Matthai
Alian 1
18
Jesuh Khrih a hong suahna zia hih bang ahi hi. Mary pen Josef-a' dingin zuthawl piaksa hi a, ahi zongin a kiten' taktak ma-un kha siangtho in amah a gaisakna thu Mary in a thei hi.
20
Ahi zongin hih bangin thu a ngaihsut laitakin a mang sungah Topa' vantung mi khat hong kilang a, "David suan Josef aw, Mary sunga nau pen kha siangtho in a gaisak ahih manin amah ten'pih ngamlah kei in.
Alian 3
11
Na kisikkik khitna uh a kilatna dingin tui sungah note ka hong phum a, ahi zongin kei nungah a hong paipa in kha siangtho leh mei sungah note hong phum ding hi. Tua a hong pai dingpa pen kei sangin nakpi takin lianzaw a, ama khedap a tawisak ding nangawnin ka kilawmzo nai kei hi.
16
Jesuh a kituiphum khit phetin tui sung panin a paikhia pah hi. Tua laitakin vantung hong kihong a, vakhu bangin Pasian' kha siangtho hong kumsukin ama tungah a khawl a mu hi.
Alian 4
1
Tua ciangin Dawimangpa' ze-etna a thuak dingin kha siangtho in gamlakah Jesuh a paipih hi.
Alian 10
20
Thu na gen uh ciangin note' gen hiloin, na Pa uh' kha siangtho in note tung tawnin thu a gen ding ahi hi.
Alian 12
31
Tua ahih manin note kiangah kong genin-ah: Mihingte' kampau khialhna leh gamtat khialhnate kimaisak thei ding a, ahi zongin kha siangtho langpangin a gensiate kimaisak lo ding hi.
32
Mihing Tapa langpangin a gensiate a mawhna uh kimaisak thei ding a, ahi zongin kha siangtho langpangin a gensiate pen tuhuna kipan a tawntungin a mawhna uh kimaisaklo ding hi.
Alian 28
19
Tua ahih ciangin note pai un la, midang khempeuh, keima nungzui mi suaksakin, Pa min, Tapa min, leh kha siangtho min tawh tui sungah na phum un.
Marka
Alian 1
8
Keimah in tui sungah note kong phum a, amah in kha siangtho sungah note hong phum ding hi," a ci hi.
10
Tui sung panin Jesuh a thawhkhiat khit phetin vantung kihongin, ama tungah vakhu bangin kha siangtho a hong kumsuk a mu hi.
12
Thakhat thu-in kha siangtho in gamlakah Jesuh a paisak hi.
Alian 3
29
Ahi zongin kha siangtho langpangin thu a gente in mawhna kip sukha uh ahih manin a mawhna uh kimaisak ngeilo ding hi," a ci hi.
Alian 12
36
kha siangtho' sawlna tawh David mahmah in thu gen a, 'Topa in keima Topa tungah thu gen hi: Na galte, na khe nuai-ah ka koih matengin, ka taklamah na tu in,' ci hi.
Alian 13
11
Note hong kimanin, thusitna a thuak dingin thukhen zumah hong kipaipih ciangin bang gen ding ihi hiam, ci-in ma lunghihmawh kei un. A thugen ding pen note hiloin kha siangtho ahih manin a hun tak ciangin na gen dingun a hong kisawl peuhpeuh na gen un.
Luka
Alian 1
15
Topa' muhna-ah amah milian khat hi ding hi. Amah in leenggahzu ahi a, khamtheihzu khat peuhpeuh ahi zongin nelo ding hi. A suah pheta kipanin kha siangtho tawh kidim ding hi.
35
Vantung mi in, "Nangma tungah kha siangtho hong tung ding a, nangma tungah Pasian' vangliatna hong om ding hi. Tua ahih manin a hong suakding a siangtho naungek pen Pasian' Tapa kici ding hi.
41
Elizabeth in Mary' hopihna awging a zak ciangin a sunga a naupaii a hong diang hi. Elizabeth zong kha siangthotawh hong kidim a,
67
Tua ciangin Johan' pa Zekhariah, kha siangtho tawh kidimin Pasian' thu gen a,
Alian 2
25
Jerusalem khuasungah Simeon a kici mi khat na om hi. Amah a thuman, a biakna mi mahmah khat hi a, Israel mite a kihotkhiat hun ding a ngakngak mi khat ahi hi. kha siangtho in a ompih mi khat hi a,
26
Topa' hong ciamsa Khrih a muh matengin a sihlohna ding thu zong ama tungah kha siangtho in na genkhin hi.
27
kha siangtho' makaihna tawh biakinn sungah Simeon a pai hi. A nu leh a pate in thukham sunga om ngeina bangin Topa tungah naungek a ap dingin biakinn-ah a hong paipih uh ciangin,
Alian 3
16
Tua ahih ciangin Johan in amaute kiangah, "Keimah in tui sungah note ka hong phum hi; ahi zongin kei sangin nakpi takin a lianzaw khat hong pailai ding hi. Ama khedap khau a sutsak ding nangawnin kei ka kilawmzo nai kei hi. Amah in kha siangtho leh mei sungah note hong phum ding hi.
22
Vakhu pumpi lim nei-in kha siangtho ama tungah hong kumsuk hi. Tua laitakin vantung panin aw khat hong ging a, "Nang pen ka it ka Tapa na hi a, nangma tungah ka lungkim mahmah hi," a ci hi.
Alian 4
1
kha siangtho tawh a kidimin Jordan gun panin Jesuh hong ciahkik a, kha siangtho in gamlakah paipihin,
14
Tua ciangin kha siangtho vangliatna tawh a kidimin Galilee gamah Jesuh a ciahkik hi. Tua kiima om gam khempeuhah ama thu kizakim hi.
Alian 10
21
Tua laitakin kha siangtho in lungdamna tawh Jesuh kidimsak hi. Jesuh in, "Vantung leh leitung Topa ahi ka Pa aw, mipilte leh misiamte tungah na ip thute, bangmah a theilo hih mite tungah lak na hih manin ka nuam hi. Bang hang hiam cih leh hih thu pen nangma deihna bang ahi hi," a ci hi.
Alian 11
13
Note mihoihlo hinapi-in na tate uh tungah a hoih piakding theithei na hih uh leh, vantunga om na Pa un a ngente tungah kha siangtho piazaw kan ding hilo ahi hiam?" a ci hi.
