Zomi leh Veih

Zomite veih thupi ngaih sutmahmah in paunak bang in kinei hi. Na kan ngei limlim hiam?

 

1. Veih paipai ek in zom hi.

2. Vai lak veihpek bang bek ei athugengen MP pa.

3. Akbuk bawl lailai veih pek ken!

4. Veih namkhau tawh akbuk kihen lo,

5. Tuisung veihpek zong bang kei ei..

6. Sikha in hong zuihzuih leh Veih agingtak in pek ekh ding..

7. Bukkhuh vei lua veih teh liang in khuh..

8. Lawm kingai om khawm veih teh kha leh kikhen thei..

9. Nung heilo aa, Nupi veih peek dada in maizumbaih...

 

Zomi te Veih hang in kiheh mahmah thei thute

 

1. Mithugengen khat aman lian in veihpek le ci'n Zomi ahih heh mahmah

2. Veih nam thum om, Veihteh.. Veihpeek ekh, Veihkhut simkhiankhian..

3. Zomi Numei veihgingdada apeek kiomlo, aomleh kimudah mahmah.

4. Zomi te in veih auih kizadah lo in' agingdada izadah

5. Mikang ten auih zadah in agingdada zadah lo' ahang pen veih uihasading akima om te tai na ding a Ready pia (theikhol sak) Veih pek pa/nu mawh na omlo

Missionary Sangmang pa in Biakinn sungah Laisiangtho sim khawm veih pekdada leh Paaksuang Zomi nungak te nuih cihtak nui... Mikang te thu omlo anui zadah.

6. Nu leh Pa, Uzaw te mai ah veih kipek leh kizadah mahmah

 

Veih gin zia namtuamtuam

 

1. Veih ateh te ...Kiiiiik.. gin ahih man akim aom teng ki maksak thei.

2. Veih suaklopi Kihing nenaa in Phuuukk... gin leh kiheh kiphin nuam pah

3. Kua mah mi omlo ei bek om in Veih hingdada ging Piiiiieikkk...gin leh aza i ki aom ten hong neu muh mahmah pah lianhi.

* Adang tuamtuam zong om ding ahi a, Zomi leh Veihthu tam mahmah lai kha ding hi*

 

Hau Thang

See More...

Paunak leh akhiat na (6/6)

(51) Thu pha in kong biang kan lo,,,,thu sia in mual kua khum?
=> Thu hoih thu pha ki zel hak,, thu sia ki zel baih...

(52) Va ak cingh kam sakhau tawhah ki pua lo?
=> A tawn tung a ki kem ki gal ging gigete tung ah thu sia tung ngei lo hi...

(53) Vai nu nung guah sia in lap?
=> Sep na bawl an ah  atha dah a,,a tuan tual te hak sat na khat peuh in lap...

(54) Va phual tang sa va ak tang?
=> A gi na sa khat a ma ki kep zawh lo man a gina loa suak kik te...

(55) Zawl thu kal ah sial thawl?
=> Zawl thu ah thu neu no khat peuh thu lian suak baih deuh...

(56) Zawng nek ngau in thal pu?
=> Mi khat gam tat hoih loh na mi dang khat in thuak lawh...

(57) Zawng in a ma kheng mu lo in a lawm te kheng ko?
=> Ama hoih loh na ki mu lo in a lawm te hoih loh na bek bek a ko ko te...

(58) Zuau in a khap tawn?
=> Zuau thu i gen leh ki sul zuih in ki thei kik ve ve...

Sing Cin Mang  Naulak
Lennupa Suang Zang Liim

See More...

Paunak leh akhiat na (3/6)

(21) Khua pi guah zu satang hal?
=> Thu khat peuh a than veng vang hang a dai baih te...

(22) Lei ba leh sakha nuai nung?
=> Lei ba nei te ki sim mawh....

(23) Lam nai tawn nuam be hiang kum kua a tung lo?
=> A ngei na bang tawn lo in abaih bawl man in hak sat na a paing thei thu te...

(24) Lang bawm a ek a awk?
=> I ki dop kei leh eima gam tat na pan gim na ki ngah kik thei...

(25) Leii le ha zong ki pet?
=> I it i ngaih pen te tawh zong ki tawng kha thei...

(26) Lu sum zong bing tawng a zom?
=> Thu sia sa a hoih ding a lem...

(27) Mei ma lo ah tho tu lo?
=> A mosa thu khat om lo in ki gen lo...

(28) Mei gong lung le sazan ta?
=> Thu khual lo ,heh baih ,lung tom,ngong tat...

(29) Mi hing le pa po?
=> Mi hing nuntak hun tom...

(30) Mual mong mei khuzong nuam tuam?
=> Dah na ,lung kham na, hak sat na,I tuah lai tak in i gei a mi om mawk khat zong nuam tuam sa in ki ngai hi...

