G leh NG zatzia

Zolai ah awsuah pen avekpi-in kigelh theilianlo hi. Ahizongin, Zolai gelhzia leh ei' pianpih "awsuah" khentel in igelh ding kisam hi. Tuabanga kibatsakna "Uniformity" pen Leterature ah kipum khatna "Unity" onglak khia nahi-gige hi. Awsuah - ng & n tawh kisai anuai ah kikum suk dihni.

Awsuah - g & ng

* Gam leh Lei - Ngam leh Lei hilo.

* Sanggam - Sangngam hilo

* Gin Khan Khual - Ngin Khan Khual hilo.

* Kiginni - Kinginni hilo.

* Ni leh Gang - Ni leh Ngang hilo

* Ngasa ( Fish ) - Gasa hilo.

* Lian Thawn Ngam - Lian Thawn Gam hilo.

* Bawngngoi - Bawnggoi hilo.

* Sawmgiak - Sawmngiak hilo.

* Vangik - Vanngik hilo.

* Pasian thu gen - Pasian thu ngen hilo.

* Pasian tungah thungen - Pasian tungah thugen hilo.

* Ui leh Ak kingik - Ui leh Ak kigik hilo.

* Laigelh - Laingelh hilo.

* Gupkhiatna - Ngupkhiatna hilo.

* Nupigai ( Pregnant ) - Nupingai hilo.

* Gawng/Gawm - Ngawng/Ngawm hilo.

* Ngawng ( Neck ) - Gawng hilo.

* Mangngilh - Manggilh hilo.

* Ngaihno ( Sweetheart ) - Gaihno hilo.

* Kigak ( Tie ) - Kingak hilo.

* Kinga/ Kingam - Kiga/ Kigam hilo.

* Gamh ( Inheritance ) - Ngamh hilo

* Inngei, Lamgei - Innngei, Lamngei hilo.

* Saguh, Bawngguh - Sanguh, Bawngnguh hilo.

* Gilkial ( Hungry ) - Ngilkial hilo.

* Ngilhmawh - Gilhmawh hilo.

* Lamngil, Zawingil - Lamgil, Zawigil hilo.

* Lawm leh gual - Lawm leh ngual hilo.

* Galkhua - Ngalkhua hilo.

* Gilvun - Ngilvun hilo.

* Ngaihsiangkawm - Gaihsiangkawm hilo.

* Zogam - Zongam hilo.

* Guahtui, guahzu - Nguahtui, nguahzu hilo.

* Ngilhmawh - Gilhmawh hilo.

* Vokgulh - Vokngulh hilo.

* Golhguk - Ngolhnguk hilo.

* Gipzong leh Khuaizong kituak - Ngipzong leh Khuaizong kituak hilo.

* Vaimimgap - Vaimimngap hilo.

* Go leh Gamh - Ngo leh Ngamh hilo.

* Goih, Nawigoih - Ngoih, Nawingoih hilo.

* Logam - Longam hilo.

* Kigingkhol ( Pepreration ) - Kingingkhol hilo.

* Ngia, cingngia - Gia, cinggia hilo.

* Lobangsiam, giabangzun - Lobangsiam, ngiabangzun hilo.

* Laigual - Laingual hilo.

* Ngeina ( Culture ) - Geina hilo.

* Gim/tawl ( Tired ) - Ngim hilo.

* Maigum - Maingum hilo.

* Ngahna ( income ) - Gahna hilo.

* Tumging - Tumnging hilo.

* Galpi - Ngalpi hilo.

* Gialpi - Ngialpi hilo.

* Vangikpua - Vanngikpua hilo.

* Hungelna - Hunngelna hilo.

* Ngimna ( Purpose ) - Gimna hilo.

* Gimnathuak - Ngimnathuak hilo.

* Gamsa - Ngamsa hilo.

* Guk ( Sex ) - Nguk hilo.

* Gu - Ngu hilo.

* Ngai ( love ) - Gai hilo.

* Napgep - Napngep hilo.

* Ngul Khan Pau - Gul Khan Pau hilo.