Alian 12
10
Mihing Tapa a langpangte a mawhna uh kimaisak thei ding a, kha siangtho a langpangte a mawhna uh kimaisaklo ding hi.
12
Bang hang hiam cih leh a hun a tun' ciangin kha siangtho in na gen dingteng uh hong hilh ding hi," a ci hi.
Johan
Alian 1
33
Keimah in amah ka theih nailoh hangin, tui sungah mite a phum dingin kei a hong sawl Pasian in, 'A tungah Kha hong paisukin a omna mipa pen kha siangtho sungah mite a phum dingpa ahi hi,' ci-in hong genkhol hi.
Alian 3
5
Jesuh in, "A mantakin kong genin-ah, mi khatpeuh tui leh kha siangtho tawh a suahkik kei leh Pasian' Ukna sungah lut theilo ding hi.
Alian 7
39
Jesuh in hih bang a gen ciangin amah a umte in a ngahding kha siangtho thu a genna hi a, tua hun laitakin Pasian' pianzia nei-in sihna panin Jesuh kithosak kik nailo ahih manin kha siangtho kipiakhia nailo hi.
Alian 14
16
Keimah in Pa kiangah ka ngen ding a, note tawh a omkhawm tawntung dingin Thuman a hong lak kha siangtho, note hong Huhpa ding a hong pia ding hi.
17
Leitung mite in tua kha siangtho mu theilo, thei theilo uh ahih manin sang theilo ding uh hi. Ahi zongin note sungah tua kha siangtho hong omding ahih manin note in na thei ding uh hi.
26
Ahi zongin Pa in keima tangin a hong sawl ding Huhpa kha siangtho a hong tun' ciangin note tungah thu khempeuh hong hilh ding a, note tungah ka hong gensa thu khempeuh zong hong phawksakkik ding hi.
Alian 15
26
"Ahi zongin Thuman a hong lak ding Huhpa ahi kha siangtho ka Pa kiang panin ka hong sawl ding hi. Amah hong tun' ciangin keima thu hong gen ding hi.
Alian 16
13
Tua ahih manin thuman hong lak ding kha siangtho hong tun' ciangin thu khempeuh a manin hong hilh ding hi. Ama ngaihsuttawm thu hong gen ding hilo a, ama tungah a kigen thute leh a hong tungding thute a hong gen ding ahi hi.
15
Ka Pa' neihsa khempeuh keima-a' suakkhin ahih manin keima gen ding thute leh a gen dingin ka sawlteng kha siangtho in note kiangah hong gen ding hi," a ci hi.
Alian 20
22
Tua khit ciangin amaute lamah a hu sang a, "kha siangtho na sang un.
Sawltak Tangthu
Alian 1
1
Lawm Theofilas aw, Lai ka hong gelh masakna sungah Jesuh in nasep a kipat tunga kipanin vantungah amah a kilaktoh hun ciangdong, a thuhilhna leh a septe khempeuh cingtakin ka gelh hi. Ama sawltak dingin a teelsa mite,kha siangtho tung tawnin thu a vaikhak khit ciangin vantungah amah kilato hi.
5
Johan in tui sungah mite phum a, ahi zongin a sawtloin Pasian in kha siangtho tawh note hong kidimsak ding hi," ci-in thu a pia hi.
8
Ahi zongin note tungah kha siangtho hong tun' ciangin vangliatna tawh na kidim ding uh a, Jerusalem khuasung, Judea gamsung, Samaria gamsung, leh leimong dongin note in keima thu na gen ding uh hi," ci-in a dawng hi.
16
Lawmte aw, Jesuh a mante lam a lak Judas thu, kha siangtho in David' kam panin a genkholhna Lai Siangtho sung thu a tun'ding kisam hi.
Alian 2
4
Amaute khempeuh kha siangtho tawh kidim uh a, tua Kha in minam dangte' pau tawh amaute a pau theisak hi.
33
Amah in Pasian' taklamah omna dongin liatna ngah a, ama tungah Pasian in a ciamsa kha siangtho zong a ngahkhin hi. Tu laitaka na muh na zak uh nate pen kote tungah a hong piak tua kha siangtho ahi hi.
38
Tua ciangin Peter in amaute kiangah, "Na mawhna uh kisik un la, na mawhna uh hong kimaisak theihna dingin Jesuh Khrih min tawh tui kiphum ciat un. Tua hi leh Pasian' piakkhong kha siangtho na ngah ding uh hi.
Alian 4
8
Tua ciangin kha siangtho tawh kidimin Peter in dawng a, "Makaite leh upate aw,
25
Kote' pupi, na nasempa David tungah na kha siangtho tawh thu na gen a, amah in, 'Bang hangin Gentail mite heh mahmah a, a tangtunglo dingpi vaihawm uh ahi hiam?
31
Tua bangin thu a nget khit uh ciangin amaute' kikhopna mun hong kilinggawp hi. Amaute khempeuh kha siangthotawh kidim uh a, hang takin Pasian' thu gen ding a kipan uh hi.
Alian 5
3
Peter in, "Ananias aw, bang hangin Satan' thu-in gamta a, na lo zuak man sumte pawlkhat kem simin, kha siangthokhem na hi hiam?
9
Tua ciangin Peter in tuanu kiangah, "Bang dingin na nupa-un Topa' kha siangtho ze-et ding thukim khawm na hi uh hiam? En in, na pasal a vuite kongkhak gei mahmahah om uh a, nang zong hong puakhia ding uh hi," a ci hi.
32
Hih thute thei-in teci a pangte pen ko sawltakte bek hiloin kha siangtho tawh zong ka hi uh a, tua kha siangtho pen amah a um mite tungah Pasian in a khongin a piak ahi hi," ci-in a dawngkik uh hi.
Alian 6
3
Tua ahih ciangin sanggamte aw, note lak panin pilna leh kha siangtho a nei mihing sagih hong kitengkhia un la, hih thute a vaihawm dingin i koih ding hi.
5
A vekpi-un sawltakte' thugente thukimpih uh ahih manin, kha siangtho tawh kidimin upna a nei Stefen, Filip, Prokhoras, Nikanor, Timon, Parmenas, leh Antiok khua pan Gentail mi ahi Jew biakna a zui Nikolas a teel uh hi.
10
Ahi zongin kha siangtho in Stefen tungah pilna guan' ahih manin amaute in thusel zolo uh hi.