Sing Cin Mang  Naulak
Lennupa Suang Zang Liim

See More...

Paunak leh akhiat na (2/6)

(11) Gip zong leh khuai  zong ki tuak?
= Deih tuak ki khek...

(12) Ha kai pahtak lung heng?
= A hoih ding a i up mawh khat a hoih lo te...

(13) Hau sa sial mei let?
= Na seo na ah sik san khat na a sem let te...

(14) Hau sa ziak in kuang zang ban?
= A hau a lian khat peuh vang in akim a pam a te in nop tuam na ngah...

(15) Hawm sem nung ta ne bum puk si?
= Cingh in hawm dim diam leng nuntak nuam. Huai ham in ang sung bek gen leng puk si thei...

(16) Inn gua hah lo, gam gua hah?
= A  U a Nau    a khua a tui puah lo a mi dang a puah zaw te...

(17) Kam siam sial lei sang, kam sia sial liau?
= Kam siam leng thu sia pen zong mai thei, Kam sia zang leng thu gina  lo khat zong ki liau thei...

(18) Khai kha a gui ah gah?
= Mi hoih lo te  ki gui zuih...

(19) Kawl zong tui dam in ki ho?
= Zin do leng la do siam...

(20) Kom kim zong tapa sal sagih nei sa naw kik?
= Nu mei te ta nu tapa a kim in a neih uh hang in ki sak thei ngam huai lo...

Sing Cin Mang  Naulak
Lennupa Suang Zang Liim

See More...

Paunak leh akhiat na (1/6)

Akta duhngawl kilawhkuh = huaiham lua leng gimna kingah thei/ngaihluatman tanlawh.
Ak gulmu bang = om gakgak/daiikhipkhep/daak gaakgaak.
Ak tuisungpan a vom ding leh a kangding kigenkhol theilo = mailam thu piangding ki thei khollo.
Akta mangkuan ki tutu = kilemna omkei leh kiamsukna man than na piang.
Aisa low ngek aa zolbang = thu gen siam leng ngah lah omlo/zolsiam kisam.
Ai mitdeh bang = daii/daii khikhe.
Ai khe meimu bang = gaw geugau.
Angkawi = zi/pasal zii numei/numei pasal -luppih nu/pa.

Buh ar = ak/inn aa ak khawi ganhing.
Bui a phak kuan aa taawp = ma bantun dek tak napi a tut kuan aa taawp/maban tun zolo te.
Bui pilei keii inh zongh khua ngai = kidawm in gamta ding.
Bui suangzawl tuak bang = cimah/cih nading theilo/dongtuak.
Buizan zuih = thu kan tel/sulzuih/a zawh a theih siang dong sem.
Banzal = khut.
Beng = bil/khua zakna bil.

Ciin = Uu.
Ciimcii misih = hih khakna neu cik kilangsak vilvel/neunat/hihvilvell.
Ciah kuan bal em = ki nawh/nawhsa tak aa sem,
Cial dawh = dolcial/dol innkaa dawh/inn kaa.
Ciimnuai aa sa kibaak gealtui ah ki thuk = lungdamna mangngilh ngeilo/thuk kik veve.

Dawh ai = aii/kaam/gunam khat.
Diimzangsel = selsel ta leh dawk veve/tu liah luah/selkimlo.
Duang = pumpi/mihing pumpi.
Deeklam tuktum zongh galsuak thei = ih muanpen zongh gal suak thei/muan' muan banglo.

Gipzong leh khuaizong kituak = deih tuak ki khek/
Gallu kihtaa gallu tuak = maaban haksa khat peuh ih pelh hangin ki tuak veve.
Ga taw khah bang = gingzeizai/gang mahmah/liau/beibaih/kiam hathat.
Giitta tuuk tun = tha khat thu/a tun laitak tung henhan/a tam teh tam/a beiteh bei siang.
Gan gi nalo tho inh bowk = mi zawng/mi genthei/damlo/bang mah neilo te kisim mawh.
Gul hikcil geh = ngen tel.

Haakaii pahtaak lungheng = muan te muan loh suak/ih muan te zong picing kimlo.
Hausa neknaa inh zongh tuangzoon ban = a hau/lian khat hangin nop/phat tuam na piang.
Honsing = singhon.

Inn gua hahlo gamgua hah = a maa inn kuan sung puah lopi in mi inn kuansung a puah te.
Inn thu leh gam thu = kigal saii theilo/a hun leh a munzui in khen sat/a tuam tuak.

