Kammal hoih, kammal kilawm

* Bangtan vei Pasian' nasem, cih sangin Pasian ading bangzah semkhin, cih thupi zaw hi. ( Rev. Hau Lian Kham)

* A neipa in zangnuam peuh leh temmawl khat zong hiam thei hi.( Rev. Dr. Pau Khan En)

* Ka lai sim na tawh Jesu ka thei a, Jesu tawh ka khuk tungah ka kithuah hi.( Rev. Dr. Chin Do Kham)

* Kampau na sangin, sepkhiatna in muibun zaw hi.( Rev. Suak Za Go)

* Pawlpi cih pen pilna leh neihsa tawh kilam hilo a, up ngam na tawh kilam hi.( Rev. Dr. Dam Suan Mung)

*  Muhdah napen itna tawh a thuk zote mi gualzo pente hi. ( Rev. Tuan Suan Dal)

* Pilna lei inla, degree lei kei in. ( Rev. Dr. Do Suan Mung)

* Guallelhna tawh gualzawhna pen Jesu' dan hi. ( Rev. Dr. Paupu)

* Haksa kasak pen khat in Pasian aw zalo a ka om hun ahi hi.( Rev. San Cung Nung)

* Sum pen to ding in hiohlo a, sila dingin hoih hi.( Dr. Billy Graham)

* Lungdamna thu puakkhiat nasep na in pawlpi khan na thusim khat ahi hi.( Rev.Dr. David Yongicho)

* Ei pumpi kizawh na in gualzawh na lian pen ahi hi. ( Plato)

*  Pawlpi acidam sak leh a thahat sak zatui hoih pen nasep in, lungdamna thu gen na hi hi. ( T. Studd)

*  Pasian hong thuhilhna ih cih pen, eite ama tapa tawh hong kibatsak nop man hi. ( H/R July 2004)

* Ze-et na thuakna hun in Pasian belh ding hun hoih pen ahi hi. ( H/R June. 1988)

* A mah leh a mah akitel mite cikmah hun in ki phasak ngei lo hi. ( John Flaral)

*  Laikung in namsau sangin thahat zaw hi. ( Recheteu)

* Haksakna khempeuh kizo thei a, na zawhloh pen na lungsim ahi hi.( Theodore N. Vail)

Cipal ni ei....

Lungdam 

NL. Mangpu

See More...

Makai khat ii phawt det huai thu pawlkhat

1. Geelna kician nei a,  systematic tak mah ah makaih kisam. Thuhilhna ah zong systematic tak ( ban kizom nei tak a) hilh huai.

2. Pawlpi pepeuh kum tam kilawp zolo, ahih hangin program limci mahmah nei leeng tua in hong lawp sak den hi.

3. Makai ih cih pen thuzawhna (Influence) na ahi hi.

4. Makaihna in thukan tawntung, theihna behlapna hi. Leadrship is readership. Thukan kisam. Theihna khang ding kisam a, theihna khangte makaih siam hi

5. Makiahna in kizopna hi. Kizopdan siamte makaih siam hi.

6. Makaihna pen midangte tungah nasepna hi.

7. Makaih siam mi in midang te lawhcing sak hi.

8. Midangte (na nungzuite) gualzo leh nang a gualzo na hihi.

9. Makaihna in kilawmtatna hi.

10. Makaihna pen vision tawh sepna hi a, Vision neite bek kizui nuam hi. Leitung sum bawlna companyte ah zong vision neite bek kizui nuam hi.

Dr. J.M Paupu Lecture pan lakkik hi.

See More...

Mipil gamtat

Mi pen thumanlo, amau bek kikhual, angsung thei, midang khual mahmahlo;
Maisak lel in.

Migi lecin kithukhualsak, deih khat nei hong kici ding hi;
Migi veve in.

Lawhcing lecin lawm ginalo honkhat, hong langpang nuam tinten pawlkhat hong om pah ding hi;
Lawhcing veve in.

Na muanhuai a na lungsim khempeuh na gen pahpah leh mite in hong khem ziauziau ding hi;
Muanhuai inla, lungsim siangtho nei veve in. 

Kum tampi na hanciam na lamkhiat mitphiatkal sungin hong kisuksiatsak ding hi;
Hanciam in lam veve in.