Alian 7
51
"Na lungsim uh khauh mahmah a, lawki lungsim paii-in, Pasian' thu-ah bilngong na bang uh hi. I pu i pate mah bangin kha siangtho thu na mang nuam kei uh hi.
55
Ahi zongin Stefen ahih leh kha siangtho tawh kidimin vantung lam ento a, Pasian' minthan'na vang leh Pasian' taklamah Jesuh a ding mu ahih manin,
Alian 8
15
Amaute a tun' uh ciangin tua lai-a om thu um mite in kha siangtho a ngahna dingun thu a ngetsak uh hi.
16
Bang hang hiam cih leh amaute pen Topa Jesuh min tawh a kituiphum hi pan bek uh a, amaute khat beek in kha siangtho ngah nailo uh hi.
17
Peter leh Johan in amaute lu tungah a khut uh a ngak khit uh ciangin kha siangtho a ngah uh hi.
18
Sawltakte in amaute tungah a khut uh a ngak ciangin kha siangtho a ngahna uh mu ahih manin Simon in Peter leh Johan kiangah sum pia a,
19
"Kei zong ka khut ka ngakna mi peuhpeuh in kha siangtho a ngahtheihna dingin hih bang vangliatna kei zong hong pia un," a ci hi.
29
Tua laitakin kha siangtho in Filip kiangah, "Pai in la tua leeng mai-ah va om in," ci-in a sawl hi.
39
Tui sung panin a paikhiat khit uh ciangin Topa' kha siangtho in Filip paikhiatpih hi. Mangpa in Filip mu nawnlo hi; ahi zongin lungdam takin a lampai a zom hi.
Alian 9
17
Tua ahih manin Ananias zong pai a, innsungah a lutkhit ciangin Saul lu tungah a khut nga a, "Sanggam Saul aw, hih lai-ah nong pai lai-in nangma tungah a hong kilang Jesuh mahmah in kei hong sawl hi. Nangmah in khua muthei kikin, kha siangtho tawh na kidim theihna dingin nangma kiangah a hong paisak ahi hi," a ci hi.
31
Tua ahih manin Judea gam, Galilee gam, leh Samaria gamsunga om pawlpite in bawlsiatna thuak nawnloin nuamtakin om uh a, Topa zahtakna tawh gamta uh ahih manin kha siangtho huhna tawh a mi khangin a kibehlap uh hi.
Alian 10
19
Tua bangin Peter in a maang muh lungngaingai-in a om laitakin kha siangtho in, "En in, mihing thum in nang hong zong uh hi.
38
Nazareth khuami Jesuh tungah Pasian in kha siangtho leh vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.
44
Tua bangin Peter in thu a hilh laitakin tua thuhilhna a ngai mite khempeuh tungah kha siangtho hong tungsuk hi.
45
Gentail mite tungah zong Pasian in a kha siangtho a piakkhongna thu a muh uh ciangin Joppa khua panin Peter tawh a hong paikhawm Jew mi thu umte in lamdang a sa mahmah uh hi.
47
"Eite mah bangin hih mite in zong kha siangtho ngah uh hi. Tui sungah a kiphum ding uh kua'n kham thei ding ahi hiam?" ci-in a gen khit ciangin,
Alian 11
12
Lunghiang loin amaute ka zuihpahna dingin kha siangtho in kei tungah hong gen khinzo hi. Joppa khua panin hih i sanggam gukte in zong Sisaria khua-ah hong zui uh a, ka vekpi-un Kornelias inn-ah ka lut uh hi.
15
Tua thu gen dingin ka kipat laitakin eite in kha siangtho i ngah cil huna mah bangin amaute tungah kha siangthohong tung hi.
16
Tua ciangin Topa in, 'Johan in tui sungah hong phum a, ahi zongin Pasian in kha siangtho tawh note hong kidimsak ding hi,' a cihsa thu ka phawkkik hi.
24
Barnabas pen mihoih mahmah, upna nei-in, kha siangtho tawh a kidim mi khat ahi hi. Mi tampi in Pasian a um uh hi.
28
Amaute sung panin Agabas a kici kamsangpa hong ding a, leitung khempeuhah kialpi hong tung ding hi, ci-in kha siangtho sawlna tawh a genkhol hi. (Tua kialpi pen Klaudias in Gam uk Kumpi a sep laitakin a tung hi.)
Alian 13
2
Amaute in an tangin Pasian bia-in a om laitakun kha siangtho in amaute kiangah, "Keima na a sem dingin ka sapsa ahih manin kei-a' dingin Barnabas leh Saul hong piakhia un," a ci hi.
4
kha siangtho' sawlna mah bangin Seleusia khua-ah paisuk uh a, tua khua panin teembaw tuangin Saipras tuikulhah a pai uh hi.
9
Tua ciangin Saul (Paul zong a kicipa) kha siangtho tawh kidimin tua mipa limtakin en a,
52
Antiok khua-a om thu um mite ahih leh kha siangtho tawh kidimin lungdam mahmahin a om uh hi.
Alian 15
8
Mihingte' lungsim sungthu a thei Pasian in Gentail mite in zong thu a uptheih ding mah hi, cih a lahna-in eite tungah a hong piak mah bangin amaute tungah zong kha siangtho a pia hi.
28
A kisam mahmah hih a nuai-a thute simloh, note tungah vangik dang suatding pen kha siangtho leh kote ka thukim kei uh hi.
Alian 16
6
Asia gamsungah thu a hilhding uh kha siangtho in phallo ahih manin Frigia leh Galatia gamsung tengah a zin uh hi.
7
Mysia gamgi a tun' uh ciangin Bithynia gamsungah lutdingin kithawi uh a, ahi zongin tua gamah a pai ding uh Jesuh' kha siangtho in phallo hi.
Alian 19
2
"Thu na up uh ciangin kha siangtho na ngah uh hiam?" ci-in a dot leh, "kha siangtho a omlam nangawn ka za nai kei uh hi," ci-in a dawng uh hi.
6
Paul in amaute tungah a khut a ngakkhit ciangin amaute tungah kha siangtho hong tung hi. Amaute in pau lamdang hong paupah uh a, Pasian' thu zong a gen uh hi.
Alian 20
22
Tu-in ahih leh kha siangtho' hong sawlna mangin, kei tungah bang thu hong piang ding hiam, cih theilopi-in Jerusalem khua-ah a pai ding ka hi hi.
23
Thongkiatna leh gimna ka thuakna ding thu bekbek, ka omna khua khempeuhah kha siangtho in hong gen tawntung hi.
