Tulai Zozum ( World Zomi Congress-WZC) tawh kisai mipi sungah kigenna tuamtuam tawh kisai hilhcianna bawl kik ding hong kisam ahihmanin , theihhuai deuh a kilawm, thu khenkhatte kong pulak nuam hi. Organisation, Party le Company tuamtuam te'n Freequently Ask Questions- FAQs (A kidong thei den) ci in amau kipawlna tawh kisai mipi theihpah huai le dot mun zawdeuh thute a website khong vuah mun tuam khat pia in pulak thei zel ahi hi.
WZC pen akipan cil kipawlna ahih banah tu a kong pulak ding thute pen mi tuamtuam i et liang dinga www.worldzomicongress.org khong ah koih pah ding in lah sungthu vai zaw deuh ahihmanin Zonet le Tongsan cih bangin eimi nette base in hong kikha khia msa phot ahi hi. WZC pen akipan tung ahih mah bangin mimal vai tak a kong gelh phot ahihi. Mailam ah Official Press Communique cih bang thusuah tuamtuam hong kibawl lai ding ahihi.
1.Zozum i cih pen bang hiam?
Zozum i cih pen Zogam sung a Chin State vaihawmna lente i office pen nidang in Zozum na kici ahihi. Zomi te'n ei state vaihawmna i neih theihnawnloh nung nangawn in Zozum mah ki cici to lai ahihi. Anunglam ciang in, Zomite kikaikhawmna khat peuhpeuh zong " Tangpi Pau" in Zozum kici pahpah in tua lak ah Yangon Pansodan a mikim in i theih Zozum pen bang a minthang penpen hong suak cih ding ahihi. Official cih bang ahihlo hangin Zomite phualpi cih theih phial bangin mipi thu le la theinuamte ki kaikhawmna khat na hihi.Zogam kumpi le innpi lah neinawn taktak lo ih hih lam kiphawk ciat hi ding hiven, Zomite kikaikhawmna pen Zozum hong suakto cih ding hong hihi.
2. WZC pen banghanga Zozum kici hiam?
WZC cih pen a cil a om hi lo in, i Zomi le Zogam awlmawh mimal khat le khat awlmawh thu hanga ki ban zop tohtoh na tawh holimna hong piangkhia ahihi. Tua holimna pen Zozum holimna cih kimin vawh in, Zozum ci a hong pai toto ahihi. Holimnate ah i nam le gam dinmun tuamtuam ki genkhawm den a, ahizongin gengen niloh teng mah tawh hong muihtum zel ding ki patau ahihmanin, taksa zawdeuh a panlakna khat neih ding hoih ki sa ciat hi. Tua tawh kitonin tup le ngim kician, sep le bawl dan ding kician zong huih bek tawh hilo a , lungsim le agelh( Letter and Spirit) tawh neih ding hoih kisa to ahihi. Zogam vaihawm taktak kuamah kinei tuanlo banah mailam muh theih tan ciang ah zong vaihawm ding kimu nai tuanlo ahih manin, kipawlna pen Zokam in Zozum mah cisuk pah mai ni, ci in ki thukim diamdiam ahihi.
3. Banghang English a World Zomi Congress kici hiam?
Eipau tawh Zozum cih pen hoih zong kisa ciat in, lungsim zong hongphawng mahmah ahihi. Ahizong in Zozum cih pen English tak in letkhia leng Zo Office cihna hong hi in, Organization min taktak a zat ding alem zaw sawnsawn ding ci in, English a lawhna min hoih khat zon khiat ding kithukim to leuleu ahihi. Tua tawh kiton a ngaihsutna hong omto hi a, min ding in ZNC (LA) cih bang le min dang tuamtuam hong kiluikhia ahihi. ahizong in a tawpna ah zum kah teng ki thutuakna tawh World Zomi Congress- WZC cih ah anial omlo in khensatna ki nei ahihi.
4. WZC Tup le Ngim bang hiam?
WZC tup le ngim dingin hun sawtpi thusunna le ngeltel tak a genkhawmna akibawl khit ciangin anuai a teng ding in ki khensat ahihi.
A. WZC in Zomi Suahtakna ngah nang a sem ding ahihi.
B. WZC in Zomite Pianken Tanvo ahi Tualvaihawmna le Mihing Tanvote ngah nang in nasem ding ahihi.
C. WZC in Zomi galtai le dongtuakte donghu ding ahihi.
D. WZC in Zomi khangto nang le hauh nang in nasem ding a hihi.
Atung a thu bulpi li teng pen Tup le Ngim ( Aims and Objectives) a hihi. Tua tup- le ngim ahat sak le a awi ding in " Zomi Suahtakna ngahkik zo nang in masuan ciat ni" cih Hanlapi (Slogan and Motto ) ding in ki telkhia ahihi.
