A beisa November 24, 2010 (nitak lam (4:30PM) hunin Thado (Kuki) galkap United Kuki Liberation Font (UKLF)te in Tatjang khua hasau Pa Ngam Kho Let Baite pen Tupi-Ching khua ah thubul kithei lopi-in athahsakna hangin Vaiphei Peoples Council / Vaiphei Students' Association -General Headquarters min tawh November 27,2010 ni-in nasiatak khasiatna leh dahpihna thu pulak uh hi.
Hih bang a UKLF galkapte in Vaiphei hausapa a that zia pen India galkap 8th Bn. The Assam Rifle leh UKLF makaipi te Aigejang Post, Chandel ah thugenkhopna (Meeting ) nei khawm uh hi-in, tua laiah hausapa a kihel hamtang dingin sam uh ci hi. Tua bangin paipih pih uh a lampi Chahmol hill, Chandel District a tun uh ciangin kaplum uh hi.
UKLF galkapte in Vaiphei mite tungah hih bang a tualthahna pen Vaiphei Peoples Council te in saang zo het lo uh ahih manin, India kumpi lam pan (or) UKLF thusai te tawh kikup dingin ngetna nei hi. Hi thu tawh kisai in, Vaiphei galkap USRA in bang mah thusuah/ thubawlna nei nai lo uh hi.
Source by - Thu tatuam
Posted by - Tongsan Pu
+(1)(1).png)