28
kha siangtho in note' khutsungah a hong koih pawlpi mite leh nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.
Alian 21
4
Tua khua-ah ka kan uh leh thu um mi pawlkhat na om uh a, amaute kiangah nipikal khat sung ka taam uh hi. Jerusalem khua-ah Paul a pailohna dingin kha siangtho' lamlahna tawh amaute in a gen uh hi.
11
Kote' kiangah amah hong pai-in Paul' kawnggak hong laksak a, tua kawnggak tawh ama khut leh a khete a gakcip khit ciangin, "kha siangtho in, 'Jerusalem khuasungah hih bangin Jew mite in hih kawnggak neipa hencip ding a, Gentail mite' khutsungah pia ding hi,' ci hi," a hong ci hi.
Alian 28
25
Tua ciangin Paul in, "kha siangtho in kamsang Isaiah tung tawnin na pu na pate uh tungah a thugen man mahmah hi. Tua a genna-ah, 'Pai in la, hih mite tungah hih bangin va gen in: Thu na ngaihngaih uh hangin na tel kei ding uh a, na etet uh hangin na mu kei ding uh hi. Bang hang hiam cih leh hih mite lungsim mawk a, a bil uh humcip uh a, mitsicip uh hi. Tua bang hi kei le uh, a mit un khua mu ding a, a bil un khua za ding a, a lungsim un thu mu thei ding hi. Tua bang hi leh kei lamah hong kihei ding uh a, keimah in amaute ka damsak ding hi, Pasian in ci-in gen hi,' ci hi," a cih khit ciangin amaute khatlekhat kithutuak loin a paikhia uh hi.
Rom Laikhak
Alian 1
4
kha siangtho thu lamsangah ci lehang misite lak panin vangliatna tawh a thawhsak kikna hangin Pasian' Tapa ahihna thu Pasian in a kilangsak hi.
Alian 5
5
Pasian in eite tungah a hong piak a kha siangtho tawh eite sungah ama itna hong guang ahih manin hih lametna in eite hong lungkiasak ngeilo hi.
Alian 7
6
Ahi zongin nidangin a hong lencip thukham panin Pasian in eite hong suaktasak khin ahih manin tua thukham tawh kisai-ah eite a sikhin ihi hi. Lai sungah a kigelh thukham lui sungah nungta nawnloin, kha siangtho' hong piak nuntakna thakah a nungta ihi hi.
Alian 8
2
Bang hang hiam cih leh Khrih Jesuh tawh a hong kipawlsak kha siangtho in mawhna leh sihna a piangsak thukham panin kei hong suaktasak khinta hi.
4
Eite' deihna bangin nungta loin Pasian' kha siangtho' deihna bangin a nungta eite sungah Thukham' deihna teng a kicin' theihna dingin Pasian in a Tapa a hong sawl ahi hi.
5
Amau pumpi deihna bangin a nungtate, amau pumpi deihna in a lungsim uh a uk hi; kha siangtho deihna bangin a nungtate, kha siangtho in amau lungsim a uk hi.
6
I ngaihsutna, i pumpi deihna uksak lehang sihna tawh kizom hi; i ngaihsutna, kha siangtho uksak lehang nuntakna leh nopsakna tawh a kizom hi.
9
Note sungah Pasian' kha siangtho hong om nak leh nomau pumpi deihna bangin gamta loin kha siangtho deihna bangin na gamta ding uh hi. Khrih lungsim a neilote Khrih tawh kipawllo hi.
10
Ahi zongin note sungah Khrih hong om leh mawhna hangin na pumpi uh a si veve ding ahi zongin, note pen Pasian tawh kipawlkhin na hih manun note-a' dingin kha siangtho pen nuntakna ahi hi.
11
Sihna panin Jesuh a thokiksak Pasian' kha siangtho note sungah hong om leh sihna panin Khrih a hingkik sakpa mah in note sungah a om ama kha siangtho mah tawh a sithei pumpi a hong nungtasak ding hi.
13
Na pumpi uh deihna zui-in na gamtat uh leh na si ding uh a, ahi zongin kha siangtho huhna tawh na mawh gamtatnate uh na sihsak uh leh na nungta ding uh hi.
14
Pasian' kha siangtho in a makaih mite, Pasian' tate ahi uh hi.
15
Note tungah Pasian in a hong piak a kha siangtho in note na launa dingun sila-in a hong bawl hilo a, kha siangthoin Pasian' tate a hong suaksak ahi zaw hi. Tua kha siangtho mah in Pasian pen, "Pa aw, Pa aw," hong ci theisak hi.
16
Eite, Pasian' tate ihihna thu eima lungsim bek in a gen hiloin Pasian' kha siangtho in zong hong genpih hi.
23
Pasian' bawlsa nate bek hilo a, Pasian' hong piakkhong kha siangtho maleep a ngah eite mahmah nangawn in zong, Pasian in ama tate-in hong bawlin i buppi-in a hong suahtaksak ding i ngakkawmin thumin tau-in i om hi.
26
Tua ahih manin eite bangzahin ginalo hita lehang eite a hong huh dingin kha siangtho a hong pai hi. Eite in a kilawm bangin thunget ding nangawn i thei kei a, ahi zongin kha siangtho mah in tauna tawh eite-a' dingin a hong thumsak hi.
27
kha siangtho in Pasian' deihna tawh kizui-in Pasian' mite-a' dingin hong thumsak ahih manin mihingte' lungsimtawng thu a thei Pasian in kha siangtho' ngaihsutna a thei hi.
Alian 9
1
Kei, Khrih tawh kipawl ka hih manin zuauthu ka gen thei kei hi. kha siangtho lamlahna tawh, ka lungsim kitheihna-ah zuaugen hetloin a mantakin ka gen thu in:
Alian 14
17
Bang hang hiam cih leh Pasian' Ukna pen nek leh dawn tawh a kisai thu hilo a, kha siangtho hangin i ngah Pasian' deih bangin gamtatna, kilemna, lungdamna, cihte hizaw hi.
Alian 15
13
kha siangtho' huhna tawh note' lametna a khan' semsem theihna dingin, lametna a hong piathei Pasian in, amah na upna uh hangin lungdamna leh nopsakna tawh note hong kidimsak ta hen.