"NG & G" awsuah tawh kisai pen, atunga bangin ikhentel theih dingin thupi hi. Laimal kibatsakna pen Literatare ah kipumkhatna ahihi. Zomite kipumkhatna pen namdangte'n ong eng mahmah uhi. Zomite hanlung ciamin kipumkhat-a khangto dingte ihihi.

Dal Sian Hung

Zomi Foundation Home Mission

Kuala Lumpur, Malaysia

See More...

Zothawh cih leh uk cih ki lamdan na

Uk (rule) pen piansakna tawh a kiseh pasal' panmun ahi hi. Ahi zongin hih zawhthawhna (domination) pen Eve in a pasal lutangin nei lo a, hamsiatna a ngah ni Piancilna 3: 16na pan'n hong kibeh lap hong kipan khia pan ahi hi. A kilamdang panmunte neuzawk liatzawkna hi peuh mah lo hi. Eve in tua a kilamdang panmun pen neuzawkna liatzawkna sa hiam? A lutang (Adam) thu dong lo-in singgah ong ne mawk hi. A tunglam pan'n ukna pen Eve in zawhthawhna-in lakha ahi tam maw? A tunglam pan uk cih teh zawhthawh nading cihna hi lo hi.

Kawlgam bel a lutang ahi masasa, a tunglam a tung masasa in a nuaisiahte kizothawh kha pahpah hi. Ukna cih pen zawhthawhna hi lo hi. Tua ahih manin numeite pen pasalte ukna (lutang) aa neihna pan'n suahtakna kisam lo hi. Hih panmun (role) ahi lutang hihna pen puk khit (after the Fall)  zawh ah a kipan pan hi a, tua pen Pasian in Eve pen Piancilna 3: 16na ah ong hamsiat cianga pasal in numei' tungah ukna panmun a ngah pan ahi hi cih bang hi lo hi. Pukma (before the Fall) peka Pasian in Adam pen lutang panmun a guat hi a, tua lutang panmun ii nasep pen ukna (headship) ahi hi. Puk khit ciangin Pasian in Eve a daan piakna danin Adam lutang panmun a ngah sak pan hi zenzen lo hi. Numei sung pan'n pasal kipiang sak lo-in lutang ahi pasal' sung pan'n numei kipiang sak bek hi.

Piancilna 3: 16na aa ukna ah bel zawhthawhna tawh uk ding cih hong kibehlap a, tua pen Eve in Pasian piak a lutang Adam thu a dotlohna hanga hamsiatna tawh hong kizui khawm ukna hong hi ta hi. Tua ahih manin numeite pen pasalte' zawhthawhna ukna pan'n suahtakna kisam uh hi. Ukna sungah ong kibelh khawm tua zawhthawhna pen hawk khiat kik ding kisam hi. Topa Jesuh le a Singlamteh in a ngei bang nawn lo zawhthawhna ngeina pen ong leh zial kik ciangin a ngeina ahi ukna siangtho ong tun kik hi. Pasal pen numeite’ adingin uk pa ding bek hi a, zothawh pa ding hi lo hi.

Pasian' sehna thu mangin pasalte lutang aa neihna pen numeite' vaang taanna hi zawa, numeite' lapsangna lampi maan hi zaw hi. The godly headship is female fulfillment, not a denial of female rights. Numeite mun piak lohna le deidanna hi peuh mah lo-in lutang (head) a nei numeite ahi uh hi ci-a ahi ding lam-a lapsangna thu a gen ih hi zaw hi.

Suang Dal

See More...

Awp leh Op zatzia

Zolai ah, "awp" leh "op" te' awsuah pen, awtom leh awsau in kilamdang a, akhiatna (meaning) zongh kilamdang pah hi. Tua ahihman in, itel theih dingin anuai ah tawmkhat en dihni.

* Dawp - Vanzuakna Sai khat-ah, vanman dawp dingin, kavapai hi.

* Dop - Cidam nading'n nek leh dawn ah, kidophuai mahmah hi.

