Tedim kampau Zomite sungah Mikang sangmang Rev. Joseph Herbert Cope te nupa in lungdamna thupha hong puakna leh Zolai hong bawlsak zawh kum 100 cin " Cope Centennial Jubilee" pawipi gawmin November 25-28,2010 sung Tedim khuapi ah nasiatak kibawl ding ahih manin Zomite khang tangthu sungah 2010 kum pen alamdang kum in kiciamteh ding ahi hi. Tua bek tham loin 2010 kum pen Zomite sungah thu lamdang tuamtuam leh khantohna vai thupi pawl khat zong a pian kum hi dingin i mu thei hi. Tuate sung pan a a ciamteh huai thupi nam 10 kimu thei hi.
(1) Leitungbup Zomi Innkuan (LZI) makai kiteel kum
(2) Leitungbup Zomite nam le gam thu ading kipawlna (WZC) kipatkhiat kum
(3) Zomi khempeuh in zattang thei dingin Cope topa hong bawl sak Tedim Labu bawl kik theih kum.
(4) Zomi Catholic sungah Tulpi gam uk (Kalay Diocese) i ngah kum
(5) India ZBC min tawh Tedim LST bu 3000 kikhetna leh Rev. Khoi Lam Thang hanciamna LST kibawl kik kum
(6) Dr.Gin En Cin hanciamna tawh Job,Paunak,Late,Thuhilhsia le Solomon bu 5 te Zolai leh Mikang lai kituah NIV-ZIV kikhet kum
(7) Asia leh America gam lam pan Zomi honkhat in Doctorate hong ngah kum
(8) Cope topa in Zolai hong bawlsak zaw kum 100 cin kum
(9) Cope topa phawkna Innpi (Tedim) ah kilam kum
(10) ZNC kum 22 cin kum leh ZNC makaihna tawh Second Pinlong Conference, Kalay bawl kum
Hih a tung a i gente khempeuh Cope topa hong pattahna pan i ngah thuphate ahih manin Zomi nam bup lungdamkohna ni ( Zomi Thanksgiving Day) tukha November Nipi nunung ni-in Topa tungah nasiatak lungdamkohna thupitak kinei ding ahi hi. Tua bek tham loin gam sung gam pua a om Zomite in Cope topa kum 100 pawi malep a munmun ah nasiatak kibawl ziah ziah a lungdam huai hi. Cope Centennial Jubilee pawipi tungtawn in Zomite in mai lam i kalsuan zia ding ngaihsut huai thupi pawl khat kikum ding hi hang.
(1) Pasian thu zuih zia: Zogam (Chin State) ah Pasian thu hong tun zawh kum 100 cin pawipi 1999 kumin Hakha khuapi ah nasia tak kibawl khin a, Kawlgam ah sangmang Adoniram Judson in Pasian thu hong puak zawh kum 200 cinna pawipi mai kum 2011 ciangin kibawl ding hi. Zogam (Tedim) mite sungah zong kum 100 hong cing ding ahih manin kum 100 sungah i Pasian thuzuih zia leh i khantoh ziate bang ciang kitung cih ngaihsut huai hi. Nidang Missionary te hun lai a Pasian thu zuih/ up zia pen Lawki biakna ton leh zu nun sa aih nusia in, zu ngawlna ciang dinmun ah ki om hi. Khrstian biakna pen nitumna gam (mikangte) biakna in kingaihsun hi.
Tuhun ciangin Khrsitian biakna pen vangam (Kha thu) bek hi loin, leitung thupha sanna dingin kingaihsun ta hi. Khanlawhna kipat cil lamin gupna/Pianthakna (Born again) kithupisak in, tuhun in Khasiang tho letsong lam vive ki uanggen nuam hi. Khanlawhna tun cil lai in midangte tungah gupna thugen ding kilawp mahmah a, tuhun in gupna thugen sangin leitung thupha cihte kilim gen zaw hi. Vantung gam tun ding sangin leitung ah nopsakna ciang bek kingaihsun leh kilawm ta hi.
(2) Leitungbup Zomite nam le gam thu ading kipawlna (WZC) kipatkhiat kum
(3) Zomi khempeuh in zattang thei dingin Cope topa hong bawl sak Tedim Labu bawl kik theih kum.