16
Gentail mite tungah na a sem dingin Khrih Jesuh sawltak hih theihna ding hamphatna lianpi Pasian in kei a hong piakna hang ahi hi. Gentail mite pen kha siangtho in Pasian' tungah a piak, ama san'theih biakpiaknate a suahtheihna dingin Pasian kiang panin a hong pai Lungdamna Thu ka hilhna-ah siampi bangin na ka sem hi.
18
kha siangtho' vangliatna tawh lim leh na lamdangte zangin, Gentail mite in Pasian thu a zuihtheihna dingun Khrih in ka thatang leh ka kam ka muk a zatna thute bekah hangtakin genin ka telkheh ding hi. Tua ahih manin Jerusalem khua panin Illyrikam gam ciangdong ka zinna khempeuhah Jesuh Khrih hangin Lungdamna Thu ka hilh khinzo hi.
30
Lawmte aw, kei-a' dingin Pasian kiangah thu na hong ngetsakna dingun i Topa Jesuh Khrih i upna hang leh kha siangtho in a hong piak itna tawh a hong thum ka hi hi.
Korin Masa
Alian 2
4
thu ka hong hilh ciangin zong leitung mipilte' zat kammalte leh siamnate ka zang kei a, Pasian' kha siangthovangliatna tawh thu ka hong hilh hi.
10
Ahi zongin Pasian in a kha siangtho tawh eite tungah tua thusim a hong langsak hi. Tua kha siangtho in na khempeuh kankhia a, Pasian' ngimna a ki-imcip a thutawng dongtakin a kankhia hi.
11
Mihing khat' ngaihsutna pen ama lungsim bek mah in a theih mah bangin Pasian' kha siangtho bek mah in Pasian' thu a cingin a thei hi.
12
Eite' ngah lungsim pen leitung mite' lungsim hilo a, Pasian in eite tungah a hong piak na khempeuh i theihna dingin Pasian' hong piak kha siangtho lungsim ahi hi.
13
Tua ahih manin hih bangin thu ka hong gen uh ciangin zong, mihingte' hong hilh pilna kamte a zang hiloin, kha siangtho a nei mite tungah kha tawh kisai thu ka gen uh ciangin kha siangtho in a hong hilh kammalte zangin a gen ka hi uh hi.
14
Ahi zongin kha siangtho a neilo mite in Pasian' kha siangtho in a hong piak nate sang theilo uh hi. kha siangtho a nei mite bek in theithei uh ahih manin amaute in tel theilo uh a, amau-a' dingin a haihuai thu khat ahi lel hi.
15
kha siangtho a nei mite in na khempeuh theithei uh a, ahi zongin leitung mite in bangmah theilo uh ahih manin a lungmang uh hi.
Alian 3
16
Note pen Pasian' biakinn na hihna uh leh note sungah Pasian' kha siangtho a teng ahih lamtak na theihsa uh ahi hi.
Alian 6
11
Note pawlkhat, tua bangin na gamta uh hi. Ahi zongin note pen i Topa Jesuh Khrih leh i Pasian' kha siangthohangin mawhna panin a hong kisiangsak khinsa, Pasian' tungah a kipiasa, Pasian tawh a kipawlsa mite na hi uh hi.
19
Na pumpi uh, Pasian in a hong piak, note' sungah a teng kha siangtho' biakinn ahih lamtak theilo na hi uh hiam? Note' pumpi, nomau' neihsa hilo a, Pasian-a' ahi hi.
Alian 7
40
Ahi zongin keima ngaihsutna-ah pasal a neihse sangin tuaci om leh lungdamzaw dingin ka um a, Pasian' kha siangtho' ngaihsutna mah zong hi-in ka um hi.
Alian 12
1
Sanggamte aw, kha siangtho' hong piak siamna a tuamtuamte tawh kisai thu na theihloh khak ding uh ka deih kei hi.
3
Tua ahih manin kha siangtho in lam a lah mite in, "Jesuh in samsiatna ngah ta hen," a cihlohna, leh kha siangthoin lam lak kei leh kuamah in, "Jesuh pen Topa hi," a cih theihlohna ding thu na theihding uh ahi hi.
4
Tu-in siamna a nam tuamtuam om a, ahi zongin a hong pia kha siangtho a kibang ahi hi.
7
Mi khempeuh-a' dingin phattuamna a omtheihna dingin kha siangtho' hong ompihna a nam tuamtuamin hong kilang hi.
8
kha siangtho in mi khat tungah thuthuk pilna hong guan' a, tua kha siangtho mah in adang khat tungah thugen siamna hong guan' hi.
10
Adang khat tungah na lamdang bawl theihna, adang khat tungah Pasian' thu hilh ding siamna, adang khat tungahkha siangtho piak siamna ahi leh a hilo khentheihna ding siamna, adang khat tungah pau lamdang pau theihna, adang khat tungah tua pau lamdang tuamtuam paunate a khiatna gentheihna hong pia hi.
11
Hih siamna a tuamtuamte a hong pia pen kha siangtho a kibang khat bek mah hi a, mi a tuamtuamte tungah ama hoihsak bangin a hong piak ahi hi.
13
Jew mi ihi a, Gentail mi ihi zongin, sila ihi a, sila a hilo ihi zongin, eite minam tuamtuam ihih hangin kha siangthokhat bek mah in Jesuh' pumpi a suak dingin ama sungah hong phum a, eite khempeuh tungah a hong kipia pen tua a kibang kha siangtho khat bek mah ahi hi.
Alian 14
1
Na deih lianpen uh ki-itna na hisak un. kha siangtho' hong piak siamna a tuamtuamte sung panin thuhilh siamna neihding na hanciam phapen un.
2
Bang hang hiam cih leh pau lamdang a paute pen mite' tungah thugen hiloin Pasian' tungah thugen ahi hi. Amaute' pau kuamah in theilo a, kha siangtho' vangliatna tawh Pasian' thusimte a gengen ahi uh hi.
12
Note in zong kha siangtho' hong piak siamnate deih belin nei na hih manun pawlpi-a' dingin phattuamna taktak a piangsak ding siamnate mah nget belin na nei ta un.
37
Mi khatpeuh in kha siangtho hong piak siamna a nei, Pasian thugen ka hi hi, ci-in a kingaihsut leh hih lai ka hong gelhte pen Topa' thupiakna tawh a gelh ka hihlamtak a phawkding kisam hi.
Korin Nihna
Alian 1
22
Amah in eite pen ama-a' ihihna ciamtehna eite tungah hong bawl a, ama-a' ihihna leh eite tungah a hong piakding na khempeuh a hong pia takpi ding ahihna a kitelna dingin eite' lungsim sungah kha siangtho a hong mapiak hi.