* Lawp - Amah pen Pasian thu ah, lawp mahmah hi.

* Lop - Pu Thang & Pi Nuamte Mopaiwi, Pawlpi te'n lopsak hi.

* Gawp - Bangmah theilo nasi semgawp lel hi.

* Gop - Zu dawndawnte gawng geugau in, hi gepgop uhi.

* Hawp - Namehtui hawp damdam ve.

* Hop - Siapa ong hopsawn thute manpha kasa hi.

* Tawp - Nupa ki-it te, kitawp dakdak uhi.

* Top - Cing Khup' vanpuak kia in, Ngam Bawm in topsak hi.

Zolai tawh kisai'n,

Tg. Dal Sian Hung

Owner/Director

Zomi Foundation Home Mission

Kuala Lumpur, Malaysia.

Mob: 011-1573-1275/016-355-4469

See More...

Awm leh Om zatzia

Zolai pen en izat ngiatngiat leh, ei' man neihna hizaw hi. Zomi lak vive ahih nak-a, Zolai simthei liamliam ding ihih nak leh, Namdangte' laikhawng pen zat het loh ding ahihi. Ahizongin ei' zolai sungah aomlo pawlkhat bel zat loh phamawh ahihman in, zatkul hi. Ahizongin, ong kipat khiatna mah bullot in, adang phuahtawmsak keile'ng hoih kasa zaw 

hi. Gentehna, Yangon pen Zangkung/Zangkong cihpeuh tawh, Oxygen pen Awksizen cih peuh tawh laihsak gawp pen dik kasa vetkei hi.

Awm & Om - Awsuah

* Awm - Nalup ciangin, puansilh lo-in, lum ke'n! Na-awm vot in, naci nathei ding hi.

* Om - Tulaitak koilai ah om nahi-hiam?

* Bawm - Bawmta hoih nahih ding hanciam in!

* Bom - Khutbom, Khebom, Kalbom.

* Dawm - Lam nakan ciang'n kidawm in.

* Dom - Nazawh loh ding, vangik lua dom ken!

* Gawm - Pasian gawmsa kuaman khen keihen!

* Gom - Sehnel keugaw, gomgolak paite, adanguh tak mahmah uhi.

* Hawm - Hawmsiam gelsiam le'ng nunin nuam hi.

* Hom - Migol khat paiphei homhom veh e.

* Kawm - Mivan nakawm leh piakik pahpah in!

* Kom - Huapa'n akhe kak kemkom se veh-e.

* Lawm - Lawmta cih pen kipanpih ding.

* Lom - Tungman pen lom zole'ng man semsem se hi.

* Nawn - Zatang pawlkhat nawmvalh kul hi.

* Nom - Thau taktak ciai maw, nemnom zawzen.

* Pawm - Peempawm peempaam.

* Pom - Thuhoihte pomsiam in.

* Sawm - Bang sepsawm?

* Som - Mei-am som khaken!

* Tawm - Tampi omlo tawmbek om.

* Tom - Tuntom, lungtom.

* Vam - Vemvawm aw ei.

* Vom - Vom, kaang, eng, san.

* Zawm - Thazawm, zawngkhal.

* Zom - Na maban hoihtak zom in!

Behlap:

* Topa in Tu bangin kei hong cingpa hi aa, bang mah ka kisam kei ding hi.

* Topa in Tu bangin kei hong cingpa hi-a, bangmah ka kisam keiding hi. (dikzaw).

* Thangho leh Liando pen unau ahi uh hi.

* Thangho leh Liando pen unau ahi-uhi. (dikzaw)

Double laimal zatding pawlkhat:

* Inn, Ann, Niangg, Cingg

* Inn leh lo.

* Ann leh tui.

* Nu Luan Ngaih Niangg

* Nu Dim Khawl Niang

* Nu Ning Khawl Cing te' Innkuan in, Zanglo cingg khat nei uh-a, Muallo cingg nih nei uhi. Innsung vanzat kicing takin neilai-in, Cingg tutphah hoih mahmah khat nei uhi.