(4) Zomi Catholic sungah Tulpi gam uk (Kalay Diocese) i ngah kum
(5) India ZBC min tawh Tedim LST bu 3000 kikhetna leh Rev. Khoi Lam Thang hanciamna LST kibawl kik kum
(6) Dr.Gin En Cin hanciamna tawh Job,Paunak,Late,Thuhilhsia le Solomon bu 5 te Zolai leh Mikang lai kituah NIV-ZIV kikhet kum
(7) Asia leh America gam lam pan Zomi honkhat in Doctorate hong ngah kum
(8) Cope topa in Zolai hong bawlsak zaw kum 100 cin kum
(9) Cope topa phawkna Innpi (Tedim) ah kilam kum
(10) ZNC kum 22 cin kum leh ZNC makaihna tawh Second Pinlong Conference, Kalay bawl kum
Hih a tung a i gente khempeuh Cope topa hong pattahna pan i ngah thuphate ahih manin Zomi nam bup lungdamkohna ni ( Zomi Thanksgiving Day) tukha November Nipi nunung ni-in Topa tungah nasiatak lungdamkohna thupitak kinei ding ahi hi. Tua bek tham loin gam sung gam pua a om Zomite in Cope topa kum 100 pawi malep a munmun ah nasiatak kibawl ziah ziah a lungdam huai hi. Cope Centennial Jubilee pawipi tungtawn in Zomite in mai lam i kalsuan zia ding ngaihsut huai thupi pawl khat kikum ding hi hang.
(1) Pasian thu zuih zia: Zogam (Chin State) ah Pasian thu hong tun zawh kum 100 cin pawipi 1999 kumin Hakha khuapi ah nasia tak kibawl khin a, Kawlgam ah sangmang Adoniram Judson in Pasian thu hong puak zawh kum 200 cinna pawipi mai kum 2011 ciangin kibawl ding hi. Zogam (Tedim) mite sungah zong kum 100 hong cing ding ahih manin kum 100 sungah i Pasian thuzuih zia leh i khantoh ziate bang ciang kitung cih ngaihsut huai hi. Nidang Missionary te hun lai a Pasian thu zuih/ up zia pen Lawki biakna ton leh zu nun sa aih nusia in, zu ngawlna ciang dinmun ah ki om hi. Khrstian biakna pen nitumna gam (mikangte) biakna in kingaihsun hi.
Tuhun ciangin Khrsitian biakna pen vangam (Kha thu) bek hi loin, leitung thupha sanna dingin kingaihsun ta hi. Khanlawhna kipat cil lamin gupna/Pianthakna (Born again) kithupisak in, tuhun in Khasiang tho letsong lam vive ki uanggen nuam hi. Khanlawhna tun cil lai in midangte tungah gupna thugen ding kilawp mahmah a, tuhun in gupna thugen sangin leitung thupha cihte kilim gen zaw hi. Vantung gam tun ding sangin leitung ah nopsakna ciang bek kingaihsun leh kilawm ta hi.
I sangmang te' lungdamna thugen ziate enkik in, tuhun leh mai lamah koici i gen sawm hiam? Biakinn kikhopna pen ngeina bangin ngaihsut ding hi lo a, phatna le biakna hangin kha lam le ci le sa thupha kingah a hih lam phawk huai hi. Tua ahih manin abeisa kum 100 sungah leh mai lam i Pasian thu zuih/ up ziate leh biakpiak ziate limtak ngaihsut phat mahmah kisam ding ahi hi.
Missionary masate’n missioan puak dingte thusinna (Training) neih sak masa loin missionary kuan sak lo uh hi. Tuhun in LST sangkah kul lo ci-in sawlna cih pian vive tawh kikuan khia sak peuh kitam thei hi. Tuhun Khasiangtho hun a hih mah bangin KST lamlahna kisap zahkhop in, pilna le siamna zong akisap hun hong hi zel hi. Lam khat pan pilna siamna neite bekin Pasian nasem/ missionary kuan thei hi loin, thu um mikhempeuh mawhpuak ahih lam i theih ding hun zong ahi hi. Nidang in Pastor masate’n khawk zai pipi nei in van kawikawi zo mahmah uh a, tuhun a Pastor te in pawlpi khat zong kivaan zolo thei hi. Nidang a Pasian nasemte in Pasian itna tawh nasem uh a, tuhun a te in khasum sanna leh mawhpuakna khat ciang tawh kisem hi.