Alian 3
3
Hih lai pen Khrih mahmah in gelhin kote a hong puasak ahihna thu kitel mahmah hi. Laidal leh suangpek tungah laitui leh laikung tawh a kigelh hilo a, mihing lungtang tungah a nungta Pasian kha siangtho tawh a kigelh ahi hi.
6
Thuciamna thak nasem thei dingin kote tungah siamna a hong pia hi. Tua hong piakna pen lai-a kigelh thukham tawh hiloin kha siangtho tawh ahi hi. Bang hang hiam cih leh lai-a kigelh thukham in sihna piangsak a, ahi zonginkha siangtho in nuntakna hong pia hi.
8
Nuntakna a pia kha siangtho nasepna bangzahin minthan'na lian tawh hong kizuizaw kan ding ahi hiam?
17
Hih lai munah Topa a cih pen kha siangtho hi a, Topa' kha siangtho a omna mun peuhpeuhah suahtakna om hi.
18
Tua ahih manin eite khempeuh i maitang hong kiliah nawnloin Topa' minthan'na vangtaang i kilangsak hi. Topa kiang panin a hong pai kha siangtho ahi tua minthan'na vang in amah tawh a kibang dingin eite hong bawlpha a, minthan'na khat panin minthan'na sangzaw-ah hong omsak hi.
Alian 5
5
Hih kikheelna ding a hong vaihawmsakpa pen Pasian hi a, kote a hong piakdingte khempeuh hong pia taktak ding cih a lahna-in kote tungah ama kha siangtho a hong pia hi.
Alian 6
6
Siangtho takin nuntakna, thu theihna, lungduaina, migitna, kha siangtho' huhna, itna taktak neihna,
Alian 11
4
Bang hang hiam cih leh kote' hilh a hilo adang Jesuh' thu a hilh hong pai ciangin lungdam takin na sang pahpah uh a, kote' hong hilh kha siangtho leh lungdamna thu tawh a kibanglo kha thu leh lungdamna thu hong hilh a om ciangin na sang pahpah uh hi.
Alian 13
14
Topa Jesuh Khrih hong hehpihna thupha, leh Pasian' hong itna, leh kha siangtho tawh kikholh theihna, note khempeuh tungah hong tung ta hen.
Galati
Alian 3
2
Thukham na zuihna hangun Pasian' kha siangtho ngah na hi uh hiam, ahih kei leh lungdamna thu za-in na upna hang uh hizaw ahi hiam?
3
Pasian' kha siangtho tawh na patkhit uh ciangin nomau' thatanghat thu tawh khup a sawm ding zahin hici hai lawmlawm na hi uh hiam?
5
Note in Thukham na zuihna hangun Pasian in kha siangtho hong pia-in na lamdang hong bawl ahi hiam, ahih kei leh lungdamna thu za-in na upna hang uh hizaw ahi hiam?
14
Khrih in eite a hong tatna pen, eite in i upna hangin Pasian in a hong ciam kha siangtho ngahin, Pasian in Abraham tungah a ciam thuphate zong, Jesuh Khrih hangin Gentail mite tungah a kipiak theihna ding a deihna ahi hi.
Alian 4
6
Note pen ama tate na hihna uh a hong lahna dingin Pasian in ama Tapa' kha siangtho, eite sungah hong tumsak a, tua kha siangtho in Pasian pen, "Pa aw, pa aw," hong cisak hi.
29
Tua hun laitakin leitung ngeina bangin a piang mawkmawk tapa in Pasian kha siangtho hangin a piang tapa a bawlsiat mah bangin, tuhunin zong eite hong kibawlsia hi.
Alian 5
5
Kote ahih leh Pasian in amah tawh a kipawlthei dingin hong bawl ding hi, ci-in lamenin, kote' upna hangin kha siangtho' vangliatna tawh hong piangding hi, ci-in a om ka hi uh hi.
16
Note kiangah ka hong gen thu in: kha siangtho' hong sawlna bangin gamta un la, na pumpi uh utna bangin gamta kei un
17
Bang hang hiam cih leh ei' pumpi ut bangin gamta lehang kha siangtho' deihna tawh na kituaklo a, kha siangtho' deihna bangin gamta lehang ei' pumpi deihna tawh na kituaklo zel ahih manin hih nihte gel a kilangpang niloh na hi a, note' ut bangin a gamta theilo na hi uh hi.
18
kha siangtho' deihna bangin na gamtat uh leh Thukham khutnuai-ah na om nawn kei uh hi.
22
Ahi zongin kha siangtho' sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,
25
kha siangtho in eite hong nungtasak khinta ahih manin ama hong sawlna bangin eite a nungta ding ihi hi.
Alian 6
1
Sanggamte aw, mi khatpeuh a gamta khial a om ciangin, kha siangtho' deihna bangin a nungta note in tua a khialpa a manin a gamtatkik theihna dingin thunem zangin na huh un. Note in zong amah bangin ze-etna na tuahkhak lohna dingun na kikem un.
8
Mi khatpeuh in ama leitung pumpi deihna khaici a vawh leh sihna ngahding a, kha siangtho deihna khaici a vawh leh kha siangtho tung panin nuntak tawntungna ngahding hi.
Efesa
Alian 1
13
Note in zong hotkhiatna a hong ngahsakthei Lungdamna Thu a man za-in Khrih na up uh ciangin, Pasian in a hong ciamsa bangin ama mi na hihna uh a kilatna dingin note tungah kha siangtho hong piakna tawh a hong ciamteh hi.
14
Tua kha siangtho pen, Pasian in piakdingin a hong ciamsa thu eite khempeuh in i ngah taktak ding a kician ahihna thu a hong lahna hi a, ama mi ahi taktak eite khempeuh pen a suakta takpi mite ihihna a kilatna ding ahi hi. Tua ahih manin a kuamah peuh in Pasian phat ciat ni.
17
I Topa Jesuh Khrih' Pasian ahi, a minthang Pa Pasian in note tungah kha siangtho hong pia-in, tua kha siangtho in note tungah lungpilna hong pia-in, note in Pasian na theihna dingun note tungah Pasian hong kilatsakna dingin thu ka hong ngetsak niloh hi.
Alian 2
18
Khrih hangin Jew mi leh Gentail mi ahi eite khempeuh, kha siangtho huhna tawh Pa Pasian kiangah i paithei hi
22
Note zong midangte tawh kigawmin ama tungah na kilam uh a, kha siangtho-in Pasian a ten'na ding inn na suak uh hi.