Tg. Dal Sian Hung

Owner/Director

Zomi Foundation Home Mission

Kuala Lumpur, Malaysia.

Mob: 011-1573-1275/016-355-4469

See More...

Awng leh Ong zatzia

* Awng - Awng ziahziah sa in, lasa uhhi.

* Ong - Ong pai mengmeng un, awng khawm ngeingai ni.

* Bawng - Thangta te unau, Bawng zongdingin gamsung pai uhhi.

* Bong - Zampi gamsung Tuivai luidung ah annbong tam mahmah hi.

* Dawng - Napa' sapna aw nazak phet in, dawng pah in!

* Dong - Makai te in, kipawlna sum, ong dong uhhi.

* Dongh - Kipawlna sum bang zah ta ding cih, na dongh in.

* Gawng - Ann ngawlngawl te gawng uhhi.

* Gong - Lungtang natna neite gonggaw thei uhhi.

* Hawng - A hawng kheh lo-in, Sahawk ne kei-in!

* Hong - Biakinn thak kong hong dingin, Pastor te kisam hi.

* Lawng - Zogam sung Khuaneute ah Inn lusih in, Thau lawng khatta kinei hi.

* Long - Na Bawng te, Long oksak hamtang in!

* Kawng - Putek Pitek te'n kawng nat gen thithe thei uhi.

* Kong - Kongvang, Kongkhak, Kelkong, Sialkong.

* Mawng - Khanglui lai-in, Mawng kungpi pona ah Dawi kithoih nuamse hi.

* Mong - Itna lakpa'n mong neilo itna mah thupi pen hi.

* Nawng - Lawm kingai, nupa kikhawlte nawngkai sak ke'n!

* Nong - Ka Birthday ah nong pailoh phamawh ai-maw!

* Pawng - Sozang Khua ah Pawngden kizuak hi.

* Pong - Lawmte' Bawhlung suih va-en pong dihni maw!

* Sawng - Tuahsiatna khat peuh ineih teh mangsia sawng kicise hi.

* Song - Pu Songput in tapa thum nei hi.

* Tawng - Pa Nangtawng, Pa Khaitawng, Pa Mungtawng cih bangin kigelh zaw hi.

* Tong - Utong leh Va-ak tangthu Zomi Nam Net leh Tongsan Net te ah kilim gelh mahmah hi.

* Zawng - Ganhing khempeuh lakah Makai etteh huai pen Zawng te' kimakaihzia ahihi.

* Zong - Pasian in Eden huan ah, Adam leh Eve te zong hi.

* Zongh - Ka zawngno lim, a zongzong hiveng aw, nang zongh ong zon pih ve.

Zolai tawh kisai'n,

Tg. Dal Sian Hung

Owner/Director

Zomi Foundation Home Mission

Kuala Lumpur, Malaysia.

Email: dalsianhung@gmail.com

See More...

Awi leh Oi zatzia

Zolai cih pen Zomite' Lai cihna hi-a, Zomi Literature tawh kisai thu ahihi. Zomi cih minam pen Myanmar, India leh Leitungbup mun tuamtuam ah ki-om kawikawi hi. Ei Zomite pen itenna, ikhuasakna mun leh 

mual zilin awsuah, kammal zatzia kilamdang hiai-hiai hi.

Ahizongin Lai "Literature" ah ikibatsak "Uniformity" theih ding thupi hi. Tua bang-a kibatna pen Minam khat hihna teltak-a alakkhia ihihi. Laimal gawmzia leh laigual gualhziate zongh mailam ah kikumto zelni.

Awi & Oi

Awi - Akhua damsa in, Nisa awi hi.

Oi - Lung hihmawh hunte ah oi ci-in, kipau khia hi.

Bawi - Ipi ipu ten ongsap ciangun, Bawi aw ci-inzongh ongsam theizel uhi.

Boi - Kammal hoihlo zatna ah, bengbang beiboi ci-inzongh kizangh thei hi.

Dawi - Sikha, Dawi. Meidawi taktak ei.