(2) Pasian nasemte zahtakna: Pawlpi mi thu um Khristiante i nuntak zia kikhel ding tampi om kha ding hi. Pasian nasemte zahtakna in Pasian itna taktak ahi hi. I sanggam Hakha / Falam leh namdang tuamtuamte in thupha a ngahna uh thusim pen Pasian nasem Pastor te it in zahtak uh hi. Korea gam leh a minam uh hihzah tak a khantohna uh pen Pastor te " Moksa " ci in, a zahtakna min in "Moksaniim" ci uh hi. A nu le pa, asanggam leh meltheihte nangawn in zong " Moksaniim" ci-in sam uh kici hi. Tua bek tham loin Pastor zite zong a min in sam loin " Samoniim" a sanggam, nu le pate akipan in zong a minpi un sam tuan lo uh hi. Tua ahih manin kum 100 sung ah i Pastor te tawh kizop ziate en kik in, mai lamah kipuahphat huai dingte kiphuah phat huai hi.
(3) Kideidanna : Missionary te hun lai in lawki (dawibia) leh Pau Cin Hau pawl cihte bek ki om ahih manin Khristian hihna sungah beh le phung, pau le haam kideidanna om lo hi. Tuhun ciangin upna thu akipan beh le phung, pau le ham vai cihte tawh kideidanna khauhpai semsem hi. Tua manin Zomite Khristian suah zawh kum 100 sungah kipumkhatna sangin kideidanna lamah kithahat semsem zaw cihna hi mawk hi. Pawlpi sungah a nei apiakhia zote bek kithupi ngaihsut in, mizawngte kisimmawh leh kihai bawlin deidanna lian mahmah hi. Hih bang kideidanna cihte pen Kha lam picinlohna hang mah ahi hi. Zomite kum 100 sungah kha lam leh ci le sa lamah picin hun mahmah ta ahi hi.
(4) Lai nasepna : Lai i cih pen pilna tawh kizom pahpah kammal ahi hi. Lai neilo Zomite Cope topa in Zolai hong bawl sakin tuni dongin lai kician anei minam i suak thei hi. Computer/ Internet hun ah Zomite ading buaina mahmah om loin nuamtak kizang thei pah ziah zaih hi. Cope topa in Zolai hong bawlsak cil pan kipan mahin Tedim thukizakna cih na bawl khia in tuni dong Tedim ah kihawm lai a, Zomite sungah laihawm amasa pen hi pah hi. Thukizakna pan khantohna hong piang sak ahi hi. Tedim labu leh LST thak pawlkhat hong bawlsak in tuni dong kizang hi. Tuni hunin Zomite sungah laihawm tuamtuam leh laigelh siam zong ki om kiukiu ta ci leng kikhial lo ding hi.
Pawlpi leh kipawlna khat peuhpeuh a picinna ding a thupi penpen in Lai nasepna ahi hi. Laisim hat mimal leh pawlpite khangto bek hi. Lasim ngei lo upa leh Pastor te sangin laisim den Pastor khat thugenna leh thumuhna picing zaw hamtang hi. A beisa kum 100 sungah Zomite lai hong bawlsak Cope topa in hong mu kik thei hi leh Zomite laisimna pan khangto hong ci zo diam? Lai nasepna tawh kisai kum 100 sung en kikin mai lamah koici kalsuan ding cih ngaihsut kul hi.