Lungsim siangtho lungnopna na neih leh hong kihaza pah ding hi;
Lungsim siangtho in lungnopna nei veve in.

Na hoih na sep khat zingciang hong kimangngilhsak ding hi;
Na hoih sem veve in. 

Leitung ading na hihtheihzah na hih pen bangmah kawlok zolo na sa ding hi;
Na hih theihzah hih veve in. 

Hoihtak ngaihsun kik lecin nang leh Pasian kal hilel a;
Midangte tawh kisai kilkello hi.                                                                                                                                                                                

Hau Za Cin                                                                                                                                                                                                                                                                                                                                                               Phuitong Liim 

See More...

... it in, ... it lo

01 .Gensiat na tawh it in, thapiak na tawh it lo

02. Thapiak na tawh it in, panpih na tawh it lo

03. Panpih na tawh it in, lam et na tawh it lo

04. Lam et na tawh it in, sep nop na tawh it lo

05. Sep nop na tawh it in, sep ngam na tawh it lo

06. Sep ngam na tawh it in, sup ngam na tawh it lo

07. Sup ngam na tawh it in, sih ngam na tawh it lo

08. Sih ngam na tawh it in, thuak ngam na tawh it lo

09. Ngah beh (ngah kik) na’ng tawh it in, pat khiat na tawh it lo

10. Pat khiat na tawh it in, piak khiat na tawh it lo

11. Min hoih (phat) na’ng tawh it in, dai ngam na tawh it lo

12. Vaihaw’m (geel) siam na tawh it in, zuih nop huai na tawh it lo

13. Han thot na tawh it in, sep khiat na tawh it lo

14. Makaih na tawh it in, khantoh na’ng in it lo

16.Lampi om ciang it in, lam et bei ciang it lo

17. Mite’ muan ciang it in, mi’ zol loh ciang it lo

18. Ahun zui in it in, thuman thutak tawh it lo

19. Pilna , theih na tawh it in, vei na tak pi tawh it lo

20. Vei na takpi tawh it in, ki neih na tawh it lo

Tg. Lian Than Tuang

See More...

Mipil te' thugen 1/3

(1) Pasian thugen siam khat

'' ng leh ng na ki it mah bg in, na veng (lawm, mipih) te na it in'' cih pen, Pasian in ong thu hilh hi in, vangam aa a na tung sa teng khempeuh in zong ong hi bg mah in na ngaihsun ding uh hi. Leitung aa om mi hing te in zong hi bg hi lehang, vangam aa a na tung sa te tawh nopsak na a ngah khawm i hi ding hi.

(2) Sima Guang ii ngaihsut na
''phul zawh, nawk zawh ciang bek in a ki nungta zo ding dan hi veh aw'' ....''a ki hen cip ngaihsut na te phelkhiat zawh ding ki sam mahmah hi, khua vak thak i muh nang''
*ka upmawh (ngeina hoih lo pawl khat, khanglui dan cihcih pawl khat, kawlgam bg galkap zia tawh kum 50 val ki uk na te pan i ngah lungtang cih te khel ding zong ahi tam)

A mah pen, (1019-1086) Song Dynasty hun in, politician, article gelh siam, tangthu thei khat hi in, a neu lai aa a ma tangthu pen tu dong in naupang te tung ki gen tangthu bg in Sen gam ah ki zang lai ci hi. Thulu tuamtuam tampi te pan khat ''Sima Guang ii thambel pi satkhap''

(3) Sun Tzu ii phawk khat

'' ei leh ei ki theih sawm in, i lang te zong tel mahmah leng i zo zo kei zong i lang te pen ki leng ngei lo ding hi veh aw''

A mah pen, (AD ?-535) hun lai pawl in Sun Tzu's Military Principles bawlkhia pa ahihi.

(4) Napoleon ii lungngaih

'' ngaihsun ngam, hih ngam, a nawngkai sak te tawh buai lo, bgbg in a ki ci leh lam et na bei zong, i ngaihsut i up i muan i lam et sa khat lencip aa dinmun kip nei sitset sa in leitung hun luan zia te sit tel in ki muan na tawh buai na te phul khia.''

France galsiam galhang maikaipi khat hi.

(5) Alexander ii ngaihsut

'' na sep lian pi nei te, a gual zo ma kaih siam te in, naupang vai upmawh thu cii'n tuam tuam te tung a ki ngak loh mah bg in, abei sa aa thu hoih lo te tawh ki gaakcip lo uh hi''

Galhang galsiam lua in do ding gal nei nawn lo aa, a kap zuazen makai pi khat hi.

