...

Tak a om sinthu lobuang,

Na sinkulthuk hong kum lo aw...

Tak a sep pat natup loh buang

Nang lunggeel hong kum lo aw...

Nasep bangkim hemlam sinthu a hih leh

Kei maimit hong suan lo aw...

Mangpha khaknuam na hih leh

Dammaw ci’n hong ho lo aw...

Lobang tul dong nacih a leh

Nang tongdam nem hong za nuam veng...

By: TPThawnpu

See More...

Ngai dih ve, ngaih

Ngai dih ve ngaih sinlungtang in

"Puk! pukh!" ci'n maw hong lolo ee;

Hih thei leh aw kongbang hong in

Hong laak nuam sing ngaihno aw ee.

Itluat ngaih aw vang kong ngaihna

Thuamvum sangin vum zaw incia;

Nuai simlei ah kei deih cinna

Bangdang hilo nangmah hicia.

Khattang sawlbang hei maw gim om

Hun le nite zang khawm ve ni;

Nang siang bekmah kei din nop om;

Nihgel lungtuak leng khawm ve ni.

Ngai dih ve ngaih kong lel sinthu

Geel dih ve ngaih taka sinthu.

By: TPThawnpu

See More...

Zua' angliim

Theibang seen aa Zua' saumang nuai

Tuun ang liim aa lungmawl Vondeih

Lauhna tawh pengh Zua' liangko tung

Ka lungmuanna Zua' Anglim sung

Simlei nunsung tangbang dam aa

Tuanglam sikkhial lam pialloh nang

An bang nong mop Siansin thugil

Ka lungmunna Zua' Anglim sung

Sungnek laikuang umm khawm manlo

Lam bang na zon sesum minthang

Kawi-ang nunnem nong khual von tawi

Ka lungmuanna Zua' Anglim sung

Tanbang kim ding seen-gual nun-len

Va bang pil ding tuang lam hong kha

Siamsin neelzun saumang lim nuam

Ka Lungmuanna Zua' Anglim sung

Khaineu Hatlangh

See More...

Nisim nunzia

Phalvak buh-al hong khuang ngeungeu

An su kikkikh tui tawi keihkeih;

An hawp lualua bawm pua kheukheu*

Vailo zuan in pai suk leihleih.

Tungsunni in hong el vengvang

Tukawl tawi in lokho kehkeh;

Zu va bengin kutsan vengvang

Ankung khang leh nuam lua tehteh.

Keel-an khop in ciah to kengkeng

Huihkhi hong lang din khawl dingdeng;

Vaimim ciim khing sa sak lengleng

Kisil sitset um pah tingteng.

Khua mial hanhan kha tang ciaiciai

Itlehngaih tawh khawlkhawm liailiai.

By: TP Thawnpu

Tuesday, September 21, 2010 11:18am

[Khangthak momno te'n hunkhat lai-a nunziate a theihtel siam nang leh namdangte ong neih pih loh kammalte lahna lapau]    

See More...

Bangzah etlawm Zogam

Galkhua don leng nim na dildial

Paak zatamte palhkhia zihziah;

Kuivum zemin mui kai zilzial

Gunkuam lummei kisung mihmiah.

Huihkhi damvot hong lang hiauhiau

Singkung lopa dum eng silsial;

Pengpelepte hong khuang ciauciau

Zokhuvate tuang khawm hilhial.

Zolengthe zong hong khuang ciaiciai

Biakinn dimin tukhawm dimdiam;

Sian min phatna ki-awi ziaiziai

Nopledah ciang' kawlkhawm dimdiam.

It le ngaihte khawlna Zogam.

Bangza'n etlawm pianna Zogam.

By: TP Thawnpu

See More...

Mim bang pianna Zolei

Mimbang ka pianna,

Tuunu Zolei tam nuam aw,

Mualdawn ngeisokte mualcin bawm e,

Etlawm Zolei ngilhmawng e.

Ngai si’ng, mimbang pianna,

Zogam Tuunu le laiguizomte,

Ngailua ing kholhpih lia le tangte,

Maimit laukha ah luai den ka Tuunu Zolei.

Mimbang pianna Zolei nuam aw,

Lailungah ngilhmawh cia,

Sing cin pallun le va cin paal taan,

Zolengthe’n zai awi lungzuan phawng den.

Mimbang pian’na Zolei a,

Zo damtui lemualdawn huihkhi,

Lailungah hong ngilhlah ing e,

Pianna Tuunu’ Zolei nuam aw e.

Tg. Mauvom

See More...