Missionary masate’n missioan puak dingte thusinna (Training) neih sak masa loin missionary kuan sak lo uh hi. Tuhun in LST sangkah kul lo ci-in sawlna cih pian vive tawh kikuan khia sak peuh kitam thei hi. Tuhun Khasiangtho hun a hih mah bangin KST lamlahna kisap zahkhop in, pilna le siamna zong akisap hun hong hi zel hi. Lam khat pan pilna siamna neite bekin Pasian nasem/ missionary kuan thei hi loin, thu um mikhempeuh mawhpuak ahih lam i theih ding hun zong ahi hi. Nidang in Pastor masate’n khawk zai pipi nei in van kawikawi zo mahmah uh a, tuhun a Pastor te in pawlpi khat zong kivaan zolo thei hi. Nidang a Pasian nasemte in Pasian itna tawh nasem uh a, tuhun a te in khasum sanna leh mawhpuakna khat ciang tawh kisem hi.
(2) Pasian nasemte zahtakna: Pawlpi mi thu um Khristiante i nuntak zia kikhel ding tampi om kha ding hi. Pasian nasemte zahtakna in Pasian itna taktak ahi hi. I sanggam Hakha / Falam leh namdang tuamtuamte in thupha a ngahna uh thusim pen Pasian nasem Pastor te it in zahtak uh hi. Korea gam leh a minam uh hihzah tak a khantohna uh pen Pastor te " Moksa " ci in, a zahtakna min in "Moksaniim" ci uh hi. A nu le pa, asanggam leh meltheihte nangawn in zong " Moksaniim" ci-in sam uh kici hi. Tua bek tham loin Pastor zite zong a min in sam loin " Samoniim" a sanggam, nu le pate akipan in zong a minpi un sam tuan lo uh hi. Tua ahih manin kum 100 sung ah i Pastor te tawh kizop ziate en kik in, mai lamah kipuahphat huai dingte kiphuah phat huai hi.
(3) Kideidanna : Missionary te hun lai in lawki (dawibia) leh Pau Cin Hau pawl cihte bek ki om ahih manin Khristian hihna sungah beh le phung, pau le haam kideidanna om lo hi. Tuhun ciangin upna thu akipan beh le phung, pau le ham vai cihte tawh kideidanna khauhpai semsem hi. Tua manin Zomite Khristian suah zawh kum 100 sungah kipumkhatna sangin kideidanna lamah kithahat semsem zaw cihna hi mawk hi. Pawlpi sungah a nei apiakhia zote bek kithupi ngaihsut in, mizawngte kisimmawh leh kihai bawlin deidanna lian mahmah hi. Hih bang kideidanna cihte pen Kha lam picinlohna hang mah ahi hi. Zomite kum 100 sungah kha lam leh ci le sa lamah picin hun mahmah ta ahi hi.
(4) Lai nasepna : Lai i cih pen pilna tawh kizom pahpah kammal ahi hi. Lai neilo Zomite Cope topa in Zolai hong bawl sakin tuni dongin lai kician anei minam i suak thei hi. Computer/ Internet hun ah Zomite ading buaina mahmah om loin nuamtak kizang thei pah ziah zaih hi. Cope topa in Zolai hong bawlsak cil pan kipan mahin Tedim thukizakna cih na bawl khia in tuni dong Tedim ah kihawm lai a, Zomite sungah laihawm amasa pen hi pah hi. Thukizakna pan khantohna hong piang sak ahi hi. Tedim labu leh LST thak pawlkhat hong bawlsak in tuni dong kizang hi. Tuni hunin Zomite sungah laihawm tuamtuam leh laigelh siam zong ki om kiukiu ta ci leng kikhial lo ding hi.
Pawlpi leh kipawlna khat peuhpeuh a picinna ding a thupi penpen in Lai nasepna ahi hi. Laisim hat mimal leh pawlpite khangto bek hi. Lasim ngei lo upa leh Pastor te sangin laisim den Pastor khat thugenna leh thumuhna picing zaw hamtang hi. A beisa kum 100 sungah Zomite lai hong bawlsak Cope topa in hong mu kik thei hi leh Zomite laisimna pan khangto hong ci zo diam? Lai nasepna tawh kisai kum 100 sung en kikin mai lamah koici kalsuan ding cih ngaihsut kul hi.