Alian 3
5
A beisa hunah tua thusim pen kuama tungah kigenlo a, ahi zongin Pasian in tu-in a siangtho a sawltakte leh a kamsangte tungah kha siangtho a hilhsak hi.
16
Note' lungsim a thahatna dingin Pasian in a kicing ama vangliatna sung panin a kha siangtho tawh note hong thakhauh sakin,
Alian 4
3
kha siangtho kimakai sakin, khatlekhat kilemin pawlkhat na hihna uh na kipsak tawntung un.
4
A kibang lametna khat bek a ngahkhawm dingin Pasian in note hong sap mah bangin eite khempeuh pumkhat bek hi-in kha siangtho zong khat bek mah a neikhawm ihi hi.
30
Ni khat ni ciangin Pasian in note hong tatkhiat taktakna ding thu a ciantakin hong lahna leh Pasian' neihsa na hihna uh hong ciamtehna-in kha siangtho hong pia ahih manin, tua Pasian' kha siangtho na dahsak kei un.
Alian 5
18
Zu in mi siasak thei ahih manin zu ne kei un la, kha siangtho tawh a kidimin omzaw un.
Alian 6
17
Siklukhu khuk bangin hotkhiatna nei un la, kha siangtho in a hong piak Pasian' thu pen namsau zat bangin na zang un.
18
kha siangtho tawh kopin a tawntungin Pasian kiangah na kisapna khempeuh uh ngenin na thum un la, tatsat loin Pasian mi khempeuh-a' dingin thu na ngetsak un.
Filippi
Alian 1
19
Note hong thungetsakna leh Jesuh Khrih kha siangtho huhna tawh suakta ding hi ing, ci-in thei ka hih manin ka lungdam hi.
Alian 2
1
Note, Khrih tawh kipawlin na nuntakna uh in note hong thahatsak hi. kha siangtho tawh kikhawlin, khatlekhat kihehpihin, dikna na kibawl uh hi.
Alian 3
3
Bang hang hiam cih leh eite in kha siangtho' hong huhna tawh Pasian bia-in, Jesuh Khrih tawh i kipawl manin lungdamin, a tung lama kilang vun-atna limte muan'in neilo ihih manin, amaute hiloin, eite pen vun-atna man taktak a zang mite ihi zaw hi.
Kolose
Alian 1
8
Amah in, kha siangtho' piak itna na neihna uh zong, kote kiangah a hong gen hi.
Thesalonika Masa
Alian 1
5
Bang hang hiam cih leh note kiangah Lungdamna Thu ka hong hilh lai-un kam bek tawh a hong gen hiloin, kha siangtho' vangliatna leh Lungdamna Thu a man taktak hi, ci-in theihna tawh a hong pai ka hi uh hi. Note kiangah ka om laitakun note' phattuamna dingin ka sep ka bawlna khempeuh uh na thei uh hi.
6
Kote leh Topa' gamtat bangin note na gamta uh a, note in gimna nakpi takin thuaklawh napi-in kha siangtho' huhna tawh lungdam takin thu umin na om uh hi.
Alian 4
8
Tua ahih manin hih thute a thudonlo mi in mite a thudonlo hiloin, note tungah ama kha siangtho a hong pia Pasian a thusimlo ahi hi.
Alian 5
19
kha siangtho nasepna dongtangsak kei un la,
Thesalonika Nihna
Alian 2
13
Ahi zongin sanggamte aw, Topa in note hong it a, kha siangtho vangliatna hang leh note in thuman na upna uh hangin ama mi siangthote na suahna dingun nopsakna a ngah masa dingin Pasian in note hong teel ahih manin note hangin Pasian tungah lungdamna ka ko tawntung uh hi.
Timoti Masa
Alian 3
16
I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu kha siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.
Alian 4
1
Nidang ciangin a upna panun mi pawlkhat pialin, zuauthu gente leh dawi thu a kigente a zuihna ding uh kha siangtho in teltakin a gen hi.
Timoti Nihna
Alian 1
14
Eite sungah a hong teng kha siangtho in a hong ap thuhoihte limtakin kem in.
Titus
Alian 3
5
Amah in eite hong honkhia hi. Eite in na hoih i sepzawhna hangin hong honkhia hiloin eite tungah suahtakna leh nuntakna thak a hong pia kha siangtho in hong sawpsiangna hangin a hong hehpihna tawh a hong honkhia ahi hi.
6
Pasian in eite hong Hon Jesuh Khrih hangin eite tungah a kicing takin kha siangtho hong pia ahih manin,
Hebru
Alian 2
4
Amaute' thugenna banah Pasian in vangliatna lim, leh na lamdang a tuamtuamte bawlna tawh hong genbeh lai hi. Tua banah ama hoihsak bangin Pasian in kha siangtho zong hong hawm lai hi.
Alian 6
4
A tawpkik khinsate a kisik kikna dingin kibawl zolo hi. Pasian' khuavak sungah amaute om khinin, vantung nopna ciam khinin, kha siangtho ngah khinin,
Alian 9
8
A puanung inndei a om laiteng a sungnung ahi, a Siangtho Pen Mun a kihong nailo ahihna thu kha siangtho in hong kilangsak hi.
14
Tawntung kha siangtho hangin Pasian tungah a cingtaak biakpiakna dingin Khrih in a piak ama sisan in na tam semkhia zozaw ding a, a nungta Pasian' na i septheihna dingin bangmahin a kimanglo nasepna panin ama sisan in i lungsim hong siangsak ding hi.
Alian 10
15
kha siangtho in zong hih thu hong theihpih ahih manin,
29
Tua bang ahih leh Pasian' Tapa a simmawh, mawhna a hong maisak Pasian' thuciamna sisan a thudonlo, Pasian' hehpihna a hong puak kha siangtho a hehsakte' thuakding bangzah takin lianzaw kan ding ahi hiam?
Peter Masa
Alian 1
2
Pa Pasian in ama ngimnasa bangin note hong teel a, note in Jesuh Khrih' thu mangin, ama sisan tawh siangthona a ngahdingin a kha siangtho tawh note mi siangtho-in a hong bawl hi. Note tungah hehpihna leh nopsakna thupha hong tam tun' semsem ta hen.