See More...

Mipil te' thugen 2/3

(6) Columbus ii ngaihsut

''ngaihsun in i lam et sa khat i tangtung sak buang ke''
a gualzo te khempeuh pen gualzawh theih nang zia a nei te hi.
Gualzawh nang zia pen kua ma lam et ngam lo khat sep ngam na hi.

(7) Laconia
''Cing tom kim mah hoih penpen ey. ki tel na tan khat lah nei veve in, i ngaihsut na a tuamtuam in ong khangkhia sak lai hi.''
Cing Tom Kim (hehehe) a cing, lah a tom, ahih hg' a kim cih na hi.

Lawmpa pen Greece, Peloponnese aa tuikulh khat aa om hi in, Sparta cih khuapi khat a uk ahihi. Laconia cih pen English tawh a ki bg khat Laconic cih hi in, kampau ciang tom, siang, ki cian. Lai gelh ciang tom, siang, ki cian cih na ahihi.

(8) Ockham

'' apua lam aa gamlum na te khengphei in, buai na taktak direct in delh phei in''
buai na a hang aa ki phumphum te dawngdawng lehang, a zungpi ahi buai na tawh ki buai man lo ding hi.

(9) Fermi

''simple mahmah ding, a man tawh zong ki tuak mahmah ding cih pen ahoih lua hi ta hi''
van hoih vet lo khat, tam no cik bek a mat leh tua van pen tua a man tawh ki tuak in a hoih lua hita hi.
van hoih vet lo khat, a ki sap na ah ki man na a neih leh tua van pen hoih a ki ci aa, van hoih khat-van hoih loh pen ii ki man na mun ah ki man nar a neih tuan kei leh van hoih lo pen manpha zaw lai hi.

I lawmpa pen, Quantum Theroy leh Quantum field Theory a phual khia pa hi in, Nuclear design ding zong a suai khia te lak ah khat ahihi. 1938 in Physic lam tawh Nobel pahtawh na ngah pa hihi. (29/09/1901-28/11/1954)

(10) Rockefeller

''lawp ngait ding, manlang ngiat ding, septheih bgbg sem gai mang lel ding, lampi khat teitei ong ki hong ding aa, hamphat na ngah lawh na om veve ding hi''
Behlap: minam aa ding or Pasian aa ding a semnuam a pau nuam a om naak leh paktat huai lel mawk ey

(08/July/1839-23/may/1937). standard oil company pankhia pa hi in, sumbawl na lam ah ngaihsut na tuamtuam a phuangkhia ngiat zo khat ahihi. US te' tangthu ah, Millionar masa penpen pa hi in, leitung bup ah a haupen te' list ah zong a ki hel khat ahihi.

See More...

Mipil te' thugen 3/3

(11) Addison

''a buan nuam lo ar akot te pen, buan ki kap zaw thei hi. leitung ngeina khat thei kawm sa in, mai nawt ding hi.''
pilvang tak aa ngim na masuan in, a ngawnkai sak tuamtuam te awlmawh loh ding hi.

(12) Bubka
'' mun khempeuh ah mun awng om hi. ka ngahzahzah metbawl in phung sak ning.''

leitung ki mawl na te pan, ciangsau tawn tawh dian na lam ah a siam aa minthang ''huih lak aa vasa'' ci aa ki phat liang khat hi in, a sang diang zo penpen in leitung ah 35 vei ki ciam teh hi.
Sergey Bubka hi in 4.Dec1963 in suak hi.

(13) Gam ui lungtang

''a lauhuai cih na mun te ah nuntak nang tam zaw thei hi veh aw''

(14) puankhui pawlkhat ii ngaihsut

'' ka mai aa puankhui na line pai pen leh ka et kaak pen mah a tang penpen hi''

(15) Domino

'' a phazah a ki khel leh, a hoih na zong ki khel zaw hamtang thei hi.''

phee (lai-thai) ki mawl siam mahmah khat hi.

See More...