(5) Siangthona le thumanna : Zomite Khristian i hihna ah siangthona lam kilel mahmah hi. A diakdiak pumpi siangthona lam ahi zudawn, zatep, Khaini, Sahdah, tuibuk cihte akipan Kha lam thanem theihna ding tep le muan lamsangah kipuah ding tampi om hi. Pastor pipi zatep, zudawn simsim, tuibuk muan puaupuau cihte pen vantung gam taanna ahipah loh hangin makai khat adingin zahtak bang lo leh picinvai het lo ahi hi. Pawlpi makai ding i teel ciangin ci le sa thu tawh tello in piangthak taktak le Pasian a itte mah tel ding zong kisam ta hi. Pasian a itte mahin Pawlpi it in pawlpi khangto pah hi. Makai i cih pen mipite in en hamtang uh ahih manin kha lam leh ci le sa mahmah a siangtho ding thupi hi.
Zomite Vaphual tawh kiciamteh thuman minam i hih mah bangin Tapidaw suah zawh kum 100 sungah thumanna lam hanciam ding hun ta hi. Kikhemna, kihazatna , kilangpanna cihte pan suahtak hun hi. Siangthona leh thumanna cih pen akikhenthei lo atonkhawm den ding thu ahi hi. Thumanna leh Sianthona pen Pasian deih nuntakna ah a sang penpen mah hipah hi. Thuman mite Pasian le mihingte mahmah in muang uh hi. Pasian muan mite mahin thupha ngah behbeh uh hi. Thumanna sungah simtatna bei hi. Thuman mi i cihte pen a lungsim siangthote zong hipah hi. Thuman mite nuntakna sungah kideihsakna leh kihuh kipanpihna lian mahmah hi.
Thukhupna : Tua ahih manin Zomite khuavak hong puak Cope topa kum 100 cinna pawipi panin mai lam Zomite sungah picinna le khantohna lianpi a pianna ding pilvangin thungetna tawh Pasian mai i zon mahmah hun ta hi. Thumanna leh citakna nei in lungsim le pumpi siangthona tawh thupha ngah minam i suah zawhna ding hanciam ta ni. Kum 100 sungin Zomite Pasian in thupha hong pia in, Mikang gam pan Missionary hong puak Cope topa pianna gam le leitang akipan leitung gam tuamtuam ah lungdamna thu tangko kik thei dingin Pasian in Zomite hong laptohna hangin Lungdam ko ni. Zomibup lungdamkohna Ni November Nipi nunung ni in, i thuphate a banban simin Topa min phatin lungdamko khawm ni. Zomite Topan thupha pia hen!... (God bless Zomis)
Zomite Vaphual tawh kiciamteh thuman minam i hih mah bangin Tapidaw suah zawh kum 100 sungah thumanna lam hanciam ding hun ta hi. Kikhemna, kihazatna , kilangpanna cihte pan suahtak hun hi. Siangthona leh thumanna cih pen akikhenthei lo atonkhawm den ding thu ahi hi. Thumanna leh Sianthona pen Pasian deih nuntakna ah a sang penpen mah hipah hi. Thuman mite Pasian le mihingte mahmah in muang uh hi. Pasian muan mite mahin thupha ngah behbeh uh hi. Thumanna sungah simtatna bei hi. Thuman mi i cihte pen a lungsim siangthote zong hipah hi. Thuman mite nuntakna sungah kideihsakna leh kihuh kipanpihna lian mahmah hi.
Thukhupna : Tua ahih manin Zomite khuavak hong puak Cope topa kum 100 cinna pawipi panin mai lam Zomite sungah picinna le khantohna lianpi a pianna ding pilvangin thungetna tawh Pasian mai i zon mahmah hun ta hi. Thumanna leh citakna nei in lungsim le pumpi siangthona tawh thupha ngah minam i suah zawhna ding hanciam ta ni. Kum 100 sungin Zomite Pasian in thupha hong pia in, Mikang gam pan Missionary hong puak Cope topa pianna gam le leitang akipan leitung gam tuamtuam ah lungdamna thu tangko kik thei dingin Pasian in Zomite hong laptohna hangin Lungdam ko ni. Zomibup lungdamkohna Ni November Nipi nunung ni in, i thuphate a banban simin Topa min phatin lungdamko khawm ni. Zomite Topan thupha pia hen!... (God bless Zomis)
By - Tongsan pu
+(1)(1).png)