5. WZC le ZNC loma a kibang hiam ?
WZC le ZNC loma kibang ahihi. Ahizong in sep daan kibang thei lo ahihi. Banghang hiam i cih leh WZC pen leitung gam tuamtuam bulphuh a ki bawl khia Main Actor pawlpi khat hi in, Zogam sung a sawkkik ding ngimna tawh kiphuan ahihi. ZNC pen Zogam a kibulphuh hi in, gamsung le leitung support tawh masuan khat ahih manin, malak daan kibang theilo hi lel ahihi.
6. ZNC( LA) min tawh bang dia ki dinglo ahi hiam?
Hih pen mipi tampi le makai tampite dotna le hanthawnna a kiza tam penpen khat a hihi. Hih thu pen tomkim tak in gen leng, atunga i gensa mah bang in WZC pen leitung bulphuh main actor pawlpi khat ding a kideih ahih man a ZNC (LA) tawh kidinglo phot ahihi. Main Actor i cih pen sep theih sep moh teng subject sit neilo gam le minam a ding kisam a hih nak leh asem thei pawlpi cihna ahihi.
ZNC (LA) cih mun ah a LA tawh kisai hilhcianna kisam ahihi. LA cihna pen Liberated Area cihna hi in, Communist le Veilam te'n aphuah uh ahihi.Kumpi hoihlote dona ah law nuai a akisep theihloh ciang in, law pualam ah paikhia a nasem uh kipan in, gam alak zawh zahzah uh liberated area ( asuakta khawk) ci in min vawh uh ahihi. NLD gamnuai lut pawl zong Karen Khawpi Maneplaw atu'n uh ciang galkap kisin in hiam le hei tawi uh a NLD (L.A) min tawh ding ngei uh ahihi. Ahizong in api uh ASSK in Non Violence Policy paipih ahih ban ah 1995 Maneplaw khawpi galte khutsung ah aki khahsuah khit ciang in, galvan tawinawnlo in NLD(LA) min tawh leitung cialpi hong hah bawl uh ahihi. Tua bang a nasepna ah gamsung a om NLD i policy le programme nungthuap uh ahihi. Main Actor hinawnlo in Presure Group kici ahihi.
I gennop bulpi ah pen Zomi le Zogam nasepna ah asung le apua pan theihtawp suah a nasep kul ahih manin, Main Actor pi nih kisam cih kimu khia a ZNC (LA) tawh kiding nawnlo Main Actor panmun lading ci in WZC cih kiphuankhia ahihi. Tua banah gamsung ah ZNC min tawh Federal Union belpawlgam nuai a Zomi kitualvaihawmna self-determination i nget pen kawl kumpi in khauhzo salo in hong pianuam nailo ahih manin, suahtakna kisual kik hen la, i ngah ciang Kawlte tawh kipawlkik ding le kipawlloh ding vai pen Second Panglong Conference khong ah ih mipi ten alungulh lai uh leh lah , tua hun ciang in, ki genkhawm kik mai hen , cih ngimna i nei ahihi.
7. WZC le LZI loma akibang hiam?
World Zomi Congress le Leitungbup Zomi Innkuan- LZI ( Zomi Communities Organization) pen loma kibang ahihi. Ahizong in malak daan kibanglo hi lel ahihi. WZC in polical issues pen direct in sem a, LZI pen Innkuan (communities) teng kikhaikhawm ahih tawh kiton in, social issues zang a indiect zaw deuh a pai ahihi. WZC pen political organization hi in, LZI pen communities organization ( Civil Society ) khat ahihi. Tu hun ciang in gam tampi ah Civil Society te'n zong politics tampi kalsuan pih ta uh ahihi. ahizong in Civil Society i role pen dena i gen L.A tuamtuamte tawh kibang in Pressure Groups ki ci zaw tangpi ahihi.
8. WZC le ZRO lomaa akibang hiam?
WZC le ZRO lomaa khat mah ahihi.sep daan kibanglo hi lel ahihi. WZC in Zomite lak ah Kawl ukna nuai a Zomite a genthei pen le naklah pen a muhna nei ahihi, tua ahih tawh kitonin Kawl uk sunga Zomite awlmawh masak huai sa phot hi, panlakna zong Kawl uk Zogam sung ah pankhia masa nuam ahihi.
ZRO in ahih leh Zomibup Innpi i lam zawh siang ma in, i buk pak nangin lobukno khat kisam phot hi hang, ci in muhdaan nei ahih manin, India nuai ah lobuk khat lam masa phot ahihi.Tup le Ngim tawpna ( Ultimate Goal ) pen bel WZC le ZRO zong akibang mah ahihi.
9. WZC pen kuate makaih hiam?
WZC pen Zomi sunga (adiak in) Pilna neilo le Migenthei khenkhatte makaihna ahihi. tua mah bang in Pilna nei lo le Migenthei atamzaw ahi tangpi tangtate suahtakna bek mah buaipih zo bek ding ahihi. ( Mai lamah zoptoh zel ding)
By- ZoKhup, WZC-President
+(1)(1).png)