11
Khrih in gimna thuakin, tua khit ciangin minthan'na a ngahna ding thu kha siangtho in a gen ciangin, amaute sungah a om tua Khrih' kha siangtho in kua a cihna hi a, bang hun ciang hi ding hiam, ci-in a kankan uh pen tuhun thu a gen ahi hi.
12
Vantung panin a hong kisawl kha siangtho' vangliatna tawh thu a gen thupuakte' tung panin na zak uh Thute mah kamsangte in a gen laitakun, tua a thugente uh amaute-a' ding hiloin note-a' ding ahihna thu, Pasian in tua kamsangte tungah a na genzo hi. Vantung mite nangawn in hih thute a theihtelnop khat uh ahi hi.
Alian 4
14
Khrih nungzui hihna hangin mite' kosiatna na thuak uh leh note sungah a minthang kha siangtho ahi Pasian' kha siangtho hong om ahihna lim ahih manin a hampha mahmah na hi uh hi.
Peter Nihna
Alian 1
21
Bang hang hiam cih leh mihingte in a deih manin mailam thugenkholh theihna a kingah hilo a, kha siangtho' sawlna tawh Pasian' kiang panin a hong pai thute a kigen ahi zaw hi.
Johan Masa
Alian 2
20
Ahi zongin Khrih in note tungah kha siangtho hong piakhin ahih manin note khempeuh in a man na thei uh hi.
27
Khrih in note tungah ama kha siangtho hong piakhin a, tua kha siangtho na neih laiteng uh kuamah in note hong hilhding kisam nawnlo hi. Bang hang hiam cih leh kha siangtho in note tungah thu khempeuh hong hilh a, tua a hong hilh thute a man vive hi a, zuauthu khat zong omlo hi. Tua ahih manin kha siangtho' hilhnate zui un la, Khrih sungah kiptakin om un.
Alian 3
24
Pasian' thupiakna a zui mi khempeuh, Pasian tawh om uh a, Pasian in zong amaute a ompih hi. Pasian in eite tungah a hong piak kha siangtho hangin Pasian in eite a hong ompihna thu i thei hi.
Alian 4
13
Pasian in eite tungah a hong piak kha siangtho hangin Pasian leh eite a omkhawm ihihna leh Pasian in eite hong ompih ahihna thu i thei hi.
Jude
Alian 1
19
Hih mite in pawl kikhenna piangsakin, amau pumpi deihna bangin gamta uh a, kha siangtho zong neilo uh hi.
20
Ahi zongin ka it note ahih leh a siangtho na upna uhah na kip semsem un la, kha siangtho vangliatna tawh thu na ngen un.
Maangmuhna
Alian 1
4
Johan in Asia gamsungah a om pawlpi sagihte tungah a khak lai ahi hi. A beisa hun, tuhun, leh mailam hunah a om tawntung Pasian kiang pan leh ama tokhom mai-ah a om kha siangtho sagihte tung pan leh,
10
Topa' ni-in kha siangtho tawh kidimin ka om laitakin peengkul bangin a gingpha mahmah khat ka nunglamah ka za a,
Alian 2
7
Tua ahih manin zakna ding bil a neite in kha siangtho in pawlpite kiangah a gen thute na za un. A gualzo mite tungah, Pasian' Huan sunga om nuntakna singgahte a nektheihna dingun thu ka pia ding hi.
11
Tua ahih manin zakna ding bil a neite in kha siangtho in pawlpite kiangah a gen thute na za un. A gualzo mite, nihvei sihna in gimsakkha nawnlo ding hi.
17
Tua ahih manin zakna ding bil a neite in kha siangtho in pawlpite kiangah a gen thute na za un. A gualzo mi tungah a kiselcip manna an pawlkhat leh min thak a kigelhna suangkang khat ka pia ding hi. Tua suangkang pen a ngahte simloh kuamah dang in theilo ding hi.
29
Tua ahih manin zakna ding bil a neite in kha siangtho in pawlpite kiangah a gen thute na za un.
Alian 3
1
"Sardis khua pawlpi vantung mi kiangah lai gelh in la, Pasian kha siangtho sagih leh aksi sagih a neipa' thugen in: Note' gamtatnate ka thei a, note a si hinapi-in a hing min na pua uh hi.
6
Tua ahih manin zakna ding bil a neite in kha siangtho in pawlpite kiangah a gen thute na za un.
13
Tua ahih manin zakna ding bil a neite in kha siangtho in pawlpite kiangah a gen thute na za un.
22
Tua ahih manin zakna ding bil a neite in kha siangtho in pawlpite kiangah a gen thute na za un, ci-in gen in," a hong ci hi.
Alian 4
2
Thakhat thu-in kha siangtho tawh ka kidim a, tua vantunga tokhom tungah mi khat a tu ka mu hi.
Alian 14
13
Tua ciangin vantung panin awging khat ka za a, "Tu-a kipanin Topa thu-ah a si mite mi hampha mahmah ahi hi, cihna gelh in," a ci hi. Tua ciangin kha siangtho in, "Hi takpi hi. Amaute' nasepna thaman in amaute zui ding ahih manin a nasep gimna panun tawlnga-in nuamsa-in om ding uh hi," ci-in a dawng hi.
Alian 17
3
kha siangtho tawh kidimin ka om a, vantung mi in gamlak mun khatah hong tun'pih hi. Tua lai-ah, a tungah min hoihlo nam tuamtuam a dimin a kigelh ganhing a san khat tungah numei khat a tu ka mu hi. Tua ganhing in lutang sagih leh ki sawm a nei hi.
Alian 21
10
Tua laitakin kha siangtho tawh ka kidim a, tua vantung mi in mual sang mahmah khat dawnah hong paipih hi. Vantung Pasian kiang panin a hong paisuk Khuapi Siangtho ahi Jerusalem khua a hong lak hi.
Alian 22
6
Tua ciangin vantung mi in kei kiangah, "Hih thute muan'taak a, thuman ahi hi. Kamsangte tungah a kha siangtho a pia Topa Pasian in a hong piang baih ding thute, a nasemte tungah a lak dingin a vantung mite a hong sawl hi," hong ci hi.
17
kha siangtho leh Mothak in Jesuh kiangah, "Hong pai in," a ci uh hi. Hih thu a za mi khempeuh in zong Jesuh aw, "Hong pai in," ci ta uh hen. A dangtak mi khempeuh hong pai uh hen la, a deih khempeuh in nuntakna tui a khongin hong la ta uh hen.
+(1)(1).png)