Doi - Dengdang, Deidoi.

Gawi - Buh gawi, ha gawi.

Goi - Genggang, geigoi.

Hawi - Nasep hawi.

Hoi - Huih nunteh singkung leh lopate hoi diamdiam.

Kawi - Sikkawi, khutkawi. Alawmnu kawi.

Koi - Koi ah?

Lawi - Bawng, Sial, Lawi. Innlawi, A omna lawi.

Loi - Leiloi, leilai.

Mawi - Mawite

Moi - Moilai mahmah ei.

Nawi - Ann-nawi, Bawngnawi, Nawizu.

Noi - Neinoi, ninai.

Pawi - Lopawi, Mopawi, Pawi.

Poi - Poi taktak ei.

Sawi - Na laigual sawi si e, tangkei si e.

Soi - Seisoi, seisai. (Kikona kammal).

Tawi - Van khat tawi, Tawi (vantehna).

Toi - Muhna toi, Amun toi.

Thawi - Nasem dinga kithawi.

Thoi - Theithoi, theithai.

Vawi - Veeivawi.

Voi - Veivoi, veivai.

Zawi - Sazawi, Zawi (Lampineu).

Zoi - Zeizoi, Zeizai.

Laimal khenzia tawh kisai,

Dal Sian Hung

Zomi Foundation Home Mission

Kuala Lumpur, Malaysia.

See More...

Burma leh Myanmar

See More...

Lai at & Lai gelh cih zatzia

Muhdan tuamtuam kikum hile'ng, "LAI AT" leh "LAI GELH" cih kammal zatna thu ah ken hici bang in ngaihsun ing.

Tuhun ciang ki "At" lo hi. "GELH" cile'ng man/dik zawdeuh tawh kibang a ahih hang man/dik khin tuanlo hi. Banghang in tuaci kahiam cih leh, tu-a kong laikhak zong, ka smartphone kazat ahih man in, "Kawk" hi'ng. Tua ahih leh laikawk ong ci le'ng hi isa diam?

Leitung khantohna tawh kizui in vanzat kikhel toto ahihman in i nasep zia zong aki laih toto ahi hi.

Tua ahihman in, 
1) hunkhat lai in lai ki-at hi. Suangpek tung ah, Savun tung ah cihbang in azum, ahiam khat zang in ki at hi.
2) hun ong kikhel in, ki khangto a ki at nawnlo in kigelh hi. Laikung zang in laidal tung ah kigelh hi. Tua mah tawh ahun kibang in laikhetna set zang in kikhen hi.
3) tuhun ciang lai ki gelh a, zong kikhen in, zong kikawk hi. Laikhak nangawn, laikung laidal zanglo in kikhak hi.

Minam kician khat ihih leh ngeina kip, pau le ham kip, lai kician ineih ding a kisam ahi hi. Ahunzui a khel ding pawlkhat a om hang in khelloh ding pawlkhat zong om hi.

1980 khit deuh pawl a ka lai simkhak Pu Major Stephen Khup Cin Pau' thului khat thupi kasa hi. Ama' genna ah Zomite laitawh kisai in i kammal zat "at" icih in i tangthu a gen, tangtawng pek a i mansuah, tangthu bek a itheih savun tung a lai ki-at ineih thu a gengen hi... ci hi.

Lai at cih kammal i zatna in Zomite mi mawkmawk hilo, laikung laidal aki zat ma, sing leh suang leh savun bek a kizat hun lai pek a "lai" anei minam i hihna ong gen, "at" cih kammal in tua thu ong kipsak ahi hi.

Tuhun a lai anei pan hile'ng, laigelh zong cilo in lai sun ahih kei leh lai kawk cih bang peuh zat ding himai kha ding hi.

Tua ahih man in "lai at " mah ci hohni aci nuam kahi hi. A at bel zum leh hiam zang in at hetkei mah hang. Ahih hang, "at" cih kammal izat sim in i minam tangthu gen a, a angtang ihihna hizaw ding hi.

Minam itna sung ah,

Pau Khat Suan

See More...