Matthai
Alian 11
29
Keima hakkol zamin kisuan un la, kei kiangah hong kisin dih un. Kei pen kiniamkhiatin neem hithiat ka hih manin ka kiangah na tawl uh a dam ding hi.
Alian 18
4
Hih naupang bangin a kiniamkhiat mite, vantung ki-ukna sungah a lianpen hi ding hi.
Alian 21
5
Tua a genna-ah, "En un, na kumpipa uh hong pai hi. Kiniamkhiatna tawh lapi tung leh lano tungah tuangin hong pai hi, ci-in Zion khuamite kiangah gen un," a ci hi.
Alian 23
12
A kiliansakte khempeuh in niamkhiatna thuak ding uh a, a kiniamkhiatte khempeuh a lianin kibawl ding hi.
Luka
Alian 14
11
Bang hang hiam cih leh a kiliansakte khempeuh in niamkhiatna thuak ding uh a, a kiniamkhiatte khempeuh a lianin kibawl ding hi," a ci hi.
Alian 18
14
Ke'n kong cihin-ah, hih mipa pen Pasian tawh a kilemsa-in a inn-ah ciah a, a khatpa pen tua bangin ciahlo hi. Bang hang hiam cih leh a kiliansakte pen kiniamkhiatsuk ding a, a kiniamkhiatte pen a lianin kibawl ding hi," a ci hi
Sawltak Tangthu
Alian 2
46
Nisimin biakinn-ah kikhawm uh a, a innte uhah an nekhawmin, lungdamna leh kiniamkhiatna tawh a ne ciat uh hi.
Alian 20
19
Jew mite in kei hong thahsawmna hangin kiniamkhiatna leh khitui naptui tawh haksapi-in Topa' na ka sem hi.
Korin Masa
Alian 14
34
Mihon biak kikhopna sungah numeite pauloin om uh hen. Numeite a kiniamkhiatna ding thu Jew Thukham in a gen mah bangin amaute in mihon lakah thu a gen ding uh kiphallo hi.
Korin Nihna
Alian 11
7
Note kiangah Pasian hangin Lungdamna Thu ka hong hilh ciangin note tung panin thaman bangmah ka hong ngen het kei a, note a thupi na suahding uh ka deihna-in kei ka kiniamkhiat hi. Hih thu tawh kisai-in a sialamin kei hong lehngaihsut zawsop na hi uh hiam?
Efesa
Alian 4
2
Kiniamkhiatin, thunemin, lungduai-in om tawntung un. Khatlekhat kihuhna tawh na ki-itna uh kilangsak un.
Filippi
Alian 2
3
Huaihamna lungsim leh kisialh nopna lungsim tawh bangmah gamta kei un. Kiniamkhiat ciat un la, midangte thupi ngaihsutzaw un.
7
Amah kiniamkhiat tawm zaw a, nasem lim a hong puazaw hi. Mihing bangin amah hong kibawl a, mihing teekteek mah a hong sun hi.
8
Amah hong kiniamkhiat tawm a, singlamteh tung nangawnah sihding a ut hi.
Kolose
Alian 2
18
Maang a muhna hangun a thupi diakin kingaihsunin, a kilawmlo zah dongin kiniamkhiatna ding leh vantung mite biakding a hong hanthawn mite' khemsa-in ta kei un. Tua bang mite pen amau' ngaihsut tawmna tawh a kihisak mawk hi a,
23
Hih bang gamtatnate pen a tungthamin i et ciangin limtakin biaknopna lungsim a piangsak ding, kiniamkhiatna a piangsak ding, pumpi ki-ukzawhna a piangsak ding tawh kibang hi. Ahi zongin a taktakin hihte khat beek in pumpi ki-ukzawhna piangsak zolo hi.
Alian 3
12
Pasian in note hong itin, hong teelin, ama mi siangthote hikhin na hih manun note pen hehpihna nei-in, migi-in, kiniamkhiatin, dikin, na lungduai ding uh ahi hi
Timoti Masa
Alian 2
11
Numeite in gamdai takin kiniamkhiatna tawh thu ngai-in a sin ding uh ahi hi.
Alian 5
10
Tua banah a gamtat hoihna a kitheite, a tate hoihtakin a khan'suahsate, a inn-ah zin leh leengla do a siam mite, kiniamkhiatin Pasian' mite' khe a silsakte, a lungkham mite a huhte, leh thu khempeuhah a hoih gamtat mite hi lai ding uh hi.
James
Alian 3
13
Note lakah pilin thuthei a kisa a om leh kiniamkhiatin pilin, nuntak hoih leh gamtat hoih tawh a lahkhiat ding ahi hi.
Alian 4
6
Lai Siangtho in, "Pasian in a kihisakte nial a, a kiniamkhiatte a hehpih hi," a cih mah bangin Pasian' hong hehpihna lianzaw hi.
10
Topa mai-ah kiniamkhiat un. Tua hi leh amah in hong lian bawl ding hi.
Peter Masa
Alian 3
8
A tawpna-ah kong gennop thu in: Lungsim leh ngaihsutna kikhat nei-in unau ki-itna lungsim nei un la, migi-in kiniamkhiat un.
Alian 5
5
Tua mah bangin no khangnozaw deuhte in zong a khanghamte' thu na mang un. Lai Siangtho in, "Pasian in a kiphasak mite nial a, a kiniamkhiat mite a hehpih hi," a cih mah bangin na vekpi-un kiniamkhiatna puan bangin silhin, khatlekhat na na kisepsak un.
6
Pasian in ama hoihsak hun ciangin note hong laptoh theihna dingin a thahat Pasian' khutnuai-ah kiniamkhiatin na om un.
+(1)(1).png)