Kawlciang = thau.
Kawlphai = kawltuu.
Kawlhei = Tu.
Kankil = sang/laisin na innpi/sangkah na inn.
Kawl zong tuidamin ki ho = ngaihsun kawm in gamta kampau ding/kisang siam ding.
Ki gul luk = thusim nei/kikum khol khin/kipawl sim/kikopsim.
Kamsia sialliau,kamsiam sialleii sa'ng = kamsia leng sialliau in kamsiam leng leib mai zo.
Kellu phum kidawk = thusim kilangkhia.
Khaikha a gui ah gah = mihoihlo te kigui zuih.
Ki ui veih = ei leh ei ki khem/
Ki ui tui = kilawm/kituak.
Kikel kii = ki leh ngat/ki thutuaklo/kikhen.
Khausau lua ki kai awk ek tam lua vok inh gai zolo = thu tam lua leh kisang kim zolo.
Khua khal aktui khak = pha munlo/hih kiaukiau/zoomlo.
Khuaikhau len bang = kizoom deetdaat/kigual deudau/tam.
Khuapi guahzuu satannghal = ciktaak lo/muibunlo/theupah/vengpah.
Kulsin = hankuang/misikoih na hankuang.

Lamnai tawnnuam kumkua aa tunglo = na khatpeuh baih ngaih sut lua leng ki tan lawh thei..
Laikhun = lupnaa/mihing te inn sunga lupnaa.
Langbawm a ekah awk = ei gam tat na mah inh ongman kik.
Leng the = the/leisungpan piang singtungah kal khatsung huihbek tawh a nungta ganhingnam1.
Lummei = mei/khuavot cianga om meei.
Lenpuan = puan/mihing te puan silh.

Maimit = mit/mit tanng,
Maukii = kii/gamlak vasa nam min.
Mei khoihkhoih mit = phinphin leng kitot na piang/thumthum leng kilem napiang.
Meima lo ah thotu lo = thu omlopi ki gen lo.
Mimkhau tah le tah, gawlgui tah le tah = sih le sih hin le hin sem ding/sem ngam/bawlngam.
Mimkhau = khau.
Mik kua holh bang = phulngeaingaii/taizeizaai.
Mi khut aa gulman = sem nuamlo/thuak nuamlo/a minpua bek ut.
Mi bawlin ki hingmanglo,ei le ei bawlin kihingmang = ngaih sut siam ding.

Nah kia kawi inh nah kia maamzuan = thu manlo ten thu man ten bel/zuan/midik te puk ngei lo.
Nga gu buah bang = amh zelzul/haii/puk ngeaingaii/zawngkhal.
Nek loh buan loh = a sep beksi/nekha jangkhalo gimtha lawhbek te...
Nunkhum = nawi/mihing ganhing te nawi/a nute tavakna nawi.

Pasaan sialnek bang = tang tungpah/piangpah/kithei khia pah.
Penglam cisel = kimu kik nawn lo/maimang/mangsuak.
Pheiphung = phei.
Phuaibuang = Vom.

Sakhi apisan anosan = ih nu ih pa te mah kisun ciat.
Sakhi inh a tat nading kuamkua gel = ngaih sunin gam ta ding.
Sazuk kiipuak = et lawmna bek/pua pong/kizangthei tataklo/a kilawm sakna.
Sawmsial = sial.
Singteh lengleng a phungzuan kiik = koikoi ih pai ih om zongin ih mipih ih Nu/Pa/Sanggam te
kiangmah kizuan kik.
Sialpi guah thuak = thu ngaihsun lo/pumthuak/ki pelh theilo pum thuak.
Sesum = sum.
Se ar = aksi.
Suumlu = lu/lutanng.
Suangpi suangneu inh thek = mineu pen khat inh zongh man nei veve.
Saumang = inn.
Simbengh zonghgim ciitciat tangzang kiguan = nasep kikhiat loding/mapang khawm ding.
Sialciing khat leh gam halkhat = lawmta khat ki khen/tuambawl theilo.

Tapkual han = eisungbek ah hang ngam/a pualam paungamlo/meidawi.
Tagah nawi mu bang = lawplua lingleleuh/nezeizai a valkhong in/a sih dong a dawn.
Taangtell sihtan bang = ut/utlo/khensat pah/kitom.
Tangh phunng = phung/phung cian.
Tui sung a pau zongbanglo = gengen ta leh gen banglo.
Thelnah = laai/laaidal.
Thu gengen eksuak = kamtam lua leng kimanna neilo.
Tanghah hen bang = kigak/sipsak bikbek/dimsak mahmah/deihguan.
Thualguah = guah/vantungpan aa ongkia tui malneu te.
Tuuk guahzuu bang = theu thei lo/tawpta leh pan kik teitei.
Tun = Nu.
Tui tanglo thuk = mipil te daiidide/lungsim thuk neite daiikhipkhep.
Tui sung et bang = ei gam tat na en leng ei mapianzia kilang.
Tuai = nau.