Hun

Ei sang in mi dang te hoih zawk na om ding hi. Mi dang te sang ing ei i hoih zawk na zong na om veve ding hi. Ei hoih zaw ci in ngaihsut ding pen, mi dang te et neu vai tawh ki bg hi. Mi dang te hoih zaw ci in ngaihsut ding pen, ei leh ei ki et nau vai tawh ki bg zelzel hi.

Mi gensiat na, mi hoih loh na zon na tawh buai lo, hun bei lo in om zawh sawm ing. Tua hih kei leh, na hun te pen a gensiat huai, a hoih lo te' aa ding in a zangzang a piapia na hihi.

Ng pen a koi ci nam cih na ki theih nop leh, mi na hopih dan ki enpha le cin na tel ding hi.

Sum te, suang manpha te na deih mahmah na ngaih sun kawm sa in, tua te sang' a manpha zaw na hun ngaih khawm le teh na hun pammaih sa thei ding hi teh.

See More...

Thapiak na

Khangno te aw, na hun hoih lai un, hanciam ding no leh no na ki sawl kei vua leh, na khangham uh ciang in, mi' sawl in na om kawikawi ding uh hi.

Ong ki koko ong ki gen siatsiat leh awl mawh se kei lel in.

Gtn. Mi khat in a lawm ngaih nu pakpia in, a lawm ngaih nu in awl mawh lo in tua pak sang lo hi. Tua pak pen, a piapia pa ii khut sung mah ah om suak hi.

Khat ii hoih loh na, khialh na pen, hoih loh na khialh na mah tawh thuk kik ding pen hoih lo hi. (khialh na nih ki gawm in khialh na mah piang veve ding hi/ mei pen mei tawh ki phelh thei lo hi.) 

A mah khial ey cih pen, ei zong khialh theih khuan a ngah ci na in na ngaihsut leh, a zulh zau lai na hi kha ding hi.

Ki pat na in, a lang zawh sa hi.

See More...

Ciamteh aa zuih huai

1.Ka thu theih khat om a,tua in bang mah ka theih hetloh thu a hi hi.

2.Laigelh te pen mihing' lungsim abawlbawl engineer-te hi.

3.A hoih pen ding a hun a zangte' a dingin hun valmawk om theilo hi.

4.Mikhat' adingin pilna in lawmhoih pen hi a, haina in a sia huai pen gal hi.

5.Laibu hoih I sim khempeuh pen kum zalom tampi lai-a mipil pen te tawh kihona ahi hi.

6.Nuntak haksatna sungah mipilte in noptuam na a ngahna uh pen laibu pan ahi hi.

7.Na sih khit teh hongki mangngilh pah ding na ut kei leh sim tak ding lai ngelh in.A hih keileh zong a gelh tak ding  na sem in.

8.Laibu pawlkhat pen haizan dikdek phot ding hi.

9.Laisim na in mi cingtak khat hong suah a, holimna in a baihsa in hong koihin,lai gelh na in mi tak tak hong suak sak hi.

10.Laigelh siam na suah nop leh,gelh in.

11.Mipil in "Banggen leng kilawm ding" cih ngai sun khol a, mihai in a nung ciang in bangteng gen ka hiam ci-in ngaih sun hi.

12.Pil sin loh sangin mi-in piang dah vet leng hoih zaw hi.Banghang hiam cih leh thu  theih loh na pen kamsiatna zung pi hi mawk hi.

13.Zawhna khempeuh lak pan ei leh ei kizawhna in alian pen zawhna hi.

14.Siate in kong khak hong uh a, asungah bel nangmah ngiat na lut kul hi.Amah leh amah ading a tawmzo mi pen leitung a mi thahat pen hi.

15.Pasian muang inla, na thauvui/thautang zong thunsa-in koih in.

16.Thu lian pi pi piang I cih te pen I thusim kholloh hunlem no no te pan ki pan hi.

17.Mihingte gamtana pen a lungsim uh I theih nadingin ahoih pen hilh cianna ahi hi.

18.A thak ngaih sut muhnate pen atamzaw ki-um lo a,kilangpan thei lai hi.Tua pen thudang hang hilo a,mitam in thei nailo ahih man hi.

19.Tuitak ciauciau in zong sawtsawt leh suangtum nangawn ne zo hi.

20.Tuni a zawh theih ding na khat peuh zingciang adingin koih kei-in.

21.Khialhpah luan se sang in nihvei dot ding hoih zaw hi.

Deihsak na tawh

Zogam Lian.

See More...