Um nel leh bel keu = mipil leh mihai ki khawl theilo/zum kham leh khamlo ki tuaklo.
Uipi zongsap khat in pailo = utna pin paingam paklo.
Uita a nekna zual = zawngsang/zommpaih/pai pahpah/pai thethuu.
Uipi mingak = ki pha theilo/khan toto/phadingci leng pai deuh see/khawlzel paizel.
Uitui bang = a salo dingbangin omdidee in sa mahmah/up mawh nasang khauhpai zaw.
Ui meikang bang = phia velvul/om khawng thei lo.

Va lah kawm thawi = gamtang khualkhual/zong khiankhian/ban et/na enen,zongzong.
Vakhu butowm = ginalo/hih pak/hih suk thop/hoih lo/baihbawl.
Vahing khum bang = teisitset/hakkilkel/hi deaduu lo.
Von = ta/mihingsungpan aa piang khia nun takna nei a nu leh a pa te/nu leh pa ta.
Vompi sa hawm = huai haam/ki haam phat/tamtan deuh.
Vompi tang khambang = lumm lialua bangmah ngaih sun nawnlo/thallup leelaa.

Zan zu nek = buai phengphangh/ki nawh.
Zawh ngeu ek phum = vukkimlo/kicianlo/zulhtat.
Zawh ngeu ta neih = tuah kawikawi/a mun khel themthumm.
Zingguah zuu leh um tawvang = ciin ngeilo/dimtheilo/sep hangh sep banglo.
Zawngnek ngau nh thalpua = khat mawh na a dang khat inh thuak lawh.
Zawng nau puak = ki pom/ang ah luai/angpom.
Zua = pa/pian na pa.
Zinleng = dawi.

Source: Daniel Mung

See More...

Paunak leh akhiat na (5/6)

(41) Sakhi api san a no san ?
=> I nu I pa te mah ki sun ciat...

(42) Sa khi in a tat na ding kuam kua khual?
=> Mai lam thu khual na in ki dawm in gam ta ding ,Na khem peuh ah ki guang khuak ding...

(43) Sa khi that lo ngal tang tum?
=> A neu nate zo masa lo in na lian pi a tum te...

(44)Sial tat nung a sial dai kai?
=>A sia ding teng a siat khit teh i puah kik hang  phat tuam nawn lo...

(45) Sial nu phal zong sih kuang ah ki liiak?
=> I lawm i gual lui te ki mang gilh ngei lo a hi man in i ki muh kik ciang in nuam ki sa...

(46) Sial vom leh sial vom  ki ngai?
=> Ei mah tawh a ki bang mi te ki ngai...

(47) Sim beng zong kim cit ciat tang zang ki guang?
=> Pil na siam na ki kim ta leh ma kai ding khat ki guang tuam...

(48) Suang pi suang neu in thek?
=> A mah kia a ,,,,a lian a hau thei om lo...

(49) Tang a si kawl in kah?
=> A bei sa hun a nop na dah na a hong phawk kik sak na... <melmuh>

(50) Tu nai lo khe khuang? Man nai lo tul sui?
=> A hih ding teng zo ma sa phot lo pi a, a man khin sa bang a om te...

Sing Cin Mang  Naulak
Lennupa Suang Zang Liim

See More...

Paunak leh akhiat na (4/6)

(31) Mui zang lua ki pei sat?
=> A ki pil sak lua te in tuak khial baih...

(32) Nadak kang in kawl lawh,Dai zang kang in kawl peh?
=> Mun khat a thu piang khat in, mun khempeuh lawh thei...

(33) Ngak tang hapak sa tum kik ngei lo?
=> Pasal thu gen sa dok kik ngei lo...

(34) A nu nung galban sat?
=> A lawm te zah in a hat loh hang in lung kia lo in sem tei tei a hi man in ham phat na ngah ve ve...

(35) NU leh PA thu mang a nah lawh pek?
=> Nu leh PA thu mang te in thu pha ngah...

(36) Nu Pa ki lung tuak khua 1 in zo lo, khua 1 ki lung tuak khua kua in zolo?
=> Ki lung tuak a i ki tha bup leh kua mah in hong susai zolo...

(37) Nu mei inama khuat, sum kuang in a lii khuat?
=> Ei ma mai lam nuntak na ding ei mah ciat in i han ciam kul...

(38) Nah kia kawi in nah kia mam suang?
=> Mi gi na lo sung pan Mi gi na khat peuh piang thei...

(39) Pa that to khom guan?
=> Thu khual  in heh na thuk kik pah lo....

(40) Pu te lam sak ki neh zo lo?
=> I pu te i sim mawh nop hang ki zo ngei lo...

Sing Cin Mang  Naulak
Lennupa Suang Zang Liim

See More...